بسم الله الرحمن الرحيم...
لايك وكومنت تقدير لتعبي فضل وليس أمراً🧡
الشرطه تحاوط المكان وطلع واشر للعسكري للداخل دخل العسكري ووقف فراس وكلبشه وخرج فيه وركبه السياره ولف لـ بحر وقال:يعطيك العافيه وتعال معنا عشان توقع افادتك ونقدر نتصرف هز راسه بنعم ومشى خلف الضابط لسيارته وصلوا القسم ووقع بحر على افادته اما فراس انسجن وينتظر حكم المحكمه علييه لاجراء العقوبه .
________
بعد مرور اسبوعين اكشتفوا الشرطه ان المساعد لخطه فراس كانت آيلا واخذوها للسجن حاولوا ان بحر يتنازل عنها على الاقل ويترك فراس الي حكم عليه بسجن ١٠ سنوات مه غرامه وبالنسبه لـ ايلا بحكم انها ماتدخلت لكن كامساعده حكم عليها بسجن سنه مع الاعمال الشاقه وبكذا نقول انتهوا دورهم بروايتنا ..
_______
عند عمر كان جالس وهو متوتر حيل قرر يخطب فاتن ويشوف نصيبه معها مايقدر يتواصل معها ويبني معها علاقه محرمه يبي يروح ويطلع ويجي معها بدون اذن احد يبيها تصير حرم عمر لبس ملابسه وبدا يعدل شماغه وهو متوتر يتمنى هاللحظه ريفان معه وتهدي فيه عمر من كان صغير كانت ريفان معه وجنبه عمرها ماتركته بس هالمره هي وين هي مسافره وبينها وبينه دول وقارات قاطع سرحانه اتصال طلع تلفونه من جيبيه وابتسم بانشراح توه يفكر فيها فتح المكالمه وكانت مكالمه فيدو طلعت له ريفان وهي كاشخه كشخه خفيفه ضحكت وقالت: وش هالزين يامعرسنا.
عمر: لا لا خليت الزين لك وش هالحلاوه يروح اخوك .
ريفان: اي كيف النفسييه والحماس وغمزت له😉
عمر ضحك من حركتها وقال: عال العال بس ناقصه فرحتي بدونك ياليتك كنتي موجوده ومعي.
ريفان بنبره حزينه: ودي والله وحيل بس ماحبيت اقطع اجازه قاسي واخرب موده اعوضك بالزواج باذن الله .
عمر حس فيها تاثرت وقال: اقول امزح معك خليك بعيده عشان اخذ راحتي واشوف زوجتي بكيفي ماتنشبين لي
ضحكت منه ريفان وفال عمر: اي وين قاسي ماشوفه ولا مايبي يبارك لي عشان بغيت احرمه منك.
ضحكت ريفان وقالت: لا وين بس ماهو موجود طلع شوي وارا بترت جملتها وقالت الطيب عند ذكره
مشى قاسي لها وهو يضحك : ليه كنتي تهرجين فيني عند مين.
ريفان : بس عمر ماشافك قال شكله مابيارك لي على زواجي بعد حركه المنع الي بغت تصير
قاسي اخذ الجوال وجلس بجانبها وحط يده خلف ظهرها وقال: افا ليه مانبارك لاخو الغلا لا لا نبارك ونفرح ونرقص على عرسه بعد لو يبي
ضحك عمر وقال: لاخلا ولا عدم ياخوي وش حالك .
قاسي: بخير الحمدلله
عمر: متى ودكم ترجعون وتنورون السعوديه عاد.
قاسي: كلها كم بوم ونجيكم بس خلونا مبسوطين لحالنا كم يوم ولف على ريفان الي كانت بحضنه وقال ولا وش رايك يا ريفاني رفع عيونه عليها والتقت بعيونها جلس يتامل عيونها والحب الي ينبع منه اما عمر علق على الخط وهو يطالع بنظراتهم لبعض وسرح بخياله لو رفض قاسي كيف كان حال ريفان هالحين لو ولو تعوذ من الشيطان وقال بنبره مازحه : تراني معكم على الخط لاتنسوني
انتبهوا له وضحك قاسي اما ريفان دفت قاسي وركضت تبعد عنه وعن الجوال من نظرات عمر ضحك منها قاسي وودع عمر بعد مبارك له ودعاء له بالتوفيق وقفلوا الخط..
