بسم الله الرحمن الرحيمم.....
لايك وكومنت تقدير لتعبي فضل وليس أمراً🧡
قاسي~
طلع هو وريفان وركبوا السياره واتجهوا للمطار وبعد ربع ساعه وصلوا ونزلوا اخذ الشنط ومسك كف ريفان يشد عليها اتجهه للشحن وشحن الشنط وناظر للساعه والوقت المتبقي للطيران نصف ساعه ناظر فيها وقال: باقي نص ساعه تعالي خلينا ناخذ لنا قهوه اتجهوا لاحد الكوفيهات وطلب قاسي قهوتهم واخذ سويت واتجهه لاحد الجلسات وجلس بدو يسولفون ريفان: مابتقول لي وين مسافرين هالحين
قاسي: لا مابقول
ريفان: واثق حيل اصلاً بعرف بكل الحالاتين قبل لا نركب الطياره .
قاسي: المهم مابقول وانتي اعرفي من نفسك.سكتوا وريفان تناظر بالوحات المكتوبه تبي تعرف وين مسافره
وبعد مرور نص ساعه اعلنت الطائره عن الاقلاع وقبل لاتصعد شافت ريفان اللوحه مكتوب عليها المالديف شهقت ولفت على قاسي الي ناظر فيها بضحكه :اسالك بالله صدق.
قاسي حب يستغبي عليها وقال: وشو هو
ريفان: بنسافر المالديف!!
قاسي حط يده على كتفها ومشاها امامه وقال: لو جلستي تستوعبيين طارت الطياره امشي وبعدين استوعبي على كيفك .ضحكت ريفان ومشت امامه وصعدو الطياره وضبطوا الحزام وكانت مقعد ريفان عند الشباك وفي جانبها قاسي بدت تعليمات الطيران ودعاء السفر سندت راسها ريفان على كتفها وبدت تتامل الغيووم من الشباك وقاسي يناظر فيها عمره مافكر يجي صوب جنس حواء عمره مافكر بالارتباط دايما اهم ماعليه دوامه واهله هم الاول شيء في حياته جلس وسرح بفكره كيف قدرت تزرع حبها بالشكل العميق ذا بصدره كيف شيدت حبها وسكنت فيه غمض عيونه بعد ماطلق تنهيده تعبر عن راحته ودخل في سبات نومه العميق ومحبوبته على كتفه .
___________
بحر~
وصل الموال وسفط سيارته على البوابه ونزل منها دخل من البوابه وبدا يبحث عن حبيبه قلبه وروُحه بعيونه ماشافها ورفع جواله يتصل علييها اتصل لاحد مافصل الخط وماردت عاد الاتصال مره ومرتين وثلاث وانقبض قلبه عليه تذكر تهديد وتحذير فهد له لعدم تركهم هو صحى الصباح بعد نوبه مشاعر معها خلته ينسى الموضوع بدا يدق ومافييه مقابل لمكالمته اتصل على فهد وحط التلفون على اذنه وبدا يركض في الموال ويسال اي شخص يُمر من امامه وصله رد فهد : هلا بحر امر
بحر: تكفى يالفهد
فهد وقف بسرعه وقال: ابشر بعزك واحتزم وش العلم.
بحر: بيلييين مختفييه يالفهد
فهد: ويششش
بحر: اقول مختفييه كم لها معنى يعني
فهد: وينك فييه انت وكيف اختفت هي.؟؟
بحر: كانت بالموال تركتها وقبل ربع ساعه اتصلت فيني ابي اخذها ووصلت ماحصلتها .
فهد: صاحييي انت مو قلت لاتتركها لحالها بحر عقلك ليييه مقفل ماتفهم .
بحر: فهد مو وقت تسال وتعاتب وش اسوي
فهد ركب سيارته وقال : اي موال جااايك خلك لاتتحرك ووتهور.
اعطاه بحر اسم الموال وقفل وبدا يمشي رايح جاي وهو في قمه توتره .
___________
بيلين~
ومسكت بطنها بقوه من الالم الي داهمها رصت بطنها بقوه وشهقت من الالم بس الصدمه كانت من شافت النزيف حولها توتر فراس ووقف بصدمه في مكانه هو مايدري عن حملها وجاهل عنه طاحت بيلين وصرخت : ايي طفلي طفلي الله ياخذك ياحقييير.
