احببت خادمتي ♥️✨

بارت 11

في اليوم اللي بعده
وليد : قوم يا حازم شغل التلفزيون كدا عاوز اشوف نتيجة ماتش امبارح

حازم كان لسه هيقوم لقي ملك بتبرق ليه و بتقول : أنا مش مالية عينك وإلا ايه يا سعادة البيه كريم شانتيه و بصت لوليد و قالت: الكوره حرام يا سعادة البيه كنافة بالمنجة عاوز تتفرج اتفرج على قنات الرقص قصدي الغناء يووووه اتفرج على المشايخ اللي زي حلاتي كدا

وليد لمالك بغيظ: لازم يعني تتنيل على عينك ...دي متخلفة يا ابني راجع نفسك

ملك : قضي الأمر قوم يا سعادة البيه كريم شانتيه شغل قناه المجد للقرآن الكريم

حازم بص على السفرة بحسرة و قال: بقولك ايه يا جميلة هو أية الفطار دا السفرة قبل كدا كانت بتبقي مليانة عن كدا

ملك شهقت و حطت اديها على صدرها بحركة شعبية و قالت: أنت عاوزني أخد وزر يا سعادة البيه كريم شانتيه طب يرضيك أنت يا سعادة البيه الحليوة أخد وزر المبذرين الأكل دا هنتحاسب عليه لازم اعيشكم حياه الفقراء عشان تحسوا بيهم و لو حتى يوم في الأسبوع

وليد بشماتة: قابل يا معلم واحدة بتفطرنا عيش و حلاوة فكرانا في زنزانة هنا يا بنتي إنتي صنف ملتك ايه ...أفهم حاسس ان إحنا اللي شغلين عندك مش انتي

ملك : خسئت يا سعادة البيه كنافة بالمنجة ...ايه شغالة عندكم دي لا مكنتش أتوقع منك كدا بعد كل الخناق بتاعنا دي و تقولي شغالة عندكم انا هنا الكل في الكل انا هنا مدبرة المنزل و كملت في نفسها و زوجت سعادة البيه الحليوة اللي خطف قلبي مسقبلياً

وليد بعند: برضوا خدامة و شغالة عندنا اها

مالك بصرامة: وليد

ملك : سيبة يا سعادة البيه الحليوة و بصت لـ وليد و قالت بتكتبر تسمع المثل اللي بيقول خادم القوم سيدهم

وليد : أيوه يعني ايه برضوا

ملك بصرامة: يعني أنا هنا يتقالي يا هانم

وليد بصلها بغيظ و حازم قال: ماشي يا جميلة هانم أبوس إيدك متشغليش دماغك تاني و تعملي أكل من اللي إحنا كلنا عارفين مصدرة أية

ملك بفخر: متقلقش يا سعادة البيه كريم شانتيه دا انا ناوية النهارده اطبخلكم طبخة مصرية أصيلة

مالك بصلها بحب و قال : عشان خاطري انا يا جميلة اعملي أكل حلو النهارده معدتنا تعبت من الاكل التاني دا

ملك بهيام هزت راسها و قالت: انت تؤمر أمر كدا يا سعادة البيه الحليوة

حازم تنح لما لقاهم بيبصوا لبعض و الوقت سارقهم و وليد لاحظ كدا ضرب مالك من رجله و قال: هنتاخر يا سعادة البيه الحليوة و هتبقي اول مره تحصل في تاريخ الشركة

ملك : استعفر الله سامحني يارب كانت نظره بريئه و بصت لـ وليد و قالت: فضلاً محدش يقوله سعادة البيه الحليوة غيري معلش أنا احتكرت الإسم ليا