_________
اما عند فاتن كانت حايسه بعمرها ومسلمه نفسها بالكامل للمكيب ارتست والهير ستايل وهي في قمه توترها دخلت عليها رسيل وشافتها متوتره وقالت: افا وش فيها فاتنه القلب.
ردت فاتن : تكفييين افزعي لي احس بموتت مو قادره اتنفس مدري شنو اسوي.
رسيل: ريلاكس يابنتي اهدي اهدي اول شيء لاتسوين ولا شيء شيء ولا تتورين توترين الخلق معك خلي البنات يشوفون شغلهم وانتي اهدي مابيفيدك التوتر وكل شيء سهالات جلست معها وهي تكلمها عن اي موضوع يجي في بالها تبي تبعدها من جو التوتر شوي خلصت فاتن كشختها وكل شيء وقالت رسيل: يلا البسي فستانك على بال ماخلي الهير ستايل تعدل لي شعري انا راحت فاتن واخذت فستانها واكسسوراتها وبدت تلبسها طالعت بنفسها بالمراه سرحت تتخيل نظرات عمر لها .
______
عند بيلين الي ملت من حكره المستشفى لها وكل ماتطلب من بحر يطلعها يرفض بحكم خوفه عليها وعلى طفله قررت تسوي نفسها زعلانه عليه لين يطلعها ماتبين تطول اكثر اسبوعين بالنسبه لها دهر وبنفس الوقت تبي تعيش مع فاتن يومها وتنسبط معهم هي تشوف نفسها انها بخير وجلسه المستشفى مالها تي داعي عكس بحر الي حاب ينفذ كلام الدكتور ويخليها شهرين فيه دخل عليها والقى السلام عليها لاكنها طنشته طالع فيها باستغراب توقع منها سرحانه وتقدم لها باس جبينها وابعدت عنه زاد استغرابه تكلم: كيفك اليوم ؟
ماردت عليه مسك يدها وسحبتها منه رجت يسحبها ويشد عليها وتكلم: وش فيك ليه ماتردين علي ولاتطالعين فيني عقد حواجبه بحده هو مايحب التجاهل ابداً وهي مو معطيته فرصه يفهم وش فيها تكلم وهو يصر على اسنانه وبحده: ممكن افهم وش فيك؟
بيلين فزت من سمعت حده صوته ولفت له شافت نظراته وتعقيده حواجبه تكلمت بهدوء: انت تعرف السبب مايحتاج اقول انا .
بحر: لو اعرف ماسالت اتوقع قولي وش فيك.
بيلين: مليت ياخي افهم اسبوعين وانا اطالع بنفس الجدار طلعني خلاص انا طبت مافيني شيء
بحر تنهد من اصرارها كل ماجاها فتحت نفس الموضوع بس اليوم غير اليوم واضح انها زعلانه عليه تكلم: بيلين يابوي انتِ مايصير تطلعين هالحين وضعك مايسمح بهالشيء وصدقيني ووعد مني من اشوف تحسنك انا الي بطلعك بس مو بهالوقت .
بيلين لفت له وعيونها متغورقه بدموعها: تكفى بحر والله انكتمت مابي اجلس تكفى طلبتك اذا تعزني طلعني وبعدين خاطري احضر خطبه فاتن طلبتك بحر لاتردني بعدين اوعدك ماتحرك كثييير واجلس مرتاحه بس مو بالمستفشى ابي بيتنا ابي غرفتنا تكفى طلعني كلمهم .
