قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
(وَالْجَانَّ خَلَقْنَاهُ مِنْ قَبْلُ مِنْ نَارِ السَّمُومِ)
{الحجر:27}،
الجن مذكور اكثر من مره في القران الكريم .. واكو دلائل ع وجوده بالحياة .. همه نفس البشر عدهم اب وام وعوائل واكو جن صالح وجن خبيث . وابسط مثال ع وجود الجن هيـه سورة ( الجن ) بالقران ..
بما انو هذا الشي مذكور بكلام رب العالمين فـ مراح نكدر انكذبه ولا راح نكدر نتلاعب بي .
.......................................
:- خوما شافك احد البارحه ؟
:- لا
:- وين شفته بالضبط ؟
:- مره جانت يم محل ملابس ومره بالفرع
:- شافتك هيه ؟
:- اي بس يم المحل مال ملابس بس ماتصور لمحت وجهي
:- اي عفيه
:- بس چان واضح عليـة شكد خايفه
:- هوه هذا المطلوب .. وأشهب چان وياها ؟
:- ماعرف بس من شفته بالفرع طفرت اني
:- زين اسوي لان هذا كلش لوتي ترا هسـه حيكوم يسعى وراك فـ انتَ اخذ حذرك
:- اي اعرف
:- البس الشفقه وانزل من السيارة ديربالك لا احد يشوفك
:- الفلوس شوكت توصلني ؟
:- يومين بس .. اريدك تراقبلياها عن قريب
:- تمام .. هوه اني قريب من عدهـا كلش
:- ماشي
....
أشهب :: متحضرين كملتو لو بعد
عمر : مو بس متحضر بطني صايره بيه تفجيرات حالياً من التوتر
طبطبت ع چتفه وحچيت
أشهب : بعدلك اشويـه وتترقه .. احنه مخفنه بجبهت القتال ! راح انخاف ونتوتر من وره مرة ؟
عمر : جبهة القتال ارحم مقارناً بهل شي
حسن : كول يا الله يمعود .. بعدين تعال خل اعدلك الستره
عمر : عدل عمي عدل
أشهب : يدرون احنه جاين لو لا ؟
عمر : اي يدرون دزيتلهم خبر ويه ولد
أشهب : زين اسوي .. يلا اسرعو باعو ساعه بيش ورانه شغل
حسن : كملنه .. بسيارتمن انروح ؟
أشهب : بسيارتي لان امي حتجي ويانه
يرشرش بالعطر ويحچي عمر : لك شنو هاي عطورتك اشك والله
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
