احببت خادمتي ♥️✨

بارت 25

ريا: أيوة الملف اللي انت عاوزه لونة اية

مجهول: .......

ريا: خلاص تمام هحاول اجيبة و الباب اتفتح عليها مره واحده و دخل حازم و هو مبتسم

حازم : عطلتك صح اوعي تقولي إني عطلتك أزعل منك

ريا بتوتر: لا خالص اتفضل

حازم قعد على الكنبة قدامها و نام عليها باريحية و قال: أصل الصراحة الواحد جعان و جميله اللي كانت مظبطانا ...ممكن بعد إذن السفيرة عزيزة تقوم تعملنا أكل

ريا بصدمة: نعم أنت يتقول اية

حازم برق ليها و شخط و قال: انتي لسة هتتصدمي قومي اعملي أكل

ريا خافت منه و قامت تجري و سابت التليفون على السرير

حازم في نفسه: والله إني جامد و مسيطر و هطلع عليكي الجن الأزرق عشان تبقي تتبلي على جميلة تاني

و بص لـ تليفونها مسكه بدون اهتمام بس اتصدم لما شاف الرقم اللي هي بتكلمة و الرسايل اللي بينهم بسرعة نقله على فون و خرج جري

ريا : هو انا مش بعرف أعمل أكل اصل الصراحة عمري ما دخلت مطبخ قبل كدا

حازم بحاجب مرفوع: لا الكلام دا ميكلش معايا ...دلوقتي حالا تعملي أكل مش انتي كنتي السبب إن جميلة تمشي انتي هتمسكي مكانها دلوقتي

ريا : يعني انت عاوزني خدامة لا سوري دي مش شغلتي

حازم برق ليها و ريا خافت و قالت: بعرف أعمل بيض مسلوق اعملك

حازم بلا مبالاة: اي حاجه تتاكل

ريا جريت على المطبخ و هي بتشتم فيه و قالت: خلصت من زفته جميلة يطلعي اللي كان زي ضلها ...طيب يا حازم هفرجك بس لما مالك يكون ليا هخليك تمشي تشحت

حازم من بره : الأكل فين

ريا قامت تجري تجهز ليه أكل و هي مش عارفه تروح فين و تيجي منين

حازم بره دخل اوضة وليد مره واحده و صحاه

حازم: وليد اصحي بسرعة وليد

وليد نايم و مش حاسس بحاجة خالص

حازم : حلال فيك اللي جميلة كانت بتعملة فيك هزه جامد و مفيش فايدة

حازم : طيييبب

نام جمبه على السرير و برجله زقه على الأرض

وليد اتخض و قال: البيت بيقع ولا اية فين الموبايل و الشاحن بسرعة

حازم : البيت بيتهد وانت عاوز التليفون و الشاحن تعمل بيهم اية ...صحصح كدا عشان عايزك ف موضوع مهم

وليد استوعب و بصله بغيظ و قام وقف وبعدين نام جمبة و ضربه بالرجل وقعة بين الكوميدينوا و السرير