احببت خادمتي ♥️✨

بارت 23

ريا بصت يمين و شمال ملقتش حد دخلت بسرعة الاوضة و قفلت وراها و هي بتبتسم بخبث

دخلت الاوضة و فضلت تدور على مكان تحط فية الخاتم و يبان إن اللي أخده هو ملك

ريا بقت تدور في حاجتها لحد ما حطته في الدلاب بين هدومها و ابتسمت و هي بتقول: أخيراً هخلص منك يا بنت ال**** انتي و خرجت تتسحب من الاوضة و لا كأنها عملت حاجة خرجت لقتهم قاعدين يضحكوا مع بعض
أول ما ملك شافتها حطت ايديها على قلبها و بقت تتنفس بصعوبة و تقول: لا الجو كتم مره واحده كدا أصبح لا يطاق ...لا لا مش مستحملة و بقت تاخد نفسها بالعافية

حازم بقي يهوي عليها و يقول: خدي نفس براحة عين و صابتك ياختي

ريا واقفة مش فاهمة حاجة من اللي بيعملوه و مفكراها مش قادره تاخد نفسها بجد لحد ما لقت ملك بترد علي حازم و بتقول : عين خضرا مدوره كدا زي قرص الشمس تعرف يا سعادة البيه كريم شانتيه

حازم بجهل: لا معرفش عرفيني

ملك : عارف كان زمان في يوم خميس الساعة خمسة الا خمسة نزلت جبت خمس فرخات صغيرة كتاكيت يعني

حازم بفضول: و بعدين اية اللى حصل

ملك : اكلتهم خمس تيام و ماتوا الخمسة الساعة خمسة بالضبط و كل ما تقول خمسة تحط اديها في وش ريا

ريا أخيراً فهمت و ابتسمت بغيظ و سابتهم و مشيت و هي بتقول جواها ماشي يا جميلة الكلب انا بتتريقي عليا صبراً عليا صبراً
_ _ _ _ _

منه قاعدة فوق الست الأولي و ماسكة التانية من شعرها و منال ماسكة الست التالتة و عمالة تحط رأسها في جردل ماية و تقولها: اعترفي بقي هتفرهديني و الإعلان لسة مخلصش

الست : يا ستي بقولك الحاج اسماعيل هو اللي باعتنا

منال: يعني مش عاوزه تعترفي طب ازلي اطفحي بقي من الماية دي ...اتدرين إنها ماية مجاري

الست حطت ايديها على بوقها و كانت هترجع

منال: اوعي لسة ماسحة هخليكي تلحسيها بلسانك

الست حطت اديها على بوقها و منال مسكاها من شعرها بايد و ماسكة ايد المقشة باليد التانية

منال بتضرب الست التانية بالمقشة و هي بتقول: أنا مش عارفه مش عاوزين تعترفوا لية و تخلصوا نفسكم

التلاتة قالوا في نفس الوقت: الحاج اسماعيل هو اللي بعتنا

منه : شوفتي يا منولة مصرين ينكروا من رايي نستعمل معاهم طريقة جديدة من اختراعي لسة مفتكساها حالا

منال: قولي و أنا دايسة معاكي لحد ما الإعلانات ما تخلص انتي عارفه القناة دي بتجيب اعلانات كتيره

منه استني الأول هاتي المقشة دي كدا و ضربت الست الأولي على دماغها فقدت الوعي و الست التانية سحبتها من شعرها وقعتها على الأرض و ضربتها خلتها تفقد الوعي بصت للست التالتة اللي في ايد أمها