بحر ماقدر يجاريها بعد طلبها له هز راسه وقال: بروح للدكتور اشوفه وارجع لك لاتتحركين . ضحكت بيلين بفرحه وعدلت وضعيتها وقالت: شوف اني شاطره بجلس كذا انتظرك .ضحك بحر بقوه من شاف وضعيتها وتقدم لها ومسك خشمها وسحبه له وقال: فديت انا الشاطره الي تسمع الكلام انتظريني يابوي بشوفه وارجع لك . طلع من عندها واتجهه مكتب الدكتور دخل وسلم عليه وفتح معه الموضوع رد عليه الدكتور : شوف استاذ بحر زوجتك وضعها الحمدلله كثير متحسن من قبل وتونا من شوي كنا نفحص وضعها والجنين جداً بخير بس يبي لكم تنتبهون لها وعادي تقدر تطلع بس ماترهق نفسها وماتطلع عتبات الدرج كثيرر افضل لان النفسييه جزء من العلاج وزوجتك ابداً مو متقبله المستشفى لكذا طلعها وجيبها كل اسبوع نسوي لها فحص هز راسه بحر باتييد واستاذن منه بعد ماشكره وطلع لها دخل وقال: لا لا شاطره تسمعين الكلام ماتحركتي على نفس الوضع
ضحكت علييه من شافت كيف انه يتمسخر عليها لانها انسدحت وجلست تلعب بجوالها تقدم لها وقال: يلا جاك الفرج قومي معي بنطلع بس هاه لو ماتسمعين كلامي سحبتك ورجعتك على نفس هالسرير وقفت بسرعه وقالت : لا لا اسمع الكلام افا وقاطعها بخر الي فتح عيونه بصدمه
وقال: من اولها يابيلين تنطين انا ماقلت لك بشويش
تقدمت له وقالت : خلاص خلاص اسفه اسفه مابنط رفعت نفسها بشويش وباست طرف دقنه قريب من شفتها وابتعدت وقالت: اعتبربها رضاوه لك.
مسك خصرها بحر وقربها له وقال: بس هذي ماترضيني .
فتحت عيونها بصدمه من جراءته وضربت يده وقالت: اقول ابعد يلا مستغل الفرص انت مافيه رضاوه بعد خلني اخذ اغراضي واطلع من هالمكان ضحك منها وابتعد عنها لمت كل اغراضها بشكل سريع ولبست عبايتها ومسكت يده وكان بحر حريص عليها حيل وكان يمشي بخطوات قريبه وحيل بطي زفرت بملل وقالت: على هالمشيء الي كني سلحفاه بتخلص الخطبه وانا ماتعديت عتبه المستشفى .ضحك من تشبيها وقال طيب انتظريني ثواني واجي راح وجاب كرسي متحرك انصدمت وقالت: بحر مو من جدك انا ماني مريضه اجلس عليه اتركه اتركه وتعال خلني امشي نفس العالم الطبيعيه .
هز راسه بالنفي وقال : عندك خيارين ياما تركبيين وتسكتين او اني اشيلك وامشي فيك قدام هالمستشفى ولا خلييك على مشي السلحفاه افضل .
تنهدت بملل وتقدمت تجلس على الكرسي ومشى فيها بحر ركبت السياره وتنفست بعمق وقالت: اخيراً شفت العرب بغيت اموت وانا داخل .مسك يدها ومشى متجهين للبيت.
_______
بعد صلاه العصر وصلوا عمر واهله لبيت نواف دخلوا وسلموا سلام رجال وبدوا ياخذون ويعطون بالسوالف وتكلم ابو عمر الي قال : احما جااين لكم يابو فهد وطالبين القرب منكم نبي يد بنتكم فاتن لولدنا عمر .
ابو فهد: ابد نسبكم ينشرى وابشروا بسعدكم.تمت الخطبه بينهم وكان عمرمتوتر يبي يشوفها لكن كونها خطيبته مايعطه الحق انه ياخذها بحضنه تكلم بعد تردد : عمي يصير نكتب كتابنا اليوم ؟تكفى لاتردني.
طلب عمر كان بالنسبه لهم صدمه كلهم من ابوه لابو فهد ولفهد للكل طالع فيه ابو فهد وقال:ليه ياولدي تبي اليوم تملك عليها ادخل هالحين وشوفها وبعدها نكتب كتابكم .
عمر: ياعمي تكفى ماودي ادخل عليها الا وهي زوجتي تكفى خلنا نتملك اليوم.
فهد: طيب ياعمر فرضاً وافقنا احنا يمكن ماتوافق فاتن اليوم .
