قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
ثواني وكمت
بس استوقفتني من لزمت اصبعي بأيده
انداريت عليـة لكيته فاتحه عيونهـا بس كلش خفيف
حچت بصوت شبه مسموع صوت كله تعب :
ريتال : لتعوفني ...
ضليت صافن عليـة .. رحت كعدت يم راسه
خليت راسه بحضني وكعدت امسح ع شعرهـا
تباوع عليـة بكل برائه عيونهـا تسولف كلشي
ثواني ورجعت غمضت عيونهـا
كمت من عدها رحت للصاله مددت ع القنفه
ورثت جكاره
فززني صوت التليفون
شلته طلعت امي
سمر : ها يمه شلونك
أشهب : الحمد الله علويه .. رجعتي للبيت؟
سمر : اي
أشهب : نور شلونه
سمر : كاعد تقره
أشهب : خوش
سمر : اكلك يمه
أشهب : كولي علويه
سمر : باجر حيجون خوالك وخالاتك
أشهب : اي ؟
سمر : ما تجي شويه بس سلم وارجع
أشهب : اشوف اذا صارلي مجال اجي
سمر : حته اسويلك دجاج بالفرن
أشهب : مو كتلج ميخالف اشوف
سمر : عمك مر اليوم
أشهب : شيريد هذا الكواد
سمر : اجه اخذ ملابس الابوك
أشهب : خوش لوكي
سمر : عيب هذا عمك
أشهب : اي خوش كواد
سمر : دولي يلا
سديته من عده وغفيت
كعدت ع صوت دكت الباب .. كمت واني اثاوب النوم بعيني
فتحته بس شفته حسن عفته ورجعت مددت وهوه طب ورايه
خليت أيدي ع عيوني
سمعته دخل الغرفـة ريتال ثواني واجه يمي
خله علاليك بالكاع وجر الكرسي وكعد
حسن : كوم اكل جبتلك اكل وملابس
أشهب : ميخالف .. ساعه بيش هسـه؟
حسن : بـ ٧ وربع
أشهب : شكو جاي من هسـه
حسن : مو عندي شغلـة ماريد تفوتني
أشهب : خوش
حسن : شوكت ترجع للدوام سمعت الآمر طالبك
أشهب : اي كلي عمر
حسن : هسـه دكوم اكل شسالفه المن جبت الاكل
أشهب : ماشتهي
حسن : هوه انتَ شماكل حته متشتهي
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
