قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
حسيت الاظفر اخترق نص ظهري
اول مخترقه عطت بصوت كلش عالي
چان تنفتح الباب مال غرفـة .. وتدخل مروه ع السريع
اول مشفته حسيت الاظفر كام يشك بظهري ويصعد ليفوك من تحت الجلد ..
ركضت عليـة مروه كعدت بصفي واتصيح وتبچي
تريد تلزمني متكدر عبالك اكومثل الحاجز بيناتنه
معرفت شنو هل شي
دموعي صارت مثل النهر متوكف
سمعت مروه اتصيح وتتعوذ من الشيطان
الحد ما كامت ع حيله وتعوذت بكل علو حسه
اول ما صيحت چان تجي كبل تحضني
شكو شي چان مضايقني راح
اريد احرك ايدي ماكدر خدرانه بس اريد اتلمس ضهري
حجيت بصوت مبحوح مليان غصه وتعب
ريتال : اتلمسي ضهري شوفي اكو دم لو شي
خلت مروه أيده بضهري اتلمسته جنت احس ع لمساته
شكد بارده حته من لمسات مروه انقرف وتجيني قشعريره
مروه : كلشي ماكو
ريتال : طلعي أيدج ع السريع
وخرت أيده من ضهري .. خليت راسي بحضنه ومددت بالكاع احس تعبي زاد عن حده بحدود
مروه خلت أيده ع راسي وبدت تمسح عليـة
جنت اسمعه شلون تقره عليـة
وهاي اول مره ما تأذه بالعكس احس برتياح مو طبيعي
رغم حسيت الشي غريب
لان خلال هاي الفتره اي شي بي كلام الله
حته الاذان جنت اتأذه من عنده واحس بحركه مو طبيعيه بجسمي شلون الواحد الكاعد تحركه بس ع البطيئ هذا اللي جنت احس بي يعني عذاب موت بطيئ
بس هل مره ما حسيت بشي غير بس براحه
شي منعش كلش
غمضت عيوني بحضن مروه من التعب
اني مجنت احس بهيج تعب طول عمري رغم كل اللي شفته من اني وصغيره الحد هسـه
بس هاي اول مره اتمنى الموت بدل هل تعب
فتحت عيوني واني بعدني نايمه بحضن مروه
چانت متچيه راسه ع الچربايه وغافيه خطيه
كمت ع كيفي حته ما اكعده رحت ع الچيس چان نفس مكانه مروه ملاعبه بي
جيت الزمه بس اذكرت اشصار
اتراجعت ليوره اخاف اطخه اصلاً
:- لتخافين اني يمج
انداريت ع مروه چانت تباوعلي وعيونهـا مغوركه دموع
:- ليش كعدتي ؟
:- حسيت عليج كمتي من حضني
:- ارجعي نامي
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
