قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
_ اقترب مني واني ارجع ليوره انلزكت بالحايط وهو صار قريب مني كلش يباوع ع ركبتي ويرجع يباوع عيوني
أشهب : تعرفين شريد ؟
ريتال : لا ما اعرف
أشهب : اريدج
ريتال : وخر مناك العالم
_ ابتسم وعافني وطلع قفلت الباب ع السريع بدلت ملابسي وطلعت لكيته منتضرني
كملت غراضي ورجعنه للبيت الطريق كله ساكتين
بس أشهب يبتسم بينه وبين روحه ماعرف ليش
رجعنه المغرب تقريباً لان تأخرنه كلش بالازدحامات والفرفره ع الفستان
اول ما وصلنه طبيت سبحت وصعدت للغرفـة أشهب ضل كاعد يم امه
ضليت اكلب بالتليفون الحد ما غفيت
فزيت من النوم ع صوت الدكه مال باب الدرب كمز أشهب من يمي بعد مجان نايم
كلي ضلي بالغرفـة
شفت الساعة بـ ٢ تقريباً باليل
ضليت اروح واجي بالغرفـة مداسمع شي بس صوت حچي وكلش ناصي
فتحت الباب ونزلت من الدرج ع كيف لكيت ام أشهب واكفه ونور وراها وأشهب بالباب ديحچي ويه رجال وصاير عصبي كلش
أشهب :: شتريد جاي بنص الليل؟
حيدر : اريد مكان انام بي
أشهب : روح نام وين ما جنت نايم قبل
حيدر : اريد انام اهنا بهذا البيت
أشهب : ما اطببك لو تأذن هسه
_ ماحسيت غير ع راشدي اكل وجهي اكل
حيدر : لك احچي عدل ويايه اني ابوك
أشهب : من تعرف شلون توازن روحك وتوكف عدل بدون سكر عود احچي وياك
حيدر : لك اني السويتك والكبرتك هيج تحجي ويايه
_ ماشفت غير امي هاجمه عليـة
وادفع بي وتبچي وتحچي ;
سمر : لككك اتمد أيديك ع ابنييي الله يكسرر ايدك كونن مكفاك اللي سويته بينه جايي هسه اتكمله علييينه لووو شنووو
الله لا ينطيك ولا يخليك عايش ان شاء الله حوبة جهالي تطلع بيك يا حقير يا كلب ان شاء الله اشوف بيك يومم يا حيدر يا نكس يا متستحييي
ان شاء الله حوبة جهالي تطلع بيك وبعافيتك
حوبة هذا ابني اتكسر اعضامك اتكسر اشوووف بيك يومم يا نذل يا كلببب
_ جريت امي دخلته جوه وسديت الباب
بس صوته عالي ويصيح ويغلط برا انداريت لكيت امي منهاره وريتال فوك راسه
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