عمر : طيب خذوا وقتكم واسالوها واذا موافقه انا بكلم الشيخ . كان اصراره على هالشيء صدمه بس كلهم توقعوا انه مايبي يسوي شيء وهي مو ملكه عطوه الحق وقال ابو فهد: تم وابشر باللي تبي فهد قوم شوفها واقنعها وانت اتصل على الشيخ .ابتسم عمر وطلع يكلم الشيخ اما فهد دخل داخل وصوت على فاتن الي جته وهي متوقعه منه بيدخلها على عمر لكن صدمها من سحبها للمجلس وهو فاضي بدت تطالع فيه وتلف راسها تدوره بعيونها وانتبه فهد وقال: مارضى يدخل عليك .
عقدت حواجبها بغرابه وقالت بغصه وهي متوقعه انها مايبي يشوفها: ليه طيب.
فهد انتبه لصوتها وقال : يبي يدخل عليك زوجك مو خطيبك موافقه انتِ.
هزت راسها بعدم فهم وقالت : وش تقول انت.
فهد: اقول عمر يبي يكتب كتابكم اليوم ويدخل عليك بصفته زوجك موافقه على هالشيء .
فاتن: ليه ماكانت خطبه هي وش غير الموضوع.
فهد: يابوي اسمعي عمر مايبي يدخل عليك كاخطيب يبي يدخل وهو زوجك واصر كثير على ابوي وابوي وافق عشان كذا شوي بيجي الشيخ ويكتب كتابكم وبعدها بيدخل عليك عمر طيب فهمتي كلامي ياعين اخوك.
هزت راسها بنعم ونزلت راسها وهي في قلبها فراشات داهمها شعور غرريب حيل بس هي تبصم بالعشره ان هالشعور من الفرحه وصل الشيخ وكتب كاتبهم ووقع عمر على العقد اخذ فهد الكتاب وراح لفاتن توقع وقعت وصرخوا البنات بحماس غطت وجها بخجل منهم وتقدمت ام عمر تسلم عليها وتدعي ان ربي يتمم لهم قاطهم صوت ريفان الي تصرخ بحماس وهي كانت معهم على الجوال فاتحين لها الكام تعيش الشعور تكلمت : والله وطاح اخوي على وجهه مايقدر يصبر وكتب كتابه وش ناويه عليه هو الله يستر .
صرخت فاتن وهي تغطي وجها وتبعد عنهم وهم يضحكون عليها قطع عليهم صوت فهد وهو يقول : فاتن روحي للمجلس ياعين اخوك عمر ينتظرك. توترت وركضت لها رسيل تعطرها وتعدل روجها ودفتها لجهه المجلس رفع راسه من دخلت عليه وهي باكامل كشختها وجمالها الي يسره وحيل وقف وتقدم لها مسك يدها وسحبها له حاوط خصرها وكان فرق الطول بينهم واضح رفعها له لاحد ماتساوى طولهم وتكلم : اخيراً واخيراً يافاتن صرتي لي وملكي .
رفعت راسها له كانت بتتكلم بس قاطع حكيها من اقترب منها وعانق شفتها بقوه بين شفتيه هو مارضى يدخل عليهت خطيب وينحرم من جمالها دخل عليها زوج ويقدر يسوي الي يبي تركها من حس انها تحتاج تتنفس بعد عنها تاركه عيونه تتامل جمالها حاولت تنزل من بين يديه من تسارعت نبضات قلبها بقوه تخاف تبقى مكانها ويسمع صوت نبضاتها لكن شد عليها تكلمت: ممكن تنزلني ونجلس عدل.
هز راسه بالنفي وقال: بنجلس بس ماراح تجلسين انتي الا بحضني ماراح ابعد .
فاتن: طيب بعدل جلستي عشان نقدر نتكلم.
عمر: مافيه قلت جلس على اقرب كنبه له وجلسها بحضنه ودفن راسه في نحرها وهو يطبع عليه قبلاته احترت فاتن وهي ماتعرف تتصرف بهالوضع تركته على راحته رفع راسه بعد ماخذ نفس من شذى عطرها وناظرها وقال : يالله وش كثر انتِ جميله وش كثر جمالك اسرني .
