(unicode)
''အိုး...အတော်လှတာဘဲ....''
ညနေခင်း ပွဲစပြီဆိုတဲ့အချိန်မှာ မြင်တွေ့ချင်နေတဲ့ကလေးလေးတွေရဲ့ အမေကို တွေ့လိုက်ရသည်။
နှစ်ထပ်ဇာနက်ပြာရောင်မှာ စိန်ပွင့်သေးလေးတွေပါပြီး တဖိတ်ဖိတ်လက်နေသော ဂါဝန်အကျပ်အရှည်လေးနဲ့ ဆံပင်တွေကို ခေတ်မှီစွာ သေချာထုံးဖွဲ့ထားပြီး တစ်ကိုယ်လုံး စိန်ထည်တွေနဲ့ပြိုးပျက်လက်နေ၏။မျက်လုံးဝိုင်းဝိုင်းလေးတွေမှာထူပိတ်နေသော မျက်တောင်ရှည်တွေက မီးရောင်အောက်မှာ ထင်းနေအောင်အထိ လှသည်။မိတ်ကပ်လူးထားတာကလည်း ပြေပြေလေးရှိပြီး ဘယ်လိုကြည့်ကြည့် ကျက်သရေရှိစွာလှပနေသည်။။လင်မယားနှစ်ယောက်လုံး လိုက်ဖက်ညီစွာ ရှိပြီး၊ဧည့်သည်တွေကိုပြောလိုက်၊ဇနီးသည်လေးရဲ့မျက်နှာကို အရိပ်လိုကြည့်လိုက်နဲ့ ထိုဘဲကြီးက အတော်ချစ်ပုံရသည်။
''အသားလေးက ဝါညှက်ဖြူနေတာဘဲ၊ကိုယ်လုံးလေးကလည်း တကယ်လှတာ''
''သူ့အမျိုးသား ချစ်တာလည်းမပြောနဲ့၊အတော်လှပြီး ချစ်စရာကောင်းတာကိုး''
''အေးနော်...ကလေးလေးတွေကိုလည်း မြင်ချင်လှပြီ...အိမ်ထဲမှာထင်တယ်...''
''နင်ကလည်း..ဟိုမှာ3Dနဲ့ ပုံတွေပြနေတာ..
ကြည့်ပါလား...''
''ဟိဟိ..တူမလားဟဲ့...အပြင်မှာလည်းတွေ့ချင်တာပေါ့...''
လာသမျှဧည့်ပရိတ်သတ်တွေကို လိုက်ဧည့်ခံနေတဲ့ စက်ကွင်းတို့ လင်မယားကို ကြည့်၍ တီးတိုးပြောနေကြသည်။မွေးကင်းစမှစ၍ အခုချိန်ထိပုံလေးတွေကို 3Dဖြင့် TVဖန်သားပြင်မှာ ပြသနေတာက ချစ်စဖွယ်ပုံရိပ်လေးတွေဖြစ်သည်။
''ကိုစက်တို့က ဇနီးကလည်းချော...သားတွေကလည်း ချောဆိုတော့ အားကျတယ်ဗျာ''
''ဟားဟား...အားကျရင် လူပျိုကြီးမလုပ်နဲ့လေဗျာ....''
''အမှီလိုက်ဖို့ အတော်ကြိုးစားရမယ်ဗျ....''
မွေးနေ့ပွဲမို့ လုပ်ငန်းကိစ္စတွေဘာတွေပြောမနေဘဲ အကုန်လုံးက စားကြသောက်ကြပျော်ကြပါးကြနဲ့စည်းကားသည်။ညနေခင်း၅နာရီမှ ၇နာရီထိ ကျင်းပမှာမို့ ခြံထဲမှာ ညနေဘက်တည်းက ဧည့်ပရိတ်သတ်တွေက အပြည့်။
YOU ARE READING
ကမ္ဘာလွှမ်းသော နှလုံးသား(completed)
Romanceမထင်မှတ်ထားတဲ့အမှားကြောင့် မင်းကိုလက်ထပ်လိုက်ရပေမဲ့ ရင်ထဲမှာတန်ဖိုးထားပြီး ချစ်ရတာပါဆိုတဲ့...ဦးနဲ့ချာတိတ်။
