احببت خادمتي ♥️✨

بارت 20

مالك : ينهار منيل بستين نيلة اية اللى انتوا عاملينه دا

ملك بصت ليهم و قالت بضحك : ميه ميه يا شباب استمروا

وليد كان بيقزقز لب وقال بغمزة: عشان تعرفي يا كبيرة إننا هناخد حقك حتي لو مالك اخدك يحطلك قطره

ملك اتكسفت أوي و وشها بقي احمر من كتر الكسوف استخبت ورا مالك

مالك بص لـ وليد بتحزير و وليد رفع ايده و هو بيقول: الله هو انا عملت حاجه يا جدع

مالك قال بصوت واطي ل ملك تدخل اوضيتها و ملك ما صدقت جريت على الاوضة

مالك بصلهم و بص لـ ريا و قال: انا مش قولتلك تفوقهوها

حازم : مهي قدامك اهي يا مالك حلوه و زي الفل لا و النيولوك بتاع شعرها تحفة أنا لازم اتصور سيلفي معاها

مالك: نيولوك يا شوية اوباش و بص على ريا المرمية على الأرض تحت رجليهم و شعرها و وشها مليانين قشر لييب

وليد و هو بيتف قشر اللب على وش ريا : مالك متعصب كدا ليه تكونش من بقيت عيلتك يا راجل دي حتي عاملة مشاكل مع جميلة

مالك بحاجب مرفوع: هي برضوا اللي عامله مشاكل مع جميلة

حازم : طبعا هو في زي جميلة أدب و أخلاق محدش بيسمعلها صوت كل اللي بتقوله حاضر و نعم وبس و كمل بصوت واطي ربنا يسامحني على الكدب دا

وليد : ولا الميكب بتاعها تحفة تحفة و شعرها اللي شكل اريل التلفزيون دا بيظبط الإرسال والله هو في زي جميلة و أكل جميلة و افتكر الكرشة و حط ايده على بوقة و قال: هو فعلاً مفيش في أكل جميلة

ملك خرجت من أوضتها بعد ما سمعتهم وهما بيعظموا فيها وفي اكلها جت من وراهم بصوت واطي: دا انتوا هتدخلوا جهنم بطيارة عليا الطلاق

وليد: اية يا بسبوسه بالقشطه مش بسيطك قدام الحليوة ولا عاوزاه يروح للبرص دي

ملك : تفتكروا

وليد و حازم هزوا رأسهم بايجاب ملك وقفت مرة واحدة و قالت بدموع وهمية: دايما مظلومه والله العظيم انتوا يا عالم يا مفترية طب من غيري مين هيغسلكم الهدوم

وليد بصلها بنص عين و ملك قالت: اينعم بحطها في الغسالة الاتوماتيك و تتغسل لوحدها بس برضوا بتعب طب مين يغسلكم المواعين
وليد ضيق عينه اكتر ملك بلعت ريقها و قالت: اينعم سعادة البيه كنافة بالمنجة هو اللي بيغسلها بس برضوا لولايا مكنش عمل كدا
ملك لسه هتكمل وصلت الندب بتاعتها مالك بصلها و قال: مش عاوز اسمع ولا كلمة انتي فاهمة انا مش قولتلك تدخلي اوضتك بتخريجي منها لية دلوقتي أفهم

ملك بخبث: نسيت افوق المرحومة

مالك لسة هيتكلم ملك بصتله بتحذير و قالت: طلاق تلاتة محد مفوقها غيري و جابت كوباية ماية و دلقتها مره واحده عليها