قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
تريد تبچي؟
إبچي لاچن نَصي صوتك
تريد تصرخ؟
إصرخ ولِم الطوايف
ياهو يَمك؟ ياهو راح يشيل حِزنك؟
اقتنع بـ القاسمه الله
"مَحد لحِزنَك حَزين"
.......................................
يمسح على راسي بكل رقه وعيونه مدمعه
يهمسلي بـ
:- ميخالف
اخذت أيده الحضني ماريد اعوفه
:- مشتاقتلك بويه
ابتسملي ووخر أيده من عندي انطاني وظهره
يمشي وامشي وراه
بس سريع ما الحك بي كمت اركض بكل قوتي بس مالحك بي رغم هوه ديمشي مديركض
اركض ونفسي مكطوع اريد الحك بي بس ماكدر
فزيت على صوت المنبـه
فتحت عيوني اللي مثل كل مره اول مافتحه تروح ع السكف مال غرفه
اخذت نفس وفركت عيوني
كمت رتبت الفراش وطلعت اغسل
رجعت الغرفتي حته مالي خلك اشوف منو كاعد
احس مريضه مالي خلك اليوم
راحت عيوني على الملف الاحمر اخذته وفتحته كمت اكلب بي باجر اول جلسـه اللي بهل قضيـة
اجه ابالي جواب أشهب من سألته البارحه بالسيارة على هاي البنيـة كال بت عمـي
يعني ابوهه هوه اللي مسوي الجريمه
ومغتصب نور بس كلش اتوقع انو اله أيد بالموضوع بالاخص من كتبتلي نور كلشي صار بالورقه
وباجر راح اكشف هل شي
سمعت تليفوني يرن كمت اخذت من الشحن
طلع محمد
محمد : صباح الخير
ريتال : صباح النور
محمد : متحمسه الباجر
ريتال : ماعرف مو هلكد دايخه بيه
محمد : ئي كل قضيـة هيج دكولين بعدين اطلعين منه اقوى طلعه
ريتال : انشوف باجر الله كريم
محمد : خابرت داكلج حضرت خوش مترجم
ريتال : اي عفيـة اصلاً اعرف بيك ادبره
محمد : بعد روحي والله
ريتال : يلا من رخصتك
محمد : مرخوصه
سديته من محمد اجه باللي حليب مفور مادري اشو اشتهيت اخذت الملف وكمت للمطبخ
شفت مروه كاعدة وبيده الطفل دشربه حليب اللي لحد هسه حته معرفنه اسمه شنو معرفنه ابو منو
كلت صباح الخير وكفت افور حليب
مروه : اكو بسكت بالكاونتر اول باب
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
