قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
_ فتحت عيوني ع شي كلش ثكيل ع رجلي
حاولت اتحرك بس جسمي كلش يأذيني
لاحضت نفسي بالغرفـة مالتي
كلش ارتاحيت
ثواني وچان ادكوم ام أشهب من رجلي
وهيه تقترب مني واتحط أيده ع خدي وتحچي ;
سمر : شلونج يمه يبعد روحي
حچيت بصوت كلش ناصي ; الحمد الله خالة
سمر : يمه ضل بالي يمج يبعد كلبي وكعتي كلوبنه عليج
ريتال : اسفه
سمر : اني الاسفه يا يمه اني والله
ريتال : أشهب وين؟
سمر : بالشغل من يكمل يجي
هزيتله براسي ضلت صافنه عليـة والدمعه بعيونهـا بحيث كامت تبچي ومكدرت تكتمه
سمر : ماعرف بأي طريقة ممكن احچي وياج حته يبرد كلبج ماعرف والله
شلون اعتذر ع اللي سواه حيدر الحد هسـه ممصدكه هو اللي مسوي بيج هيج مداكدر حته اباع عليج الله يشهد .. ماريد حته اتخيل احساسج شنو لو الالم اللي انتِ بي هسـه
والله لو تعرفين أشهب صارله يومين يم راسج مثل الطفل يلوب ويلوم بنفسه من لكاج مر يومين وانتِ فاقده الوعي اليوم الصبح طلعناج من المستشفى أشهب مقبل تبقين هناك
والله العظيم كسره بعيونه يكول مكدرت احميه
اني امه مداعرف شلون اواسي لو اهون عليـه ولا داكدر اكلج شي زين ويخليج تتحسنين
اثنينكم رهينه شخص ظالم ميعرف الرحمه
الله لا ينطي كون ويطلعه بعافيته وابخته ع اللي سواه بيكم
_تبچي وتحچي مبين كلش متأثره
كالت راح اسويلج اكل واجي
وطلعت من الغرفـة
ضليت مفتحه عيوني وبالسكف
ع الرغم من كلشي بس احس اكو شي غلط بداخلي ممرتاحه
المفروض مروه اهنا يمي لان مستحيل تعوفني بهيج اوقات صح هيه متغيره بس متعوفني هيج
وبالي يم أشهب بعد اللي كالته امه
الذنب مو ذنبه هو هم مجرد ضحيه
دقائق ودخلت ام أشهب بيده صينيه مال اكل وراها زينب كاعد تمشي
ركضت عليـة زينب حضنتني وضلت تبچي حته ملحكت احچي وياها چان تطلع من الغرفـة
سمر : اعذريه چانت خايفه عليج
ريتال : اي اعرف
سمر : يلا عدلي كعدتج حته تاكلين لكمه لان ادويتج كلش قويه
_ حاولت بس اعدل كعدتي چان اعيط
من الوجع اللي حسيت بي برجلي وأيدي خلت الصينيه ع صفحه ام أشهب وركضت عليـة عدلت كعدتي بالكوه وخلت الصينيه بحضنه وكامت توكلني
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
