احببت خادمتي ♥️✨

بارت 5

وليد بزعيق : ايه اللي انتي بتقوليه دا هو مين اللي شغال عند التاني

ملك : التعاون يا اخ كنافة بالمنجة التعاون معلش يخويا من هنا ورايح كله هيشتغل و بصت لـ مالك و قالت: طبعاً الكلام مش موجه ليك و وقفت و حطت اديها في وسطها و قالت: في أروبا و الدول المتقدمة كله بيخدم نفسه

وليد : بت متعصبنيش اصحي كدا و فوقي لنفسك انتي مجرد خدامة هنا
مالك كان لسه هيتكلم لكن ملك سبقته كالعادة و قالت: شششش مسمهاش خدامة يا جاهل إسمها هاوس كليبر

حازم : هاوس ايه يا فندم

ملك بغرور: انت متعرفش انجلش ولا ايه يا سعادة البيه كريم شانتيه انت كدا محتاج كورس وانا اللي هتديهولك انا شاطره أوي فيه هو و التركي

وليد بعناد : مش تركي يا انثي البغبغاء انتي

ملك : اللهم اخذيك يا شوشو بلاش تطلع دلوقتي عيل و غلط مش قصده يغلط في التركي بتاعي عيل و غلط

وليد كان ماشي نحيتها و هو بيقول: هو مين دا اللي عيل دا إنتي عاوزه تتربي بقي و انا اللي هرييكي

مالك مسكه و وليد بيعافر عشان يروح عندها

ملك : امسكه اوعي تسيبه يا سعادة البيه الحليوة و هو عامل زي الاندر تيكر كدا

مالك مش عارف يضحك ولا يحوش عنها

وليد : سبني يا مالك سبني لحسن دي خلاص جابت اخرها معايا ... بت احسنلك امشي من البيت دا ملكيش أكل عيش هنا

ملك : ليه يخويا كنت بتاكلني من جيبك انا باكل من جيب سعادة البيه الحليوة إنما انت يا سعادة البيه كنافة بالمنجة ملكش لازمه أصلاً قالتها و هي بتنفخ في ضوافرها

وليد بيحاول يفك نفسه من مالك و هو بيقول: سبوني عليها و الله لاموتها في ايدي اوعي يا مالك

ملك : تقتل مين يا عنيا أنت فاكرها سايبة ولا ايه لا اصحي دا أنا جميلة و الأجر على الله

مالك : ما تتهدوا بقي انا فرهدت

حازم : معلش يا جميلة امسحيها فيا أنا المره دي و ليكي عليا يا ستي هشيل انا الأطباق كلها

ملك : والله ما تحصل يا سعادة البيه كريم شانتيه بس تصدق بالله يا شيخ إنك أحلي واحد في القاعدة دي حتي من أبو قردان اللي واقف دا ...أي رايك اجوزك البت اشجان صحبتي

حازم بصدمة: ها اشجان

وليد باستفسار: هي قصدها أبو قردان دا أنا صح

مالك هز راسه ببرود و وليد اتجنن على الأخر: هو مين دا اللي أبو قردان يا بت دا انتي صورصار افعصك برجلي

ملك اتجننت من الكلمة و راحت مسكت في خناق  وليد و مالك بقي واقف في النص حايش وليد عن ملك بالعافية