فراس بلع ريقه من صدمته حامل وهو قتل نفس برئيه كيف فراس راعي مشاكل وكثييير لكن مايرضى يقتل نفس برئيه مابعد طلعت على الدنيا صرخ على حراسه ودخل واحد منهم : اخذها حالياً على المستشفى سرررريع
تقدم الحارس وهو مصدوم رفع بيلين واتجهه للسياره واسرع لاقرب مستشفى وصل له ونزلها وصرخ على الممرضات اخذوها منه بعد ماقال لهم عن حملها اتصل بـ فراس: وصلتها طال عمرك
فراس : تمام اجلس وشوف وش اخبارها هي والي في بطنها وعطني العلم
قفل منه واتصل فراس في بحر ورد بحر الي قال: والله يا فراس موتك على يدي وينها زوجته ياحقير.
فراس حب يقهره شوي وقال: اوووش مادقييت عليك تخرب روقاني توني كنت مبسوط واضحك مع زوجتك لدرجه قالت مابي بحر باخلعه ونتزوج انا وهي.
شد بحر يده بقهر من فراس واستفزازه له وقال: ياحقييير زوجتي وييين لاتحط قوتك في الحريم لان هذا انت لو انك رجال ماواجهتني في زوجتي كان واجهت البحر.
فراس : اسمع ولاتكثر حكي زوجتكك بين الحياه والموت ونسيت اقولك ترى ولدك ودع الحياه قبل لايجيها ماحب يجي ويشوف ابوه الي مو كفو.
وقفت الدنيا في بحر كيف كل هذا يصير وهو مو حولها بيلين وينها وايش صار وكيف كل هالاسئله في باله مايدري وش يسوي تكلم من بين اسنانه: فراس اخر مره اسالك زوجتتتي وييين.
فراس : شوفها في مستشفى الـ ***** يمكن تحصلها جثه بس ترى المستشفى ماله دخل لاتقلب الموضوع عليه وقفل من بحر .
عند بحر اول ماسكر فراس منه ركض للباب وركب واتجهه للمستشفى اما فهد شافه يركض وركض خلفه بدون مايتكلم وصلوا المستشفى ونزل يركض للاستقبال : في وحده جاتكم اليوم باسم بييليين؟؟
الاستقبال: اي ياخوي تحصلها في قسم العملييات تقدر تروح له من هينا اشر له وركض بحر للقسم وصل وشاف الدكتور توه يحرج ركض له وقال: بيلين؟
الدكتور: وش تقرب لـ بيلين سامي؟
بحر؛ زوجتتتي قول وخلصني وش فيها بيلينن
الدكتور: اهدا اهدا بيليين تمام تدخلنا وقدرنا نسيطر على النزيف الي معاها .
بحر: والجنين صار فيييه شيء؟
الدكتور: لا ماصار شيء بس حاب اقولك زوجتك راح تجلس عندنا لاكثر من شهرين بحكم ان الجنين لسى مو ثابت وباي حركه منها راح تخسره.اطلق بحر تنهيدته بحزن بيلين ماتحب الحكره كيف بتقبل تجلس شهرين في المستشفى بدون حركه منها الا حركه بسيطه عشان يمنعون منها اصابتها بالجلطه .ربت فهد على كتفه وقال : هونها وتهون ياخوي اهم شيء سلامتهم والباقي يتعوض قل الحمدلله
بحر: مراح ترضى تجلس فييه ماتحبه .
فهد: معك راح تجلس واثق انا
بحر: بس انا ماراح اجلس واهدا لييين احاسب الحقيير على فعلته والله مايسلم .
فهد: اهدا وخل بيلين تصحى واول ماتصحى نطلب الشرطه تحقق بالموضوع هي عشان يمسكونه وبنفس الوقت لاتتنازل انت عنه ونرتاح منه
بحر: لا مستحييل مابقدم بلاغ الا بعد ماحاسبه اناا بطريقتي .
