احببت خادمتي ♥️✨

بارت 13

وليد بخبث : مالك كان بيقولك ايه جوه

مالك كان بيشرب شرق و بقي يكح جامد

ملك بخبث : اممم كان بيقولك أية يابت يا جميله ...اه كان بيقول ابقي اكليهم السردين بكره بدل ما يترمي خسارة

وليد بصدمة بصلها و قال بغيظ: كل دا بيقولك اكليهم سردين و بص لمالك اللي ضحك على كلمها و قال: دا انت متوصي بينا أوي و كمل بخبث بس برضوا مش هيخيل عليا الجو دا كان بيقولك ايه جوه اعترفي يا بت

ملك بجراءة قالت: انا هقولك كان بيقولي إيه يا سعادة البيه كنافة بالمنجة و كملت بغمرة كان بيحطلي قطرة في عيني أصلها وجعاني أوي و عقبال يارب ما القطرة تنزل على قلبي بقي

مالك بصلها بصدمة مكنش متوقع تطلع بالجراءة دي

وليد بصدمة بص لـ مالك و قال بشرود: شقطها يا مالك و بقيت بتحط قطرة دا أنت مبتسبش فرض يا راجل

ملك وهي بتمثل أنها بتعيط: اهي اهي شوفت يا سعادة البيه كنافة بالمنجة يرضيك كدا يا سعادة البيه كريم شانتيه أنا هشهدكم شهادة حق اروح ل أهلي في البلد اقولهم كان بيحطلي قطرة و يجوا هما يقولوا التار و لا العار

حازم بغباء: أنا مش فاهم حاجة هيقولوا كدا ليه طلما إنتي مريضة و هو بيساعدك

وليد : هي وصلت لكدا و بص ل مالك و قال: البس يا معلم

ملك : يلبس ايه هو واقف عريان قدامك مهو اصمالله عليه ملوي هدومه اهو

وليد: اسكتي انتي انا بكلم أخويا تتدخلي انتي ليه

ملك بكبرياء : مهو انا قرة عينه مسقبلياً فلازم ادخل

مالك فتح بقه و قال بصدمة: مين دا

وليد بسخرية و استفزاز : بقي مالك هيتجوزكك يا بتاعه انتي ...دا ماليكات جمال العالم بيجروا وراه و هو اللي مطنش ليهم يجي هو و يتجوز سيد قشطه

ملك بغيظ: ماليكات جمال العالم اللي معصعصين و مش باين وشهم من قفاهم و بصت لـ مالك بغمزة و قالت: خليك في المربربة دا البلدي يوكل يا سيدي

حازم : هو انا ليه حاسس إني مش فاهم اي بتنجان

مالك : احم عملت اية في التدريب النهارده يا حازم

حازم: هعمل ايه يعني اكيد زي كل يوم كوسة

ملك : اعملهم في حله واحد ههههه
بصت ملقتش حد بيضحك فقالت: إيه وحشه

وليد بغيظ: لا بالعكس من كتر جمالها مش قادر ابطل ضحك اضحك يا حازم انت مبتضحكش ليه

حازم : هههههههههههه مش قادر لا ههه هههه

ملك : أهبل دا ولا ايه انت بتضحك على إيه يا سعادة البيه كريم شانتيه

حازم : هو مش قال اضحك بضحك