لايك وكومنت تقدير لتعبي فضل وليس أمراً🧡
94:P
مارد عليها قاسي الي بدا يغمض عيوني دليل غيابه عن الوعي مدت ريفان يدها وهي تحاول تصحيه صرخت ووقفوا اللعبه نزلت وحاولت تصحيه لكنه غايب تماماً صرخت على الي حولها تبي مويه ترش عليه اخذت المويه وحطتها بيدها وبدت تحطها على وجهه فتحت شنطتها وطلعت عطرها وحطته بيديها ومررته على وجهه قاسي الي بدا يرجع لوعيه طالعت فيه وقالت: انت بخير تسمعني اشر براسه ورفع يديه على راسه يضغط عليه اثر الدوخه رفع نظراته لريفان وشاف خوفها عليه ابتسم ووقف حاول مايطيح عشان مايخوفها زياده يكفي لها الي صار مع عمر ودوخته وقف قدامه وقال: مافيني شيء يلا وش نلعب . طالعت ريفان فيه وهي مصدومه كيف قادر يخفي تعبه عشان ماتزعل هي وينفذ لها طلبها وحلمها تكلمت: خلاص طفشت خلنا نرد يلا.
طالع قاسي فيها وفهم انها ماتبي تلعب عشان مايتعب هو تكلم : عاد انا بخاطري هاللعبه واشر بيده للعبه طالعت ريفان مكان مايشير اليه وشافت اللعبه وقالت : مو وقتها بعدين ان شاءلله نرجع ونلعبها تكلم قاسي: تخلينها بخاطري يلا امشي معي مشى وهي لاحد هالحين في مكانها وقف ولف لها شافها ماتحركت رفع يديه يشر لها بمعنى تعالي مشت له ووصلت وقال: يلا يلا نبي حماس راح وركبوا اللعبع سوا وبدت لعبوا اكثر من لعبه وكان غرض قاسي انه ينسيها تعبها وضيقتها وبعد اللعب راح ياخذون لهم اكل ووصلها قاسي لبيتها وراح لبيته وصل ودخل غرفته ورمى نفسه على السرير اثر دوخه جاته وهو كان طول الوقت يجامل على نفسه عشانها .
يوم جديد في بيت ابو بحر تحديداً جناح بحر وبيلين كانت بيلين واقفه امام التسريحه وتعدل ميكبها الصباحي عشان تطلع للداوم مع بحر وبحر نايم خلصت اخر شيء وهي تحط روحها النود تركته من يديها وتوجهت لبحر النايم وجلست على طرف السرير :بحر بحر بدت تناديه باسمه وهي تمسح على راسه بيدها تحرك بحر ولف وجهه جهه بيلين وشافها جالسه انجذب لها هو عاشق لها وبعد جمالها اسره باكمله اخذ يديها الي على راسه وقربهت لشفايفه وطبع قبلته عليها بكل هدوء وتكلم : عيون بحر وقلبه امري ياروحُي .
بيلين : مايامر عليك ظالم يلا يابوي قوم عشان الدوام استعدل بحر بجلسته وقرب بيلين منه الا ان دخلت في حضنه حضنها وباس راسها بعمق بعد عنها من شاف احمرار وجنتها ووقف وقال: اللهم اني صائم اعتقي قلبي طالبش .
بيلين بققت عيونها وقالت: اعتقتك من ايش وش مسويه لك انا .
قرب بحر وجهه من وجهه لاحد ماحط انفه على انفها وقال: ذبحتيني بجمالش قلبي مايتحمل هالجمال.
بعدت بيلين عنه وحركت شعرها دليل على غرورها وقالت : شفت جمالي ماحد يقدر علييه وربي كتب هالجمال من نصيبك اشكر ربك .
بحر: ياربي ارحم قلبي فوق على جمالها غرورها بعد ايوالله بروح اسجد لي شكر وادعي ربي يديمش لي .
قام بحر وتركها وراح غرفه التبديل يبدل ملابسه وياخذ له شور اما بيلين راحت تكمل اخر لمساتها وتاخذ شنطتها وعبايتها بعد ربع ساعه خلص بحر وطلع واخذ عطره المميز الثقيل المميز بالعود اخذه ومرره على اطراف رقبته واماكن النبض عنده عدل شماغه ولف على بيلين ومسك يدها وطلع من جناحه قابل رسيل جالسه بالصاله مر عندها وسلم : يلا امشي اوصلك مع الطريق .
رسيل: لا مايحتاج توصلني انتظر فهد قال بيجي.
بحر: الله من متى تنتظرين فهد ومن قال لش بسمح تركبين معه انا .
ضحكت رسيل بصدمه من كلامه وقالت: تراه عادي يوصلني بس للمدرسه مابروح مكان ثاني .
بحر حاول يميل صوته للحده وقال: قلت ماقيه واذا جاء مابيحصل خير وصلش العلم وانتِ قدامي يلا لف على بيلين وقال: يلا مشينا ننتظرش برا سريع . اعطاه ظهره تحت صدمه بيلين ورسيل من اسلوبه تقدمت بيلين من رسيل الواقفه ودموعها في طرف عيونها وقالت: اسمعي ياعيوني بحر مو صادق بكلامه ترى ماتعرفين بحر يحب يمزح ويستهبل ولا تعرفين بحر وش كثر يحبش ويعز فهد مستحيل يسوي هالحركه بس يبي يمقلبش كانت بيلين تتكلم لها وهي من الاساس مستغربه كلام بحر .
