احببت خادمتي ♥️✨

بارت 12

وليد : تفتكر ولا حد من الجيران

مالك : افتكر و نص دي دماغها مهلبية

حازم دخل جوه و هو بيقول جميلااااااه

ملك جت جري و هي بتقول: نعم يا سعادة البيه كريم شانتيه تؤمر بحاجة

وليد بحذر: إنتي عاملة أكل إيه يا جميلة أنا شامم ريحة كدا و بكدب نفسي من الصبح

ملك فردت نفسها و رفعت رأسها لفوق و قالت: لا هو اللي في بالك يا سعادة البيه كنافة بالمنجة رينجة و سردين و الحلو كيكة بالكريم شانتية و عليها شوية مانجة كدا و الكثير من الحلويات قالتها و هي بتبص لمالك اللي كتم ضحكته و تصنع الصرامة

مالك : هو انا مش قولتلك يا جميلة إني عاوز اكل أكل حلو معملتيش ليه

ملك : إن شالله اتص في نظر سعادة البيه كريم شانتيه عملت

حازم بتزمر : الله و أنا مالي يا لمبي

مالك بابتسامة ساحره: و عملتي لينا أكل إيه بقي

ملك بصت ليهم و قالت بشماتة: هما هياكلوا الرينجة و السردين و كملت بهيام لكن انت يا سعادة البيه الحليوة عملتلك حلة محشي مشكل تستاهل بوقك على فرخة محمرة كدا انت بتتعب و تشقي ولازم تروم عظمك

وليد : هو لوحدة اللي بيشقي ما إحنا معاه في نفس المخروبة

ملك حطت اديها في وسطها و قالت: بس هو البك بوش يعني كبير المخروبة

حازم : قصدك البيج بوص

ملك شاورت باديها و قالت: وات ايڤر يعني المهم فهمت المعني تعال بقي يا سعادة البيه الحليوة اقعد على السفرة و قولي ايه رأيك في المحشي بتاعي

وليد : أنا هاكل من المحشي دا على فكرة

ملك بصوت عالي: نعم يا عُمر دا عند ام لواحظ عارفها

وليد: لا معرفهاش تعرفيها انتي

ملك : اومال دي عشرة عمر بقي محدش يعرف ام لواحظ اللي معدتش بتلاحظ

حازم : بصي بقى يا جميلة من الآخر كدا كلنا هناكل محشي عاوزه تاكلي انتي رينجة براحتك لكن احنا مش هناكل الأكل دا

ملك : لا اسكوز مي بقي يا سعادة البيه كريم شانتيه المحشي بتاعي أنا و سعادة البيه الحليوة و محدش هيحط صوباع في بوقة

مالك بحنية : جميلة

ملك بلين : كل واحد صوباع بس

مالك بحنية اكتر: جميلة

ملك بدموع وهمية: بس لو مكنتش تحلف خدو المحشي كله أنا أصلاً عاملة رجيم

وليد بصدمة: رجيم ايه حضرتك اومال مين اللي واكل خمس ترغفة على الفطار

ملك خمست في وشه و هي بتقول: الله أكبر الله أكبر خمسة في عينك عاوز تحسدني و أنا أقول مالي هفتانه اليومين دول مباكلش مصدقت النهارده اليوم الفيري بتاعي