تاني يوم الصبح ملك وقفت على باب الحارة بانشكاح و هي بتقول: حارتي حبيبتي وحشتيني يا غالية
في أقل من الثانيه كان الخبر انتشر في الحارة كلها
– ملك عبدربه رجعت يا حاااااارة
الكل بقي يبص لبعضة بقلق و في دقيقه كانوا في بيوتهم و قافلين عليهم بالمفتاح
ملك ماشية في الحارة و بتهز رأسها بفرحة: اه يا حارة لسة ماشية على قواعدي أشوف واحد بس بره البيت دلوقتي هطلع عينه
ماشية و بتبص على كل حاجه بتركيز لقت عيل موطي بيجيب حاجة
ضربته على قفاه و هي يتقول: بتعمل اية دلوقتي في الشارع يا زلطة
زلطة بصلها و فرح أوي و قال: المعلمة ملك و الله ليكي وحشة يا معلمة و أنا أقول الحارة النهارده لا حس ولا خبر ولا في صوت في الشارع
ملك بتركيز: أنت قولت اية كانوا بينزلوا الحارة قبل الساعة تسعة قول يا زلطة متخافش مش هعمل حاجة
زلطة بلا مبالاة: ولا تعملي يا معلمة دي حارة عاوزة الولعة بجاز طب انتي عارفه امبارح الحاج اسماعيل بعت تلت نسوان على بيتكم عشان يربوا الست منه و الست منال بس الحق يتقال المعلمة منه قامت معاهم بالواجب و زيادة
ملك : اه يا اسماعيل الكلب تستغل غيابي و عاوز تكرش عيلتي صبرك عليا و قالت بصوت عالي: اية يا حاره مفيهاش أخلاق طب عقاباً ليكم محدش هيجرج من بيته النهارده غير على صلاة الظهر اللهم بلغت ابقي أشوف حد في الشارع بقي
ميلت على زلطة و قالت: تاخد ورقة و قلم و تلف في الشارع عاوزك تكتبلي كل حاجه اللي نزل و خالف الأوامر حتي اللي فتح البلكونة فاهم يا زلطة
زلطة: فاهم يا معلمة و جري على بيتهم يجيب الورقة و القلم
ملك جريت على بيتهم و هي بتقول: منولة يا بت يا منه أنا جيب يا بشر
منال كانت نايمة على الكنبة قدام التلفزيون صحيت مخضوضة على صوت ملك
منال كانت مش مفوقة مسكت الشبشب حدفته عليها و هي يتقول: ما تخرسي بقي يا بنت الجزمة انتي اية محدش هيعرف يتخمد منك
ملك بصدمة: اية الاستقبال دا بس ...هو أنا مش بنتها ولا اية
منال نامت تاني و ملك دخلت جوه على منه و صرخت جنبها
منه صحيت مخضوضة وقالت: اية إسماعيل بيولع ولا اية
ملك من صدمتها برد الفعل وقفت و منه بصت عليها بقرف و قالت: يا شيخه يخربيت اللي يكون عنده أخت زيك ...اية اللى جابك دلوقتي و نامت تاني
ملك : لا كدا كتير هو انا مش من العيلة دي ولا اية دا اية الحزن دا يولاد راحت غيرت و دخلت اوضيتها نامت و هي بتقول: بكره مالك يجي و اتجوزه بعد ما منولة تطلع عينة عشان يبقي يكرشني حلو أوي
أنت تقرأ
احببت خادمتي ♥️✨
Humorبتحكي قصتنا عن شاب أسمة مالك هو رجل اعمال كبير ومعروف كان بيدور على واحدة تشتغل عنده في البيت وتاخد بلها من خواته وطبعا البنت دي هي بطلتنا اللي هتغير حياته وحياة اخواته ♥️♥️🥰 بقلمي: نيروز جلال
