شهد السلطان

7

شهد السلطان جزء ثاني  7

اميره : همام انت رجعت من السفر مييتا.

همام : مالكيش صالح وانتي بتعملي هنيه  ايه….

اميره : اني بشتغل هنيه ممرضه .

همام :اهاه ربنا معاكي .. ليكمل طريقه لكنه أوقفته همام انت مش عايز تكلمني اياك…

همام : مفيش بينا كلام يابت الناس ربنا يسهلك..

اميره :بس انت مش كنت سامحتني..

همام : احنا مفيش بينا كلام يابت الناس

اميره :بس ياهمام انت..

همام :اني ايه اني سامحتك عشان كنتي عيله يتيمه تشتغل مع امها بالمزرعه سامحتك عشان امك الغلبانه غير اكده مكنش هيكفيني روحك امشي بطريقك يابت الناس ومالكيش صالح بيا وانسيني خالص..

اميره بدموع : ياااااه لدرجادي  بتكرهني ياهمام .

همام :وانتي اللي عملتيه بيا قليل اياك…..

 ظلمتيني بحاجه عفشه مكنتش عارف اقول ايه ..وهما بيقولولي العيله الصغيره اللي بالاعبها وشايفها كيف اختى  تتهمني بأني اعتديت عليها..انتي فضحتيني بالبلد كلاتها حتى ابويا شك بيا لو مكنتش ليلتها سهران مع صحابي وولاد البلد وبرووني وقالوا لاهل البلد اني كنت معاهم مكنش في حد هيصدقني..اني تغربت مشفتش ابني اول ماتخلق سبت مرتي وهي لسه عروسه وابني ربي واني بالغربه وكل ده بسببك ..وعايزاني لما اشوفك يبقى عادي ..لا اني لو اطول مالمحش ظلك كنت عملتها..

اميره :اني عملت اكده عشان بحبك..

همام : بعد كل اللي حصل انتي مش ندمانه .

اميره :ندمانه ندمانه وقولتلك قبل اكده اني ندمت والله كنت عيله وإيمان مرات ابوك هي اللي قالتلي اعمل اكده عشان تتجوزني..

همام : خلاص كفايه مش عايز اسمع حسك ليغادر نادت خلفه لكنه لم يجيبها واكمل طريقه ..

أما هي فقد عادت شرارة الحب تشتعل بصدرها مذ راته فها هو همام حب طفولتها حبها الوحيد.

*********

هاله : على فين يا بكري

بكري: هنزل مصر..

هاله :بالوقت المتأخر ده ..حصل حاجه..

بكري : سلطان تعب شويه وبالمستشفى يمه واني لازمن اروحله.

هاله بخوف :هو كويس يابني ..

بكري :ايوه يمه اني معرفتش الا من شويه..عوض بلغني ويقول انه بقى كويس..خدي بالك من روحك يمه ومن هدى قبل جبينه واخذ معطفه من يد هدى وقبل جبينها ايضا..

هدى : ربنا معاك

هاله :خد بالك من روحك يا بني واني هاخد هدى ونروح عند الحجه نعمه ..