فهد : وش ناوي عليييه يابحر ؟
بحر: بعدين اقولك وجلس ينتظر ينقلون بيلين للقسم التنويم
________
نرووح لابطالنا اهل المالدييف وصلوا المالديف ودخلوا الفله الي اختارها قاسي بعنايه شديده من اجل ان يعجب ريفان اول ماخطت ريفان عتابتها ودخلت انبهرت من جمالها بدت تتامل كل مكان تطيح عينها عليها عاجبها المكان بقوه مشت وفتحت البلكونه المطله على المسبح وقفت عليها وتقدم قاسي يحضنها من ورا شدت على ايده وسندت راسها على كتفه وقالت: وشلون اجازيك ؟
قاسي: على شنو تجازيني ؟؟
ريفان: على كل شيء انت عوض ريي الي لو احلم واطلب مليون مره انت اجملها
قاسي: اي ابيييك تجازيني ببتسامه تاخذني لها وضحكه تشع القلب من جمالها .ابتسمت ريفان وبانت غمازتها الي بخدها اليمين قريب شفتها قرب قاسي لها وقُبلها قبله عميقققه وقاطع قبلتهم رشات المطر صرخت ريفان بحماس وبدت تددور وتركض وقاسي يتاملها لفت له بعد ماتبللت من المطر : ليه ماتجي .
قاسي: خلاص تعالي لاتتعبين .
ريفان هزت راسها بالنفي وقالت : مابجي وركضت صوبه ومسكت يده وجلست تدور وهو ماسكها كانت صحكاتها عفويه من القلب طالعه بعد نص ساعه هدا المطر ودخلت ريفان تبدل لبست فستانها الاصفر وسليبرها ولفت شافت قاسي جالس على الجلسه المطله على المسبح راحت له بعد ماعدلت شعرها وتعطرت وطبطبت روجها على شفتها مشت وجلست جنبه وبدت تتامل معه قاطع تاملها صوت قاسي: وش رايك ننزل للمسبح .
ريفان: لا ماوديي
قاسي: افا ترديني.
ريفان : ماردك بس توي لعبت في المطر وبدلت مالي خلق انزل له قام ووقفها معه وقال: لو جلست كذا بتاخذين عقلي بجمالك امشي امشي معي سحبها ولما جاء ينزل للمسبح لفت انتباه الزحلقيه المائيه ضحك وقال: غيرت رائي مابي المسبح ابي الزحلقييه شهقت ريفان بصدمه من شافت ارتفاعها وقالت: تحلممم انت مستحيل
قاسي بضحكه : لاوالله مو مستحيل امشي بس
ريفان: قاسي صاحي شوف ارتفاعها ماقدر
قاسي: بحضني بتقدرين امشي بس سحبها معه ووصل ركب بالزحلقيه وجلسه امامه وحاوط خصرها بشده ودفها وراح معها ونزلوا وسط البحر ودخلت ريفان بوسطه اما قاسي كان قادر يسبح دخل ورفعها وهو يضحك على شكلها المبلل والتصاق شعرها بوجها من المويه وخلها تمسك الحديده ورفعها طلع خلفها وقال: امشي نعيد ماردت ريفان ومشت معه مره ومرتيم والمره الثالثه بدت تنزل وتلعب معه بروحها بدون مايحطها امامه كملو لعب لمده ساعه وخلصوا ودخلوا وبدلوا وكان وقت الغروب لبست بجامتها وجلست تتنظر قاسي وخلال انتظارها طلبت لها كوبين قهوه دخل قاسي وجلس امامها وجلس يتاملها وبعد مرور طلعوا يتعشون على السريع ورجعوا ينامون من التعب .
_________
نجي عند عمر كان جالس وهو بخاطره يبارك لـ فاتن دخل على الواتس وشاف اخر ظهورها قبل قليل وارسل نقطه بدون تردد ردت عليه فاتن بنقطه اخذ نفس واتصل عليها وانتظر ردها فتحت المكالمه بدون ماتتكلم تسمع انفاسه تكلم عمر: اخبارك؟
فاتن: الحمدلله تمام كيفك انت؟
عمر: صرت بخير مبروووك التخرج عقبال الجامعه.
فاتن: يبارك فيك ان شاءلله يارب.
عمر قال بعد تردد : بس الجامعه بتكون في بيتك زوجك
فاتن ضحكت وقالت: م شاءلله خططت اني انزوج قبل لا ادخلها.
عمر: وخططت اتقدم لك في العيد بعد وش بتقولييين على ذي بعد
فاتن قمطت وسكتت وجلست تسمع كلامه: فاتن انا مابي اروح للطريق الحرام واسبب مشاكل مالها بدايه ولا نهايه انا ابييك على سنه الله ورسوله ابيك في بيتي وابيي انام واصحى وانا اتامل وجههك وملامحك سكت شوي وقال فااتن انتي موافققه علي؟
فاتن كانت تسمع كل كلمه وحرف بقولها وقالت بعد تردد: تدل البيت ي عمر وقفلت المكالمه بوجهه وقلبها ينبض بقوه مشاعر غريبه زارتها .
