قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
أحضنيني بعشگ تعبانَ أريد أرتاحَ..؟🤍
.......................................
اول ما فتحت عيوني صار ابويـه كدامي
چان واكف بس منطيني ظهره
اعرفه هذا ابويه من قميصـه المخطط الجوزي
كلش يحبه وچان هواي يلبسه اذكر
كمت من الچربايـه صرت وراه .. خليت أيدي ع چتفه
اندار عليـة
صرنه وجه بوجه
عيونـه چانت مدمعـه عيونـه عبالك شخص ندمان
خله أيده ع خدي وضل يحرك باصبعه ع خدي
دفو أيده يحرك شكو مشاعر بداخلي شكو حزن وقهر وخوف وامان وعتاب
وخر أيده ومشه ع كيف .. وكف يم الكنتور
باوع عليـه ورجع باوع عليـة واشرلي ع الكنتور
خزرني ورجع أشر ع الكنتور
بس مفهمت شنو قصده ... اجه عليـة ركض
لزمني من ركبتي ويخنك بيـة حيل
وعيونه عبالك بوري من الدمع .. حسيت ع اضافيره تريد تخترق ركبتي
ماحسيت غير واني فازه من النوم
خليت أيدي ع ركبتي اتلمس المكان .. ونفسي كلش سريع
حضنت رجلي البطني وكمت ابچي بشهكه
مرت دقائق مسحت دموعي كمت فتحت البرده والشباك
چانن مزدودات بس الضوه مفتوح بالغرفـة
رجعت كعدت ع الچربيايه
فتحت المجر مال كومدي طلعت العلبة مال مهدئات عندي اخدت حبايه ورشفه صغيره من اكلاص المي الموجود
جيت اكوم چان تدخل مروه للغرفـة
ضلت واكفه بالباب اشرتله تجي بصفي تكعد .. حسيته متوتره بس اجت كعدت يمي
مروه : شلون صرتي !
ريتال : ليش شبيه ؟
مروه : متذكرين ؟
ريتال : شذكر ؟
مروه : لتشاااقينن ريتااال ترا ملهوفه عليج
ريتال : ههههه اخر شي اذكره الشيخ دار عليـة مي وبعد ما اذكر شي
مروه : بس هلكد تذكرين
ريتال : اي
مروه : اسولفلج لو لا ؟
ريتال : اي
......نرجع شويه .....
وكفت يم الشيخ اباوع الريتال شلون مشنجه ورافعه راسه للسكف
رش عليـه للمره الثالثـه وكال كلام ممفهوم
عدلت راسه ريتال وفتحت عيونهـا ع اوسعن
چانن سود نفس اللي شفته بالغرفـة
ابتسمت ابتسامه بحيث حسيت حلكه راح ينشك
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
