فجرو امها سكراتي تفاعل🧡...
وصل بحر للشركه ونزل وقابل فهد عند الباب سلموا على بعض ودخلوا بهيبتهم للشركه ودخل كل واحد لمكتبه يبلش في عمله .
_____________
وصلت ريفان لبيت بيلين نزلت وسلمت على ام بيلين وجلست تنتظر بيلين .
ام بيلين : كيفك ي ريفان وكيف اهلك ... ريفان : بخير ي خاله الحمدلله قطعت سلامهم بيلين وهي جايه تركض وتحضن ريفان لانها من زمان ماشافتها تركتها وجلست هي وياها وام بيلين تضحك على حركات بيلين .ام بيلين : بيلين وين القهوه قومي جيبيها لـ اختك . بيلين : ابشري قامت تجري للمطبخ تجيب القهوه لانها مشتاقه لجلستها مع ريفان .
_______________
عند بحر وفهد كانوا جالسين بعد ماخلصوا العمل يسولفون مع بعض وقرروا يطلعون يتغدون برا سوا ركبوا السياره واتصل بحر على قاسي رد قاسي : ارحبب . بحر: البقى وينك ؟
قاسي: ي المركز وبطلع للبيت. بحر : طيبب طالع مع فهد نتغدا تعال معنا .
قاسي: وين بتتغدون وشهو غداكم. بحر: بنتغدا في المطعم ** .قاسي: طيب مسافه الطريق جايكم . بحر :طيب ننتظرك سكر من قاسي ووصل المطعم ونزلوا وجلسوا يطلبون على بال مايوصل قاسي .
________________
نروح عند بنتنا بيلين وصديقتها ريفان كانوا جالسين يسولفون سالفه تجر سالفه لين وصلت ريفان عند شغل ريفان وخبرتها بيلين عن عملها شهقت ريفان : صاحيه انتِ بيلين المكان خطر عليك .
بيلين : وش تبيني اسوي مافيه الا هي بعدين مو خطر مره .ريفان : بيلين لاتجنني وش ماهو خطر انتِ عارفه انه المكان هذا مايجيه احد صاحي وكله بيصير في مشاكل .
بيلينن :ماقدر اتركه وقعت معهم على اتفاق ٦ شهور ماتركه. .
(فلاش باك) عند بيلين لما دخلت على المدير واعطاها ورقه توقع على اتفاق كان من شروط الاتفاق ٦شهور ماتترك العمل وفي حال تركها تتدفع مبلغ ..
نرجع للواقع : ريفان شافتها فعلاً مضغوطه من كل الاتجاه قالت لها خلاص انتبهي بس وحاولي ماتتقريبن من احد كثير . بيلين: ان شاءلله بنتبه وكملوا سوالفهم لين جاء بعد العصر وجاء اخو ريفان ياخذها ودعتها بيلين عند الباب ورفعت نظرها للباب وطاحت عينها على عمر ابتسم ونزلت عينها ودخلت وسكرت الباب .
عمر: اخو ريفان يحب من صغره بيلين لكن بيلين ماتميل له نهائياً .
__________________
عند بحر وفهد وقاسي خلصوا الغداء وطلعوا ركب فهد سيارته وراح وبحر ركب مع قاسي بحكم ان سيارته عند الشركه لانه كان راكب مع فهد بسياره قاسي كان بحر جالس يسال قاسي عن شغله وصلوا للبيت ونزلوا والقوا السلام وجلسوا مع اهلهم بالصاله كانت ماخذه الجو رسيل وسوالفيها وكانوا مبسوطين عليها استئذنوا بحر وقاسي ومل واحد دخل غرفته يريح .
________________
بعد العشاء اتصلت بيلين على السائق لتخرج لعملها وصل السائق وركبت بيليبن وكان السائق يناظر لها ونظراته ماطمنتها خافت لكن ماحبت تبين توترها استمر السايق يمشي وغير اتجاه الخط انتبهت له وسالته .بيلين: ليه غيرت الطريق مو كان لازم نروح مع الثاني ؟
السائق: اي بس الطريق موقف في حادث وعشان مانتاخر رحت من هينا .
سكتت بيلين وهي متوتره لانها بدت تطلع في مكان مظلم وقفت السياره فجاءه وهنا خلاص دخل الرعب بقلب بيلين لف لها السائق وعلى وجهه ابتسامه خبيثه. السائق : وش رايك نستمتع شوي ونسولف بعدها اوصلك. بيلين حاولت تقوي نفسها : اقول كمل طريقك بسرعه .
السائق: انا احق فيك من المكان الي تشتغيلين فيه وكان يقرب منها ويمد يده يحاول يمسك يدها . بيلين خلاص ماعاد قدرت تكمل وتحاول تبعد عنه باي طريقه وفتحت الباب بسرعه قبل لاينتبه ويقفل ونزلتتت تركض ودموعها على وجهااا ماتدري وين تروح المهم تبعد عن المكان .......
