قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.................................
كلُّ هذهِ الرياح
ليستْ سِوى
آهات بشر.
................................
_ واكفه داغسل بالاماعين احس راسي راح ينفجر
من الامور البي
افكاري عمرهـا ما صفت ولا راح تصفه ابد
غسلت أيدي ومسحته بملابسي .. طلعت تليفوني من جيبي رجعت دكيت ع الرقم بس مغلق يطلعلي .. يمكن اليوم خمس مرات دكيت من كعدت الحد هسـه
_ الرقم اللي انطتني اياه مرت ابويـه
وكالت هذا الوحيد اللي يكدر يساعدج واصرت عليـة اخابره
بس يطلعلي مغلق
نرجع شويـه بالزمن ..
طلعت ع الشارع .. وكفت تكسي داريد اصعد
سمعت احد يصيح بأسمي
انداريت لكيته ريتال مرت ابويـه دتركض وبيده شي
وصلت يمي .. وكفت تلهث نفسه مكطوع
خلت الورقه بأيدي وكالت
:- بس هذا الشخص يكدر يساعدج ماكو غيره ...
باوعت الورقـه مكتوب عليـه بس رقم
:- منو هذا ؟
:- شخص يكدر يحل اللي انتِ بي
:- شلون عرفتي ؟
:-اعرف هذا الشخص شنو لان ساعدني قبل .. واني متأكدة راح يساعدج مو بعيده
:- بس اخابره واسولفله لو شنو
:- هههه منو يكول ميعرفج؟
:- شنوو؟
:- يلا صعدي بالتكسي وتوكلي ع رب العالمين .. وثقي بالطريق اللي كاعد تمشين بي
:- انشاء الله
.............................
_ ريتتتاللللل
فزيت ع العيطه اللي بأسمي .. وكعت التليفون من أيدي
رجعت شلته
خرب حضي الجامه انكسرت هوه هذا هم حض
فتحت الشاشه حته اشوفه يشتغل طلع يشتغل بس ثكلت الشاشه باللمس
خليته بجيبي وركضت اشوف شكو
لكيت عباس واكف يم المدير ... والمدير كلش صاير عصبي
وكفت يم عباس .. المدير انتبهه ع وجودي اول مشافني حسيته يريد يجي يذبحني ماعرف شبي
:- شمسويه ريتال ؟
:- شمسويه
:- انييي مديرججج اني داسئلجج مو حضرت جنابج انتِ تسألين
:- بس اني صدك ممسويه شي
:- هههه ادكول ممسويه خل اكلج لعد شمسويـه .. مد أيده بجيبه طلع شي وجابه يمي .. فتحلي أيده چانت اكو شعرايه
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
