قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
تعرف قبل شهر اشسمعت ؟
أشهب : شسمعتي ؟
_ صار بي مرض سل فتره ومات
اشهب : شنو مات
سمر : مات شنو .. شنو مات غير مات
أشهب : مداستوعب .. لعد ريتال اللي شافته وحجت وياه منو ؟
سمر : جن
أشهب : شسوي اني هسـه ؟
سمر : لازم تفهم ريتال
أشهب : شكله يمـه ؟ تردين تتخبل البنيـة
سمر : ماكو غير حل
أشهب : هي تقريباً راح تتخبل من اللي دشوفه اني متأكد مصدك بكلشي كالته رغم اني ماؤمن بالسوالف هاي بس ماتوقعه تكذب
سمر : حتلو لازم تعرف اللي ديصير وتلكي حل ثاني
أشهب : اروحله الصبح
سمر : لازم
طبطبت ع رجلي وعافتني وكامت .. ماعرف شلون
راح اكول الريتال
شلون راح افهمه واكول اله ع الشيخ محمد
الرجال ميت صار فتره
نمت ع التفكير بريتال .. كعدت ع صوت رنة تليفوني
باوعت عمر كاعد يدك .. سديته ورجعت نمت رجع دك مره ثانيه .. سويته صامت
جيت داغفه چان اذكر سالفة ريتال
كمت ع السريع غيرت ملابسي .. وطلعت شغلت سيارتي وتوجهت البيت ريتال
بالطريق چان يدك تليفوني .. عمر
:- الو
:- سيدي وين انتَ
:- طالع بشغله
:- رجعنه البغداد بالمركز احنه
:- زين
:- بس الآمر رايدك
:- ضروري ؟
:- كلش ماعرف ليش
:- ماشي جاي
:- تمام سيدي
سديته .. وغيرت طريقي ع المركز اكمل شغلي واروحله
حته اشرحله الوضع
...
ريتال : شسوي هسـه ؟
مروه : بس رخيه ولتقلصين
ريتال : اخاف توجع
مروه : لا لان بس داوخر الدم داير مدايره
_ جريت أيدي من عده
ريتال : بطلت ماريد
مروه : لج بابا لازم تتعقم ويتبدل الشاش
ريتال : حتلو ماريد عوفيه .. لان البارحه كلش يوجعني
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
