لايك وكومنت تقدير لتعبي فضل وليس أمراً🧡
124:P
تكلمت توق وهي تبي تطمنه انها فعلياً ماتفكر نفس مايفكر فيه هو شخصياً : محمد بالعكس انت مو كاسر خاطري او شيء انت لو كنت تبي تعلمنا انك يتيم كان عرفنا من اول ماشتغلت معكم بس بالعكس انا اشوفك قوي وماوافقت الا عشاني ابي اكون معك لاني احس انت بتعوضني عن اشياء كثيره انا ابيك وراضيه فيك بالكامل تبسم محمد من كلامها واعترافها له مد يده لها ثم سحبه من انتبه وقال: معليش مابعد صرتي حرمي عشان يحق لي امسكها بس قريب قريب امسكها بين هاليدين ضحكت ونزلت راسها وكملت تشرب قهوتها بهدوء .
__________
نرجع لقاسي اول ماطلعوا اهله واستاذن منه ابو عمر بيدخل يريح جلس مقابل لعمر ينتظره يتكلم ويبرر خوفه وينتهي انتظاره بحضن ريفان له طالع عمر فيه وكان يشوف خوفه وعيونه تكلم : شوف قاسي يمكن يجي في بالك اني مابي اختي لك او شيء بس والله ابيها لك بس قلبي يعورني فيه شيء يضغط عليه ويقول ارفض هالشيء ماوراه الا مصيبه تكلم قاسي : شوف عمر عارف ومقدر خوفك على اختك بس صدقني انها بوجهي ومابيجيها شيء طول مانا عايش بس تكفى لاتحرمنا من بعض انا ابيها وهي تبيني ليه توقف بيننا عشان احساس يمكن مابيصيب تكفى قوم خلنا نصلي ركعتين يمكن ترتاح فيها مابضغط عليك بس تراني حالف ماطلع الا وانا شايفها وانت مرتاح . وقف معه عمر وهو ماوده يكسر طلبه نهائياً هو شاف الحل بعيونه وعيون اخته ماوده يكسر فرحتهم سوا توضوا وكل اخذ له مكان عشان يصلون ركعتييين بدا عمر وصلى ورفع راسه من السجود ودعى ربه بكل مافيه ودعى ربه يبعد عنه عدم الراحه ويرزقهم السعاده سوا داعى كل شيء بخاطره وفي الجهه الثانيه كان قاسي يدعي ربه ان يكتب له لقاء معها ويضمها بين احضانه ويدعي ربه ان عمر يرتاح ويبعد الضيقه عنه خلصوا صلاتهم ومسك عمر مصحفه يقرا له صفحتين عشان يرتاح وقف قاسي وقال بطلع للحوش شوي خذ راحتك انتظرك متى ماتخلص هز راسه عمر وطلع وهو ماحب يضغط عليه وهو يشوف التعب بعيون عمر وخوفه على مستقبل اخته المجهول.
بنفس الوقت عند ريفان كامت جالسه وتفرك يدينهت ببعض وتدعي ربها بكل مافيها انها تشوفه وتقابله ويطمن قلب عمر كانوا ثلاثتهم يدعون بتطمن قلب عمر هم عارفين ومتاكدين هالوجع ماجاء من فراغ بس جالسين يقنعون انفسهم بانه كلام وهواجيس شيطان مالها فايده جلست تنتظر عمر وقاسي وهي كلها امل بحلف قاسي لها ووعده انها تكون بين احضانه اليوم .
__________
وقف عمر بعد ماخلص صفحتين قران وهو جزء كبيير منه ارتاح وتطمن في نسبه خوف لكن الامان طغى عليه وكثييير وقف وطلع للحوش شاف قاسي جالس وكانه ينتظر امه تجيه مشى صوبه وخبط كتفه وقف قاسي وصحى من سرحانه لف على عمر وشاف ابتسامته وايقين هينا ان عمر ارتاح ضم عمر بدون كلام فهم عمر من نظرات عيونه شد عليه وقال: باذن الله ماتنضام دامها حرم قاسي بن نايف .
عمر: ونعم يابو نايف ونعم قم غسل وجهك وانا بروح اخلي ريفان تجيك وتراها بعيونك قبل بيتك .
اشر بعيونه وحط يده على قلبه وقال: بقلبي وعيوني قبل بيتي يابو وسكتت ضحك عمر وقال قول يابو حور. ضحك قاسي وقال : والله ونعم فيك يابو حور وعقبال ماتجي حور وامها .مشى عمر بعد ماتمتم بامين واتجهه لغرفه ريفان طرق الباب ودخل بعد ماسمحت له شافها تفرك يديها ببعض ومشى صوبها جلس بجانبها ومسح على شعرها بهدوء وقال: ابيك تطلعين لقاسي بس قبل لاتطلعببن له تاكدي اني ماتركتك الا في يد رجال ونعم فيه وتاكدي اني مارفضت الا من خوفي بس خلاني قاسي اصلي ووعدني انك في قلبه وعيونه قبل بيته وارتحت قاسي واضح انه رجال والنعم فيه عشان كذا عدلي شكلك وانزلي له بس سمي عليه قبل لاتخطفين عقله وقلبه من جمالك . ضحكت ريفان ونزلت راسها رفع راسها وقال: حرم قاسي واخت عمر ماينزل راسها. يلا ياعين اخوك اطلعي له ولاتخلينه ينتظر اكثر يكفي انه تاخر عشان يقنعني ويقابلك هزت راسها ووقف وباس راسها بعمق وطلع تاركها تهف على نفسها تطلب الاكسجين ايقنت انها اللحظه الي بتتوسط حضن قاسي وتوترت من الفكره وقفت وشيكت على نفسها ورتبت نفسها وتعطرت وعدلت روجها وطلعت من غرفتها ومتجهه صوب المجلس وقفت عند الباب وهي تنتظر احد ينقذها ويطلعها لانها عحزت تفتح الباب .
