احببت خادمتي ♥️✨

بارت 16

مالك : اه يا بنت المجنونه بتقفلي الباب في وشي و كمل بغيظ طيب يا ملك أما علمتك الأدب مبقاش أنا مالك و بص على اوضة ريا و قال: يا ريا يا حبيبت قلبي دا إحنا داخلين على شغل عالي اوي ...استعنا على الشقا بالله

ملك جوه هتموت من الغيظ و عمالة تاكل في نفسها

ملك : بقي يزعقلي أنا عشان خاطر اللي ما تتسمي اللي إسمها تنين مهاجر دي ...اه يا فرستي طب يا انا يا هي اعمل ايه اعمل ايه ...ومن كتر ما هي متعصبة محستش بالوقت اللي عدي خرجت تجهز الفطار و لقت بدره الصاراصير اللي حطت منها لـ وليد قبل كدا

ملك حطيتها في جيبها و قالت: يمكن تنفع
خدت تفاحة و بقت تاكل فيها و هي بتقول: الله عليا هحطهولها في العصير من غير ما حد ياخد باله
حطت الأكل و قعدت مكانها و كل واحد قعد مكانة قامت تجيب ماية جت لقت ريا قعدت مكانها جمب مالك

ملك وقفت و بقت تأكل في بقها بعصبية و قالت في نفسها: دا انتي حسابك معايا تقل اوي

جت قعدت جمبها على الكرسي ريا بصتلها من فوق لتحت و قالت: انتي إزاي هتقعدي تاكلي معانا ياااي بجد انتي مش المفروض تاكلي في المطبخ مكان الخدامين

ملك خدت الكلمة في نفسها و بصت لمالك و استنته يتكلم بس مالك بصلها و متكلمش

ملك بألم بس داريته و قالت: تعرفي تخليكي في حالك يا تنين مهاجر انتي .... انتي شاكلك عاوزاني أكمل عليكي سبيني أكل اللقمة عشان أخلص تنضيف عاوزه أنضف البيت من التراب الجديد اللي دخله

حازم ضحك جامد مقدرش يمسك نفسه و قال: أيوة بقي قصف جبهات يا جامد انت

وليد بص لـ ملك بعد ما عرف إنها زعلت وأنها كانت مستنية مالك ياخد حقها بس خذلها فحب يشجها و قال: انتي يا بسبوسه بالقشطه تعملي اللي إنتي عاوزاه أصلاً دا البيت ردت فيه الحياة من ساعة ما دخلتيه و كمل بغمزة و لو محتاج مساعده قول يا باشا و انا معاك وقررت اعمل معاكي هدنه

حازم : الله أكبر هدنة بين الكنافة بالمنجا و البسبوسة بالقشطة

مالك بصلهم هو عارف انهم بيهونوا عليها كلام ريا بس متكلمش

ريا: أصل انا الصراحة استغربت إزاي ناس في مكانتكم يسمحوا للخدامين عندهم ياكلوا و يشربوا و يتعايشوا معاهم كدا

ملك بصت لـ مالك تاني عشان يرد لكن خيب ظنها جمعت الدموع في عنيها لكن مسمحتش انها تنزل قامت من على الأكل و قالت: الحمد لله هصبلكم عصير

حازم : بس إنتي لسه ماكلتيش يا جميلة

ملك بابتسامة باهته: شبعت يا سعادة البيه هعملكم عصير

ريا : ياريت يكون ساقع أصل الصراحة الجو حر أوي

ملك زعلت من مالك أوي و قررت إنها مش هتديله إهتمام تاني ولا هتستني منه حاجة و حقها هتاخده من اي حد يزعلها و أولهم ريا
بصت على كوبيات العصير بخبث و حطت بدره الصاراصير في كوباية و قالت: استعنا على الشقا بالله و قلدت ريا أصل الجو حر خالص دا انا هخليكي تعملي ساونا صبرك عليا بس
—-
بره وليد بيعاتب مالك : المفروض كنت اتكلمت يا مالك مكنتش مستنية حد يتكلم غيرك انت خزلتها و صدقني هتشلهالك