ضحكت وتوردت خدودها بخجل ضحك وقال: انا في وجهك يابنت نواف ارحمي قلبي من جمالك .تجراءت فاتن وتقدمت له مسكت وجهه بين يدينها وقربت من شفته وعانقتها بخفه كانت راح تبعد بس ماترك لها مجال من عانق شفتها بعمق وزاده من اندفعه من حس فيها تبادله نفس المشاعر بعد نوبه حب بينهم وعناق كافي لهم ابتعدوا عن بعض وتكلم عمر وهو تحت تاثيرها : بعد زواج فهد باسبوع بيكون زواجنا . هزت راسها وتقدم لها وقفها امامه وحضنها بقوه وباس رقبتها وقال : استودعتك الله وابتعد عنها من حس في خطوات تقترب منهم عدلت نفسها فاتن وطرق الباب فهد دخل وشافهم واقفين وقال: كنك طولت يالاخو يلا يلا خلصنا.
تخطاه عمر وقال وهو عند الباب: حددنا الزواج ترى. ناظر فيه فهد ورجع نظراته على فاتن الي منزله راسها تخت وقال: تحلمون تتزوجون قبلي يلا بس مناك انا اكبر منها اذا تزوجت تزوجوا انتوا .
ضحكوا عليه كلهم وقال عمر: هالحين من قال لك بنتزوج قبلك.
فهد: مدري واضح انكم مستعجلين انتوا غمز له عمر وقال: حيل مستعجل لفوا من صرخت فاتن وركضت تبعد عنهم جراتهم سوا جابت اجلها وكيف عمر يقول مستعجل قدام اخوها ضحكوا عليها وقال فهد: حرام عليك احرجتها وبعدين متى الزواج ؟
عمر: بعد زواجك باسبوع بيكون هز راسه بتمام ودخلوا المجلس يكملون باقي يومهم .
________
عند البنات الي مسكوا فاتن اساله وهي كانت تتهرب منهم وماتبي تجاوب كانت تختصر الجواب لاحد ماطفشوا منها واتركوها خلص يوميهم ورجع كل واحد لبيته دخل بحر البيت وهو ينبه بيلين على طريقه المشي ضحك ابوه منه وقال: بحر انت منتبه عليها اكثر من نفسها.
بيلين : شفت ياعمي جالس يحسب كم خطوه اخطيها باليوم طفشني تكفى خله يخليني براحتي.
بحر تخصر ووقف قدامها وقال: لاوالله استاذه بيلين اوامر ثانيه بعد عندك
ضحكوا عليه كلهم وتكلمت نايفه: يابحر خلها ترى كانت نفس لما كنت حامل ببناتي وهذا انا بخير مافيني شيء لاتوسس انت بس
بحر قاطعها وقال: عمه الله يرضى عليك لاتقولين كذا وتخلينها تنهبل علي هي هالحين ماني قادر عليها ولقت التعزيز منكم عزالله راح فيها ولدي .
كان يضحكون عليه وعلى حركاته وكلامه مسكها وهو متجاهل اهله ويمشي معها بشويش مع العتب لما اختفوا اهله وشاف مافيه احد شالها بين يديه وراح فيها لغرفتهم دخل وجلسها على السرير وجلس على ركبته وفصح جزماتها منها كانت بيلين تشوف تحركاته وكيف هو خايف ياذيها بدون قصد منه تقدمت بيلين وحضنته ضحك وحاوطها وقال: وش فيه يابوي .
بيلين بعدت عنه وقالت : ولا شيء بس جت بخاطري وحضنتك بعدت عنه وقامت تبدل وتمسح مكياجها ورجعت وشافته جالس على السرير تقدمت منه ودخلت بحضنه تعودت وكثييير على حضنه شد عليها بعد ماباس راسها ودخلت بنومتها بين احضانه اما هو جلس يتاملها ويمسح على بطنها وبعد مرور وقت لحقها ونام .
_______
نروح لابطالنا اهل المالديف بعد ماسكرت المكالمه من البنات وعاشت معهم ملكتهم عن بعد تقدمت من قاسي المنسدح ويلعب جواله جلست بجانبه وقالت: يوه تكفى يجننون والله .
