احببت خادمتي ♥️✨

بارت 6

تاني يوم ملك قررت انها تنتقم من وليد و نفذت اللي في دماغها

ملك : يلا هي موته و السلام
و دخلت على حازم الاوضة

ملك : يا سعادة البيه كريم شانتيه اصحي يا اخويا النهارده الجمعة

حازم : هشش عاوز أنام يا مالك

ملك بصدمة مضحكة: مالك مين انت شايفني بشنبات قدامك جت جمب ودنه و صرخت : سعادة البيه كريم شانتيه

حازم اتفرع و قام قعد على السرير و هو بيقول: زلزال زلزال يا مالك

ملك بابتسامة و هدوء : صباح الخير يا سعادة البيه كريم شانتيه

حازم بعد ما استوعب اللي حصل بصلها و قال: انتي بتعملي ايه هنا يا جميلة

ملك : النهارده الجمعة يا سعادة البيه كريم شانتيه يعني غسيل وكنيس شقلباظات هتتعمل النهارده في البيت و انا الصراحة عاوزه منك طلب دا غير انك هتساعدني طبعاً في شغل البيت

حازم: مين دا اللي هيساعدك في شغل البيت

ملك بحزم : انت طبعا و مش انت و بس دا كله هيشتغل

حازم: انتي كدا شنيتي الحرب على وليد و مش هيسكت على فكرة

ملك بلا مبالاة مش مهم المهم اننا ننبسط و ننجز شغل

حازم : يلا انا أصلا مخنوق منه هنبدا امتي يا كبيرة

ملك : دلوقتي حالا عقبال ما اعمل نيولوك التنضيف

حازم : لا هو التنضيف بقي له نيولوك

ملك : طبعاً خلص بس انت على ما أجهز الحاجة بره

حازم بزهق : طيب

ملك خرجت جهزت نفسها فدخلت الجلبية الرجالي في بنطلون بجامة شبابي لبساه تحت الهدوم و ربطت شعرها باشارب
مسكت طشط كبير و حطته في وسط الصالة و خلته قريب شوية من اوضه وليد و حطت الهدوم جنبها
حطت ماية في الطشط و حطت مسحوق و بصت لحازم اللي لسه خارج و اتصدم من منظرها قالتله جاهز

حازم بصدمة : ايه اللي انتي عملاه في نفسك دا

ملك بانشكاح: عجبك النيولوك بتاعي

حازم : ها اه طبعاً طبعاً

ملك : طب يلا

حازم كان لابس تيشيرت نص كوم و شورت لحد الركبة جاب الصب و حطه جنبهم و علاه على الأخر و قال : استرها يا رب

ملك : شغل و متبقاش جبان

حازم شغل الصب و الصوت بقي عالي أوي و قعد قصاد ملك يغسل معاها
الأول جرجرتك، من خيبتك خدرتك
الأول جرجرتك، من خيبتك خدرتك
الأول جرجرتك، من خيبتك خدرتك
وبقيت تعرف تكدب، وبتلعب على جارتك
وبقيت تلعب بوكر وبتشرب چون ووكر
بقيت تلعب بوكر
وبتشرب چون ووكر، وبتشرب چون ووكر
بقيت تلعب بوكر، وبتشرب