احببت خادمتي ♥️✨

بارت 26

ريا قاعدة تغسل في السجاجيد و وليد بيبصبها بخبث و دخل المطبخ حط كل الأطباق في الحوض و قال: الله يرحم أيامك يا جميلة كانت جميلة والله

خرج لقي ريا بتستريح شخط و قال: حازم

حازم كان جايب جردل ماية دلقة على ريا و هو بيقول: في اية يا وليد أنت بتنادي على حد في بلد تانية طب مش عامل حاجة و أدي قاعدة و سابهم و قعد على الكنبة

ريا خافت منهم و بقت تغسل بسرعة و تقوم تجيب ماية و تغسل و وليد قعد جمب حازم و مد ايدة لية بطبق الليب و هو بيقول: أحلي مسا عليك يا صاحبي

حازم أخد منه الطبق و قال: تسلم يا أبو الصحاب يا كنافة بالمنجة على رأي جميلة

بقوا يقزقزوا اليب و يرموا القشر على الأرض

ريا خلصت السجاجيد و دخلت المطبخ لقت أطباق كتير في الحوض بصت عليهم بغيظ و هي بتقول بعياط: منكم لله على المرمطة دي خلصت الأطباق و خرجت داخلت علي  اوضيتها

وليد: على فين مش في تنضيف هنا ولا اية

ريا بصت على المكان اللي بيشاور علية و كانت هتعيط و هي بتقول: بس انتوا اللي موسخين المكان يعني انتوا اللي تنضفوا أنا تعبت من كتر الشغل

وليد : صح معاكي حق

ريا انبسطت أوي و ابتسمت لكن انصدمت لما سمعت وليد بيقول: ها يا حازم جهاز الكهربا اللي كنت قايلك علية فين

حازم تف قشرة اليب و قال: أيوة جبته هتلاقية في الرف التاني في دولابك أنا أخاف احط الحاجات دي عندي

وليد مثل اللي هو بيقوم و ريا جريت جابت المكنسة و بقت تنضف و هي بتقول: والله العظيم لوريكم هشردكم هخليكم تناموا في الشوارع الصبر حلو

ملك مقعدة أمها و أختها على الكنبة و قاعدة قصادهم على الكرسي و هي يتقول بتوتر: أصل انا كنت بشتغل

منال بتبريقة: نعم بتقولي اية ... بتشتغلي ... و بتشغلي اية و فين بقي ياختي

ملك بلعت ريقها و قالت: كنت بشتغل خدامة

منه : ومالة يا بنتي الشغل لا عيب ولا حرام ها بتشتغلي فين بقي

منال مركزة معاها أوي و ملك قالت بتهته: كنت بشتغل عند شباب

منال: اه و الحاج و الحاجة كانوا معاهم صح

ملك هزت رأسها بالنفي و قالت: شباب عُذاب بس والله يا ماما أنا كنت محافظة على نفسي أوي حتي شوفي كنت بظهر قدامهم إزاي

منال خطفت منها التليفون و قبل حتى ما تبص فيه كانت رايحة ناحيتها و منه وقفت في النص تفصل بينهم و حايشة أمها عن ملك

منال : في بيت في شاب يا ملك دي اخرت تربيتي فيكي

ملك : و الله يا ماما دول طيبين جدا ولا حد فيهم فكر يقرب مني دا حتي كانوا بيعاملوني زي اختهم