لف عليها قاسي ومسك يدها وفال: كيف عشتي معهم.
ريفان: اي مره مره كني بينهم ماقصروا البنات وروني كل شيء حرفياً معهم .
قاسي باس يدها وقال: الحمدلله يلا وين تبينا نروح .
ريفان: وش رايك نطلع ناكل وبعدها نلعب الدباب البحري .
قاسي اشر على عيونه وقال: غالي والطلب رخيص كم ريفان عندي انا يلا قومي بدلوا ولبسوا على السريع وراحوا للمطعم طلبوا ولما وصل الطلب بدت كبد ريفان توجعها من شكله وريحته رغم انه ايداً ماله ريحه وقالت: وي وش هالاكل استغفرالله ياربي .
عقد حواجبه قاسي وقال: وش فيه الاكل اكلي بس يجنن طعمه .
هزت راسها بالنفي وقالت: ماعاد ودي اكل انت وخلنا نروح نلعب بس حاول فيها قاسي واصرت بالرفض ابعدت عنه وقالت : بطلع اخذ تفس ماقدر اتحمل الريحه هينا ابعدت عنه ولحقها قاسي الي ترك اكله مسك يدها وقال: وش فيك يابوي ليه ماكلتي.
ريفان: مدري ماعجبني الاكل وانسدت نفسي خلنا نلعب يلا يمكن اقدر اكد بعد اللعب .تقدموا للمكان الموجود فيه دبابات بحريه وركبوا ومشوا يلعبون وقي نص اللعبه حست ريفان بدوخه تهاجمها وقفت بنص البحر وانتبه عليها قاسي اسرع لها من خوفه وقال: وش فيك ليه وقفتي.
ماردت علييه ريفان الي كانت الدنيا جالسه تفتر فيها من دوختها تقدم لها وسحبها له وحطها قدامه واسرع يطلع من البحر نزل ونزلها وحط راسها على رجوله وقال: وش فيك ياعين ابوي ليه وقفتي.
ريفان : مدري مدري راسي يوجعني واحس بدوخه.
تقدم منها وحملها وراح فيها للمستشفى القريب دخل وبدوا يفحصونها وسوا لها التحاليل وطلبوا منهم الانتظار لاحد ماتطلع النتيجه وبعد مامر ساعه ونص دخلوا عند الدكتوره وجلسوا ابتسمت الدكتوره وبدت تتكلم معهم وتوضح لهمم ان هالدوخه وهالتعب نتيجه حمل ريفان صرخ قاسي من حماسه وتقدم لريفان ورفعها لحضنه ودار فيها ضحكت الد كتوره من رده فعله وصرخت ريفان : نزلي نزلي طرحت ولدنا .نزلها قاسي وهو يحط يده على بطنها وقال: يعني ولدنا هينا.
ضحكت منه ريفان وقالت : مدري عنك يعني وينه .
ضحك منه ورجع يحضنها بقوه وهو طاير من الفرحه وده يبلغ العالم كله انه بيصير ابو اخذ تلفونه ويبغى يبشر اهله لكن قطعت عليه ريفان من سحبت التلفون من يده وقالت: لاتقول لهم خلنا نقدم رجعتنا ونرجع بكره ونبلغهم .
هز راسه بايه واخذها رجعوا للمنتجع حقهم وفتح جهازه يحجز لهم وجعه للسعوديه جلس بعد ماخلص الحجوازت وسحبها لحضنه شد عليها ودفن وجهه بنحرها بعد عنها وقال بحماس: بصير ابو ريفان بصيرر .
ريفان: وبتصير احن واعظم ابو صدقني قرب منها وقبلها قبله طويله انهلك منها وبعدها انسدح وسدحها بحضنه وناموا..
