قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
.......................................
حسيت ع شي يچكچك بيه من خدودي
حكيت وجهي واني مغمضه عيوني
احس اكو شي دافي بركبتي
وشي كلش ثكيل ع خصري
انداريت ع الجهه الثانيه بكل صعوبه
مداكدر افتح عيني النعس والمرض غالبيني بهواي
بلكوه اتحرك اكو شي مثبتني
ع السريع اجه بالي اللي چان يصيرلي فتحت عيوني واني مخروعه بحيث حته تنفسي اتخربط وكمت اتنفس سريع
انصدمت بأشهب ووضعيت نومته
من الصدمه ضليت بمكاني ما تحركت ولا طلعت حس
أيد محاوطتني بخصري وضامتني اله
وأيده الثانيه صايره جوه راسي
استغربت من قربه الي
بحيث مسافه كلش قليله وممكن يطخ خشمي بخشمه
واضح چان خال وجه بركبتي
لان لحيته قريبه ع خدي فـ اكدر احس بيه
اتسببلي حكه ودغدغه بنفس الوقت
اول مره اكون قريبه من شخص الهاي الدرجه
حاولت اتملص من حضنه بس مكدرت كلش ضاب أيده عليـة .. واضح عليـه يعرفني راح احاول اوخره
استسلمت وضليت بمكاني .. ردت اكعده بس كلبي منطاني نايم نومه كلش عميقه .. ماعرف اذا صدك نايم او لا لان مكمت اعرفه اذا ديكذب او لا كلهن نفس الشي ماكدر اصدك بأي شي يكوله
ماعرف شلون انتهى بيه المطاف ويه شخص ماحبه
ويه شخص كذاب مثله .. اني ماؤمن بالصدف بس اتوقع هوه قدر بحياتي
بس مو خوش قدر
واذ چان صدك قدري فـ راح اغيره حتلو اذا ادفع عمري كله واني احاول اغيره ميهمني اول وتالي راح اتخلص من عنده
اول مره اكون قريبه الوجه بهل طريقه
قريبه بحيث اكدر اشوف المسامات اللي بجهه
لاحضت اكو جرح كلش واضح بصفحة خده
تقريباً عندي نفسه بس هوه اعمق من عندي .. اثار الخياط موجود بس مبين قديم
عندي فضول اعرف بشنو صار
بس ماريد اعرف لان ميخصني .. احس بروحي متناقضه
مافاهمه شريد بالضبط
ضليت اباوع عليـه واجمع كرهه بداخلي تجاهه
شويه شويه فتح عيونـه
عيونـه كلش حاده سوده بشكل كلش عميق
بلون سواد كلبه
يباوعلي حسيته راح ياكل عيوني
من نضراته الغريبـه
عيونـه عكسه احسه تحچي اشياء هوه مابيه
بريئه رغم حدته وسواده بحيث السواد اكثر من البياض بعيونـه
حچه بصوت مبحوح شبه الهمس ;
أشهب : وين صافنه
ريتال : ع چهرتك
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