________
نرجع لـ بحر طلعت للممرضه وبيلين معها منومه مشى معهم لاحد الغرفه وركبت الممرضه المغذي وخرجت من عندهم جلس بحر على حافه السرير ومسك يدها بين يدينها وباسها بعمق وبدا يمسح على شعرها وتكلم: بيلين بيلين يابوي اصحي لاتتركيني كذا قلبيي يعورني قومي وريحي قلبي تكفييين والله لاخذ حقك وحق ولدي منه واطلعه من عيونه بس قومي يلا ي بيليني بدت تتحرك بيلين بانزعاج من الالم وشدت على يده وقالت : ويني فييه.
ضغط بحر على الزر عشان تجي الممرضه وقال: في المستشفى يروُحي
بيلين وضعت يدها على بطنها وقالت: طفليي ؟؟
بحر: بخير بخير انتي وهو كلكم بخير وربي يديمكم لي.
________
عند فراس كان جالس يفكر بعد ماطمنه الحارس بوضع ايلين وطفلها ارتاح نفسياً جلس يفكر وقاطع تفكيره حضور آيلا وقالت: هلللوو ياخوي.
فراس: اهلاً وش عندك جايه هينا
آيلا: رحب نفس العالم بعدين اسال ياخوي
فراس: طيب ارحبيي ونورتي هالحين وش السالفه ليه جايه
آيلا: سمعت انك خطفت بيلين وش صار ؟
فراس: من وين جايبه الكلام
آيلا: سمعت العصفوره قالت لي المهم ليه خاطفها وش صاير وماعطيتني الخبر
فراس: ابي ابرد خاطري فيهم عشانهم سبب خسارتي في شركتي
آيلا: طيب وليييه تتركها كان خليتني اجي ابرد خاطري معك بعد.
فراس: وليه وش مسويه فييك زوجته انتي .
آيلا: بس بيني وبينها اطلع منها انت مو مهم تعرف سوالف الحريم .
جلست آيلا وهي تفكر لو قابلت بيلين بتبرد خاطرها هي جالسه تحسد بيلين على بحر بحر معيش بيلين فوق الغيييم وهي تتمنى تكون مكانها .
___________
بحر بعد ماجت الممرضه واكشفت عليها تكلم بحر: بيليني اسمعيني بقول لك راح تجلسيين في هالمستشفى شهرين عشان وضعك ووضع الجنين مايسمح لك تطلعين .
ناظرت فيه بيلين بصدمه شهرررين ؟!! كيف تجلس شهرين بدون حركه !! كيف تجلس بالمستشفى كمان ! ماتقدر تصبر نهائياً هزت راسها بالنفي وقالت: ماقدر ماقدر شهرين صعبه علييي انتي تعرفني ماحبه ابد.
بحر : بكون معك صدقيني مابتحسين بالوقت نهائياً اوعدك جلس يهديها وبعد نص ساعه جت الممرضه واعطتها منوم عشان ماتتعب اكثر ولم شافها بحر دخلت في سبات نومها طلع واتجهه لموقع بيت فراس الي وصل له من خلال فهد وصل ونزل دخل عليه وشاف فراس على مكتبه وكرسيه لما الشباك وظهره للباب لف بصدمه من صوت الباب القوي وكانت صدمته في بحر الي اقترب مباشره ولكمه على وجهه وهجم عليييه بدا يضربه ويكرر جملته الوحيدده: انت كفووو تمد يدك علييها انت ماتعوف من تكون هذي حرم البحر انت يالنجس تمد يدك على املااكي كان كل كلمه يقولها ويلكمه اقوى من الاولى بعد ربع ساعه تركه بعد مابرد حرته نهائياً وشاف وجهه المورم والدم ابتسم وقال: هذا حق حرم بحر وولده وعلى انتهاء كلمته سمع صوت الشرطه تحاوط المكان وطلع واشر للعسكري للداخل دخل العسكري ووقف فراس وكلبشه وخرج فيه وركبه السياره ولف لـ بحر وقال:يعطيك العافيه وتعال معنا عشان توقع افادتك و......
انتهىىىىى
تفاعلكم ياحلوين لاتحرموني منه🥹🥹🥹.
