قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
كاعد بالمكتـب انتظر تليفون يجيني اخذ نفس من الجكاره واذبه خلصته
وطفيت الكطف بأيدي عصرتها حيل الحد ما ضل اثر الحرك بكف أيدي
ذبيته بالنفاضه اباوع على اكطوف الجكاير يمكن من الصبح الحد هسـه باكيتين مدخن
رن التليفون شلتـه
حسن : تأمن المكان تكدر تجي بس مثل متفقنـه
أشهب : ماعرف اني ماضمن روحي
حسن : سيطر على رويحتك عود سيد
أشهب : مسافـة الطريق ويمك
اخذت غراضي وسويـج السيارة فتحت المجر مال مكتبي
طلعت مسدسي خليته بصفحتي بالحزام طلعت البوكس حديد خليـته بجيبي وطلعت ركبت السيارة وحركت
باوعت على الساعـة بـ ١:٢٢ دقيقـه
وكفت كدام عماره بيـه تعمير ديعمرون بيـه
نزلت ودخلت جوه ظلمـه ماكو احد صعدت ع الطابق الثاني لكيت ضوه خافت توجهت اله
شفت حسن واكف وياه ثنين عسكريين ملثمين
اول مشافوني دكولي تحيه واحد كاعد على كرسي مغطين وجه وشادين أيديه ورجله
اجه حسن يمي وحجه
:- اشرلي على الرجال .. هذا هوه مثل مطلبت
:- ماشي
:- بس متأكد انتَ هوه
:- غاشك فديوم بعدين هسـه نتأكد
:- تمام سيدي بس مثل مكتلك سيطر على روحك خل نفتهم بالاول
هزيتله براسي
تقربت منـه جريت كرسي وكعدت كباله وخرت الغطـه عن وجهه مستغربت من شفت اثار الضرب اللي على وجهه ولا عيونـه اللي معميه
انداريت على حسن باوعت علـية رفعلي كتفـه بمعنى مادري
رجعت نضري للرجال
حجه بصوت يرجف
:- شتريدون مني والله اني معليـه
رجعت ظهري على الكرسي وكتفت أيدي الصدري وحجيت
:- بخصوص شنو انتَ معليـك
:- مو اني والله ماعرفـ منو اللي تردو وددورون عليـه
كمت على حيلي من الكرسي شلت التشيرت من يم صفحته شفت عنده نفس الوشم
:- لعد والوشم ابويـه اجه وشملك اياه
:- ماعرف بي سيدي
:- يعني اللي افهمـه منك هذا الوشم من الله عندك من الولاده مـو من امك الكح** من شيببب الخلفككك مووو
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
