احببت خادمتي ♥️✨

بارت 17

مالك قاعد على كنبة و على يمينه ملك و على شمالة ريا و قدامة وليد و حازم اللي بيكتموا الضحكة بالعافية

مالك بصرامة مصطنعة و من جواه هيموت و يضحك على منظر ملك : إحنا هنعمل معاهدة سلام بينا عشان نعرف نعيش الكام يوم الجايين دول في سلام

ملك قاعدة ضاربة بوز و بتربطم : يعني كان لازم يشيلني من عليها كان في كام شعراية صفر كنت خلاص على وشك اشيلهملها بس الله في سماه لشيلهم برضوا صبرك عليا يا بت الدزمة

مالك بص لـ ريا و كمل : يعني لا جميلة خدامة هنا ولا انتي ضيفة هنا كلنا هنا أخوات في بعضينا و بص ل ملك و قال: يعني نحترم بعض و منقفش لبعض على الواحدة

ملك قامت مره واحده و قالت: اسكوزمي بقي يا سعادة البيه الحليوة أنا اللي يدوسلي على طرف اجيبه من قفاه اه معلش إحنا بنتكلم مهو مش هتحرق دمي و اسبهالكم و أموت انا مفروسة

مالك شد اديها قعدها و قال : مهو معاهدة السلام دي مش هتخليكي تموتي مفروسة اقعدي و اسمعي الكلام للآخر بقي

ملك وقفت تاني و قالت: اسكوزمي معلش كمان مره انت يا سعادة البيه الحليوة مقعدنا في حصة تاريخ جمبك و انا سايبة مطبخي و السجاجيد اللي هتتغسل اية معاهدة سلام معاهدة سلام دي إسمها قعدة صلح

مالك نفخ بغيظ و قال : طب نكمل القعدة بقي يا جميلة ممكن

ملك مدت اديها ليه و قالت: بوس

مالك فنجل عينة بحركة مضحكة و قال: افندم

ملك ببلاهه و تراجع: خلاص متبوسش هقعد بس لو الكلام معجبنيش و حيات أبوك يا شيخ في كام شعرة كدا صفر عاوزين نخلص منهم

حازم مقدرش يقاوم اكتر من كدا و وقع على الأرض من كتر الضحك

مالك شد ملك قعدها تاني و قال : اهدي بقي خلينا نخلص ورانا مصالح

ملك بتريقة: اهو حطيت جذمة قديمة في بوقي و سكت ربنا على الظالم المفتري و بصت في السقف و قالت: أهم يا رب أهم و شاورت على اللي قاعد كله و كملت اهم اللي جايين عليا اكمني وحدانية ...اسخطهم قرود و أنا هرضي بالأمر الواقع و هقول قضاء و قدر

مالك بصلها بصه خلتها تحط ايدها على بوقها ومتنطقش تاني

مالك: نرجع تاني معاهدة السلام دي مش بين جميلة و ريا بس لا دي مبين الكل

حازم : إني أعترض

مالك بسخرية و غيظ: بتعترض على اية إن شاء الله إحنا لسه قولنا حاجة يا زفت

حازم : معرفش بس طلما اجتماع يبقي لازم أعترض فيه اية يقولوا عليا مش فاهم

مالك حط ايدة على وشه لما شاف ملك بتشجعة و بتقول: براڤوا عليك يا سعادة البيه كريم شانتيه أصلا محدش بيفهم هنا غيرك و رفعت اديها و قالت أنا بايد اعتراض سعادة البيه كريم شانتيه مهو مش هيبقي لوحدة اللي بيعترض لازم كلنا نعترض إية هنسيبه يعترض لوحدة