احببت خادمتي ♥️✨

بارت 19

مالك بص في عنيها جامد و قال: عاوز أشوف لونهم الحقيقي شيلي اللانسيز

ملك برقت هي مكنتش متوقعة يطلب منها طلب زي دي بصت لية جامد و قالت بتوتر : انت بجد عاوز تشوفني يا مالك

مالك : يا قلب مالك من جوه انا حبيتك و تقبلتك كدا زي ما انتي بروحك الشقية و شكلك الملعبك انا عاوز اشوف عيونك اللي بضعف قدامها دي

ملك بضحك: قول كلام غير كدا يا حليوة دا انت لسة نافخني أنا و اخواتك كل واحد عصتين وكمان شوية هتمدني على رجلي

مالك ضحك و قال: مش هتنازل النهارده عن إني أشوف عيونك يا ملكة قلبي

ملك بصتلة بفرح و راحت قدام المراية شالت اللانسيز غمضت عنيها و خدت نفس و خرجته ببطئ و لفت لية

مالك راح ناحيتها بسرعة و مسك اديها بايدة و قال: ملك

ملك فتحت عيونها ببطئ و بصتله

مالك : ما شاء الله جمال اوي زي ما تخيلتهم
بصلها جامد و سرح في عيونها و منطقش بحرف

ملك بصت في عيونة و مش قادره تبعد عيونها عنه و عقلها وقف حرفياً

مالك بقي يقرب منها لحد ما مبقاش في فاصل بينهم و لسة هيبوسها الباب خبط

حازم من بره : جميلة هو مالك أكلك ولا اية مش سامع صوت لية

مالك بغيرة و غيظ : حطي اللينسيز بسرعة و إياكي حد يشوف عيونك دي غيري إنتي فاهمة

ملك ضحكت ببلاهه على منظره و الغيرة اللي طالعة من عينة و هزت رأسها بنعم

حازم لسة هيخبط تاني مالك فتح الباب

حازم اتخض و رجع لورا بص على الاوضة و قال: أنا شاكلي جيت اوضة غلط ولا اية و لسة هيجري مالك مسكة من قفاه

حازم : طلاق تلاتة ما ليا دخل في حاجة دا اخوك و هي انا معملتش حاجة انجبرت والله على الوضع خفت أرفض يا مالك

مالك بغيظ : لية كانوا هيعملوا فيك اية

حازم ميل على ودنه و قال: كانوا هيجيبوا بنات يتحرحشو بيا والعمر مش بعزقة
مالك بص لـ ملك اللي واقفة تضحك وراه فهزت رأسها بنعم و كملت ضحك

مالك بهدوء: خلاص يا حازم أنت كدا براءة تعال بقي عاوزك في موضوع مهم اخده من ايده و دخل اوضة ملك و قفل عليهم

ملك : انت هتعمل فية اية يا سعادة البيه الحليوة سيبة دا أهبل و بيصدق كل حاجه مش كدا يا سعادة البيه كريم شانتيه

حازم واقف باصص ل مالك و بيبلع ريقة بالعافية

حازم : انت هتعمل اية يا مالك

مالك : دا أنت وقعتك معايا منيلة مسك العصا و جري وراه في الاوضة و هو بيقول: انت ياض غبي اي حد يقولك أي حاجه تسمعها كدا