احببت خادمتي ♥️✨

بارت 15

تاني يوم الصبح كلهم صحيوا على صوت دوشة بره كان أول واحد خارج هو حازم بصلها ببلاهه و قال: انتي بتعملي ايه هو دا وقته

ملك : ايه بنضف منضفش و تقولوا مش شايفه شغلها و بعدين التنضيف بدري رياضة

وليد: رياضة يا قادرة رياضة الساعة أربعة الفجر جميلة الله يرضي عنك نامي دلوقتي عندنا شغل الصبح

ملك : افهم بس يا سعادة البيه الحليوة و كانت لسه هتكمل كلمها شهقت لما لقت

ريا خارجة و بتقول بعصبية: في اية هنا

مالك و وليد و حازم تنحوا و ملك فتحت عنيها قوي و قالت في نفسها : تنين مهاجر اية بس دي بطل كل حاجة فيها بطل نهار ملحوث دي وسطها قد كف ايدي بصت لنفسها بحسرة و قالت: ليك حق يا سعادة البيه كنافة بالمنجة تقول عليا سيد قشطه

بصت عليهم لقتهم متنحين فركزت و قالت : ينهار منيل قميص نوم يا قادره و مع تلت عجول محرومة من اللحمة يخربيتك

وبصت على مالك لقيته متنح أوي فتعصبت و قالت: اية يا شويخ المستقبل أنا علمتكم كدا غضوا البصر فين سبحتي فين سجاتي فين ايد المقشة انفض بيها

ملك قدرت تنبهم بصوتها و ريا اللي قربت عليها بقميص النوم

ريا: انتي إيه متخلفة يعني هتبقي مبسوطه لما أمد ايدي عليكي

ملك ببلاهه بصت لـ مالك و قالت: عاوزة تتحمرش بيا يا سعادة البيه الحليوة

حازم كتم ضحكته و قال: لا و انتي الصادقة دي عاوزة ترنك علقة تنيمك شهر في السرير

ملك ودانها طلعت دخان و قالت: فكرك كدا يا سعادة البيه كريم شانتيه

وليد هز راسة و قالت: لا و مش بس كدا دي بتخطط تخلي مالك يحطلها قطرة في عنيها

ملك بصت لمالك بغيظ و قالت: جبتها علينا من أنهي داهية دي و مسكت ريا من اديها جامد

حازم بأستفزار : يلا اتهوري واضربيها خلي الشعب يفرح

ملك بصتله بغضب و قالت: و الشعب هيفرح أوي لما اجيبلة أحدب و اجي يا سعادة البيه كريم شانتيه علي اوضتك حالا وإلا...

حازم جري على اوضتة بخوف مصطنع و هو بيقول: هو فيها وإلا

ريا : سيبي ايدي بتوجعيني انتي إزاي تتجرئي تمسكيني كدا أنا هخلي مالك يكرشك

ملك بصت لوليد بحدة: غض البصر و على اوضتك يا سعادة البيه كنافة بالمنجة وإلا صف المواعين اللي جوه و ترويق الشقة كمان عليك و ما حدش هيساعدك

وليد لسه هيتكلم مالك بصله بتحذير بص في الأرض و قال و هو ماشي : مش عارف مكتوب علينا نشوف سيد قشطه صبح و ليل و لما نصطبح بكوكتيل يتنكد على اللي خلفونا يا اخويا ارحموا اللي جبونا بقي عاوزين نتفرج