___________
يوم جديد واليوم الي الكل راح يتفاجئ بجيه قاسي وريفان قاموا نفس روتينهم الدايم اما بالنسبه لحبايبنا صحوا الصباح وخلصوا تجهيز اغراضهم ووداعوا المالديف الي عاشوا فيه اجمل ايامهم وذكرياتهم فيها واتجههوا للمطار وبعد مرور ٧ ساعات هبطت طايرتهم على متن السعوديه وهم كلهم شوق ولهففه لاهلهم ورده فعلهم اخذوا سيارتهم واتجههوا لبيتهم دخلوا وكان الوقت عندهم بعد صلاه العشاء كانوا العايله كلها مجتمعه دخلت ريفان بالبدايه عشان تنبه بيلين وتتغطى واول ماخطت خطوتها للصاله صرخت رسييل وهي تاشر على الباب ولفو كل العايله على الباب وشافوا ريفان تضحك وتقول: سلام عليكم ركضت لها بيلين تحت صراخ بحر عشان تنبته وحضنت ريفان بقوه وهي تعاتبها على عدم بلاغها لها صرخ قاسي وقال : ياولد بدخل .ركضت بيلين واخذت حجابها وجلالها وتحجبت ودخل قاسي وهو يسحب رسيل من ريفان وقال: بس بس كتمتيها خليها تتنفس يابنت .
ضحكت رسيل وهي تضرب كتفه وقالت: خايف عليها على الاقل سلم على اختك المسكينه. حضنها وباس راسها وتقدم لابوه وامه وجدته يسلم عليهم وحضن اخوه بحر بقوه انتهى من السلام وقال : ادري ادري مشتاقين لنا وعشان كدا رجعنا لكم لان وصلني خبر انكم ماتقدرون تتنفسون بدونا .ضحكوا عليه وهذا هو قاسي الي اهله كلهم يحبون طقطقته والي ماتطلع الا عندهم لكن برا وقدام الناس يوضح عليه انه قاسي وجلمود على اسمه مايدرون عن شخصيته اللطيفه ابداً مع اهله . جلسوا كلهم ووقف هو وقال : بما انكم فرحانين لي وبرجوعي ونورت بيتكم حاب افرحكم زياده واقول وصرخ بحماس اني بصير ابوي بعد تسع شهور.صرخ معه بحر وركض يحضنه ويدور فييه ومسكه ابوه وسحبه من بحر وقال: اتركه هو مهبول وهبلت فيه زياده انت .حضنه وبارك له وقال: كبرتوني ياعيال ابوكم بصير جد لحفيدين الله .كملوا يومهم بفرحه عظيمه على قلوبهم رجعت قاسي رجعت للبيت طعم وحياه واستهبالاته وانتهى يومهم .
________
مرت الايام ويوم وبعد يوم واقترب موعد زواج فهد ورسيل وبدت تجهيزاتهم له ليله زواجهم كانوا البنات يشيكون على اخر التجهيزات بالنسبه للقاعه او تجهيزات عروستنا خلصوا تجهيزاتهم وكل وحده راحت تنام وترتاح عشان يصحون بدري دخلت بيلين غرفتها وشافت بحر منسدح على السرير تقدمت له بعد مابدلت وجلست قدامه هالفتره تحس انها اهملت بحر وكثييير من لما حملت وهي صايره مره مختلفه وتنام وتصحى وماتعطي بحر اي حقوق تحس علاقتهم صايره بارده بوجهه نظرها جلست قدامه ومسكت يده وقالت : بحر عادي اسالك.؟
بحر نزل جواله وقال: اكيد يابوي اسالي .
بيلين: ادري انك صاير تنزعج من علاقتنا واني ماعطيك حقك ولا شيء بس انت تدري ان
قاطعها بحر الي حط يده على فهمها وقال: اص اص وش ذا الكلام لاسمعه منك مره ثانيه اولاً انا ماشكيت لك ولا قلت كلمه وثانياً ادري انك تعبانه وتحتاجين راحه وراحتك اهم بالنسبه لي لاعاد اسمع منك نفس هالكلمه
بيلين: بس ادري علاقتنا صايره بارده
بحر غمز لها وهو يبي بغير مودها: تراني جاهز لاتخليني افصل علييك واحرمك من النوم وبكره ماتقومين وتروح عليك نومه.
دفته بيلين وقالت؛ بعد بعد ماتصدق على الله انت ضحك بحر وحضنها وناموا.
_______
