قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
خله اصبعه ع خدي وكام يمشي ع خدي بشكل دائري
حچه بكل خبث وبرود حچه كلمة هزت كياني وثبتتني بمكاني من الصدمه
أشهب : تزوجيني ...
ماحسيت ع نفسي غير واني ضاربته راشدي فاره راسه بي
ضليت صافنه عليـه بس ممهتم چان واكف بكل برود لزم خده وكام يضحك
حچيت واني جسمي يرجف :
ريتال : انتَ مريض نفسي روح عالج روحك
أشهب : ميخالف من يصيرلي وقت
ريتال : لو ادري نيتك تستغلني من البداية چان ما تقربت من عندك ولو خطوه وحدة ماتصورتك تطلع بهل دنائه
أشهب : منو كال داستغلج ؟
ريتال : شلووون مكاعد تستغلنييي واني كاعده اترجاك بهيج موقف شلووون اتزوجك ع يا اساسسس
أشهب : لو اريد استغلج چان استغليتج من جنتي وحدج ويايه اكو ميت طريقه وطريقه للاستغلال
ريتال : لعد شتريد منييي اختي راح تتمرمط بالسجن وتصعد محكمه
أشهب : واني كتلج اتزوجيني بسيطه
ريتال : بسيطه ؟ هههه بببببسيطه ! شنووو انتَ ما عندك كلب ماعندك احساس شلون تريدني اتزوجك ماعندك كرامه
أشهب : بعدين راح تفهمين هواي امور مفاهمته
دفعته من صدره بكل قوتي جيت داريد اوخر چان يجرني من أيدي حيل ولزكني بصدره
حاولت اوخر كمت ادفع بي بس عبالك حديد مينهز ولا هزه عرفت ماكو حيله بأيدي
اقترب يم أذني وهمسلي
أشهب : مداستغلج داسوي هذا الشي ع مودج
ريتال : وخر من عندي احسلك
أشهب : اوخر اكيد بس منطيتيني جواب ؟
ريتال : الحد هسـه موضحلك جوابي ؟ كلتتت لا
ثواني وعافني ورجع يتمرن كانو ماكو شي صاير
عفته وطلعت من القاعة واني الدموع ع خدي ماعرف شسوي
وكفت بنص الشارع ابچي واعيط بعلو حسي
اكو غصه بكلبي اعجز اوصفه الشخص اللي كل ضني راح يساعدني ويوكف ويايه خذلني بالاخير وما سوه شي غير راد يستغلني بصورة مو مباشرة
كمت امشي واني ماعرف وين انطي وجهي وشسوي
امشي بالشارع بدون وجه محدده معقوله راح اعوف اختي هيج يصير بيه واني اعرف بريئه
ماريد اضحي بنفسي ماررريد تعبتتت واني اضحي بحياتي تعبتت اريد ارتااح بعد اذا نقذته لازم ابيع روحي الهذا الميسمى
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
