قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
ومثل نار بگطن مابينت مهموم بارد
بالوجه وانه احترگ سكته..
..................
دخلت ركـض مروه بيده لالـه
ضواها خافت
مروه : لج اشبيج اصارخين شكوو
أشرله على رجليه ماكدر احجي جسمي كاعد يرجف
وجهت الضوه على رجلي
چان تتغير ملامح وجهه اللي داحاول المحه لان ظلمه
مروه : على هاي كاعد اصرخين
هزيتله براسي بمعنى اي
اقتربت على رجلي شالته وجابته كدامي
مروه : على هاي الدوده مدري الفراشه
ريتال : اي
طكتني بضحكه مال واحد صارله سنتين مضاحك
كعدت بالكاع وخلت الفانوس بصفه وبعدها لازمه الحشره بأيده
تحجي وهيه تحاول تبلع ريكه : ل لج يمه راح اختنك
:- اهوو هسه تعرفين اتخبل من الحشرات
:- اذا طلعلج وحش شسوين لعد
:- يمعوده اهون وحش ولا حشره
:- شوكت تكبرين مدكليلي
زفرت بعصبيه وهيه مستمره تضحك
:- هسه دكافي شبيج حتموتين
كامت من مكانه وهزت بأيده وطلعت من الغرفة
رجعت المكاني غمضت عيوني بس ما اكدر انام عيوني على الشباج خيال النخله يروح منا ويجي منا
اتمنى أذكر شي من ابويه لان ماعندي ذكريات وياه هواي لانو جنت صغيرة يادوب ذكرى وحده وكل يوم جايه بالي
وكلما تجي اضحك لا ارادياً
ينعاد بيه شريط هاي الذكرى كل لليله ..
كاعده بحضنه وبيدي المصاصه
يضفرلي بشعري حته اروح للمدرسه ايده الكبيرة اكبر من راسي جانت
هذا الشئ الوحيد اللي اتذكره من عنده مچانت امي مهتمه بينه ماله علاقه بأكلنه شربنه لبسنه دراستنه كل همه بالحياة جيبه وفلوسه
مره من المرات المرمرن گـلبي
دخلت للبيت مچان اكو احد جنت كاعد العب طوبه ويه جوارينه جانن خواتي بالمدرسه
دخلت للبيت ركض اريد اشرب مي روحي مفرفحه لان جنت اهوبز اركض مثل الحصان على الطوبه
صحت على امي مجاوبتني
رحت الغرفته وكفت كباله جانت تصدر اصوات غريبه كلش من غرفته اصوات مو مفهومه
وبعتباري اني طفلة فضوليه مكدرت الزم نفسي مجان عندي حل غير انو ادنك واباع من جوه الباب
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
