لايك وكومنت تقدير لتعبي فضل وليس أمراً🧡
118:P
بيلين~
شهقت وبدت دموعها تنزل مسكت وجه بحر بين كفوفها وقالت: احلف ماتتركني بحر احلف لاتخليني
شاف شكله وعوره قلبه عليها مسكه وحضنها وبدا يمسح على شعرها بهدوا لاحد مابدت تنتظم انفاسها دليل على انها رجعت تنام شدها لحضنه وعدلها وطفى النور ونام وهي كل شوي تفز ويرجع يشد عليها .
__________
صباح يوم جديد يوم خطوبه قاسي وريفان اليوم الي بينكتب ريفان حرم قاسي صحى قاسي وهو في اقصى مراحل روقانه اخذ له شور وسوا روتينه المعتاد اخذ مفتاحه واغراضه ونزل وهو يدندن باغنيه حافظه وابتسامته على وجهه شاف اهله وجدانه على الطاوله تقدم صوبهم وباس راس جده وجدته وامه وابوه جلس مكانه وتكلم جده : وش هالروقان يابو نايف . ضحك قاسي وقال :اوه جدي من هالحين بديت تقول ابو نايف خل بالاول ام نايف تجي بعدين قولها . ضحكوا من كلامه كلهم وقال ابوه : ام نايف بتجي اليوم ولا ماشفت هالابتسامه كلها مرسومه على وجهك .
حك جبتهه بفشله وقال وهو يحاول يوضح لهم انه مو متحمس : اذا كتبها الله جت ام نايف بعدين انا كل يوم ابتسامتي على وجهي واروح للداوم وانا مبسوط وكمل بسرعه عشان مايسالونه شيء ثاني اقول بحر متى بتطلع للشركه لاني ابي امرك عشان نخلص شويه اشغال معك .
طالع فيه بحر بعد ماكانت نظراته على بيلين الي بجانبه وسرحانها قال: بطلع بس بودي بيلين تاخذ لها كم شغله وبعدها بوصلها بيت اهلها واروح للشركه اذا جيت فيه عطيتك خبر هز راسه قاسي بتفهم اما بحر كان يفكر وش الشيء الي يغير مزاجها لانه من لما صحت وهي سرحانه ومالها خلق لاي شيء حتى خطوبه رفيقه عمرها مالها نفس تحضرها شد على يديها يبيها تكمل اكلها وانتبهت لها ام بحر وتكلمت : بيلين يامي ليه ماكلتي صحنك نفس ماهو .
بيلين نزلت الملعقه وقالت : اكلت ياخاله الحمدلله مالي خاطر اكمل .وقفت واستاذنتهم عشان تطلع تجيب شنتطتها وتطلع مع بحر اول مابعدت عن الطاوله تكلمت رسيل: وش مسوي لها اعترف .
بحر طالع بنفسه وقال: انا وش مسوي .
رسيل: البنت طول اليوم تطالع فيك وتسرح مو معقوله مو مسوي لها شيء
بحر : اقول مسويه فيها محقق انتِ كملي اكلك وعلى دوامك يلا .
رسيل: اليوم مابداوم تخيل بس اداوم وهو خطوبه اخوي وي .
ضحك قاسي وحضنها مع الجنب وقال: ابد تم يالشيخه لاتداومين حلالك وش ماتبين سوي . نزلت بيلين ووقف بحر يستاذنهم وطلع معها بعد مامسك يدها .
توق~
كانت جالسه وتبدل عشان تطلع لدوامها دخلت ذوق وقالت : بتطلعيين ؟
لفت عليها توق وقالت: اي ليه تبين شيء .
ذوق: عادي توصليني على طريقك مالي خلق اركب مع السايق ابي اركب قدام معك واخذ لي قهوه ضحكت توق على امنيتها وقالت وهي تشر على عيونها : من عيوني الثنتين كم عندي ذوق يلا افطري واخذي عبايتك يابوي على بال ماخلص .باستها ذوق مع خدودها وقالت : الله لايحرمني منك احبك ياشيخه ونزلت تحت تفطر بعد ماخذت شنطتها وعبايتها وكملت توق تجهيزها وخلصت نزلت واخذت ذوق وطلعت توصلها بعد مامرت لها ستار بكس واخذت قهوتها .
__________
قاسي~
عند قاسي طلع يكمل اشغاله عشان يروح لبحر ويطلع معاه المول يجهز هدايا لريفان وحب ياخذ اخوانه بحر ورسيل معه يختارون خلص دوامه ووقع على ورقه خروجه وطلع ركب سيارته واتصل برسيل وقال لها تجهز جايها قفل منه واتصل في بحر وخبره بحر انه بيتاخر نص ساعه عنه قفل منه ووصل البيت اخذ رسيل وتوجه للموال وصل ودخلوا الكافيه ينتظرون بحر ويتقهون على بال مايوصل لهم اتصل فهد برسيل واخذ الجوال قاسي ورد بضحكه : نعم حياتي . بعد فهد الجوال عن اذنه يطالع بالاسم ورجعه من جديد بعد ماتاكد من الاسم وقال بعد ماسمع ضحكه قاسي: وجع ياقاسي وجع ياخوك عط الجوال رسيل ولاترد وتتلقف مره ثانيه .كان قاسي يضحك من صدمه فهد وقال: تامر من عيوني الثنتين امسك زوجتك يلا اخذت الجوال وقالت له اسم الموال وقفلت وقالت لقاسي: ترى فهد بيجي هز راسه وقال: حياه يجي ولد العم والنسيب .
____________
بيلين~
كان بحر يسوق وهو شابك يده بيدها ويسوق طالع للموال لان بيلين تحتاج نواقص لخطوبه ريفان وقاسي وصلوا ونزلوا سوا دخلوا اول محل واخذت بيلين عقد لها عشان فستانها وطلعت منه وكملت باقي نواقصها وطلعت من الموال بعد ماخذ بحر لها قهوه بارده واعطاها بالسياره ركب وحرك لجهه بيت اهل بيلين وصلوا ومسك يدها قبل لاتنزل وتكلم : مابي اشوف الضيقه في عيونك الضيقه مانخلقت لك ابي اشوف الفرح والسعاده انبسطي هذي صديقه الطفوله اليوم خطبتها لاتخلينها تزعل عليك وتحس انك مو فرحانه لها مع اني اعرف انك حيل مبسوطه بس تعبانه شوي. هزت راسها وقالت : مو تعبانه بس عقلي تعبان مابي افكر مابي اخسرك بحر قاطعها من حضنها وقال: وربك يابيلين مابتخسرين بحر مهما صار ومهما الكل حاول مابنفترق اضحكي ياعين ابوي يلا ضحكت بيلين وتحس قلبها ارتاح بعد حلفه
