ملك بخبث : سعادة البيه الحليوة لو عرف اعتبرنا في المقابر يا سعادة البيه كنافة بالمنجة
حازم بفضول: ليه هنعمل اية
ملك بخبث : هنتفح مدرسة رقص
وليد و حازم في صوت واحد: ايية
ملك : اسمعوني بس
وليد : لا دي هربت منك على الآخر رقص اية دا مالك كان كرشنا كلنا من البيت
ملك : استهدي بالله بس يا سعادة البيه كنافة بالمنجة خد مني و اشتري دي مدرسة صغيرة يدوب لينا إحنا التلاته
حازم : لا متعمليش حسابي معيش فلوس اشتري مالك هينفخنا كلنا
ملك : خلاص يبقي تمثيل ورقص يلا نبدأ
و بعد ساعات من محاولة اقناعهم
مالك داخل الشقة لقي الوضع كالتالي
وليد و حازم و ملك لابسين عبايات قصيرة أول ما شافوه داخل ملك مسكت الطبلة و بقت تطبل و تغني و هما يرددوا وراها
ملك : جاموسة راحت تقابل جاموسة
حازم و وليد : اااااه
ملك : جاموسة راحت تقابل جاموسة يعيني ملقتهاش جاموسة يا ليلي لقتها بقرة يا عيني يا ليل و اااااه و ادلع يا عريس يا ابو لستة نايلو
حازم و وليد مسكوا الساجات و بقوا يخبطوا بيها و ملك تطبل و تغني
حازم بمياعة: الله عليكي يا ابلتي
ملك : أنزل لم النقطة بقي يا سعادة البيه كريم شانتيه و بصت لـ مالك و قالت: شخلل جيبك و نقطنا الله ...إحنا مش عاملين العرض دا زينة يا سعادة البيه الحليوة
مالك الصدمة لجمت لسانة و مبقاش عارف يعمل اية
ملك خدتة قعدته على الكنبة و هو فاتح بوقة و مش قادر يستوعب
مالك بداخلة: حتي وليد اللي مبيطقش حد يا قادرة
ملك شاورت لـ حازم و وليد و قالت: يلا فقرت الرقص
مسكت الساجات و وقفوا التلاتة صف واحد و بقوا يقولوا مع بعض يلا معايا
اتنين دربن دح و الغرزة الضيقة اتنين دربن دح و الغرزة الضيقة
ملك شغلت اغنية و بقوا التلاتة يعملوا عليها نفس الحراكات
مالك : قلبت البيت كبارية هو دا اللي أنا كنت خايف منه
هما كانوا مشغولين بالرقص مع بعضهم ف هو بص على اوضتة بخبث و دخل في هدوء من غير ما حد يحس بيه فتح الدولاب و خرج منه عصاية و قال: و ربنا لربيكم انتوا التلاتة يا شوية عرر
مالك خرج و حط العصاية ورا ظهره و على وشة ابتسامة
وليد : الحقوا مالك بيضحك
أنت تقرأ
احببت خادمتي ♥️✨
Humorبتحكي قصتنا عن شاب أسمة مالك هو رجل اعمال كبير ومعروف كان بيدور على واحدة تشتغل عنده في البيت وتاخد بلها من خواته وطبعا البنت دي هي بطلتنا اللي هتغير حياته وحياة اخواته ♥️♥️🥰 بقلمي: نيروز جلال
