فحيـح الافعى

بارت اضافي

قصـة : فحيـح الافعى
بقلمي : نـون النعيمي ✨

لتنسون التصويت والتعليق بين الفقرات حبايبي ❤️!

.......................................

‏كنت أعرف
منذُ الوهلة الأولى
التي رأيتك فيها
أنّي سأنفق لاحقًا
قلبي كلّه
دفعةً واحدة
في سبيل عينيكِ.

........

دخلت للمحكمه ولبست روبي الاحبه
بالكوه امشي لان اثار الحمل مبينه عليه وبطني كلش كبرانه

دخلت جوه للقاعه اشوف الوجوه شلون مستغربه
حقهم حته اني استغربت لان اجيت اليوم

كعدت بصف موكلتي
كامت تبتسملي وتباوع ع بطني

:- بنية لو ولد

:- ابنية

:- شلون لعد لزمتي القضيه وانتِ حامل ؟

:- والله شفتج محتاجتني فكلت لازم اساعدج

:- زوجج معارض؟

:- خليه سكته بلكوه قنعته

:- والله عذريني بس كلولي عليج خوش محاميه ماعندي غيرج اروحله

:- يمعودة خليه على الله وعليه

_ ابتسمتلي ودرات وجهه بتوتر
كمت اكلب بالاوراق واراجع اللي اريد احچي بعقلي
ثواني وخليت أيدي ع بطني داحس بنتي اترفس بيه
ابتسمت بداخلي

ثواني ودخل القاضي للقاعه
كعد وبدت الجلسه

كال المقدمه القاضي وبدينه بالجلسه
صار الكلام بالاول الي لان موكلتي اللي رافعه دعوى

_ كمت بالكوه من مقعدي واني لازمه ظهري
:- اولاً السلام عليكم
ثانياً اقسم بشرفي انو راح اكول الحقيقه

اشرلي القاضي اكمل كلام

_ موكلتي زينب حماد علي .. رافعه دعوى طلاق على زوجه والسبب كالاتي

كلنه نعرف انو الكلشي اكو عقوبة
ونعرف عقوبة التعنيف والضرب والشتم وعدم اعطاء الحقوق راح تواجهه عقوبة قاسيه لكن اذا كان التعنيف قطع من الاعضاء لو مساس الجسد لو اذية الجسد راح تكون عقوبة اكبر من هذا الشي

لذلك موكلتي تطلب الطلاق مع جميع الحقوق

:- شلون تكدرين اتثبتين كلامج؟ عندج دليل

:- طبعاً عندي

_ اخذت اوراقي والصور العندي واتقربت للقاضي خليتهن امامه ورجعت المكاني وكملت حچي

_ تعرضت موكلتي لانواع العنف اي شي يخطر ع البال من التعذيب اتعرضته اله .. راحت اشتكت عند مركز .. لكن الشرطه مسوت شي واختصرت السالفه بـ " مشاكل عائلية " !

ماشوف للشرطه اكو دور بالموضوع بالاخص اذا چانو شرطة اجتماعيه تهتم برعاية الناس

القصد من كلامي
انو لو موكلتي ماتت ع أيد زوجه راح تنلام الشرطة بالحادثه لان مسمعوله وانطوه فرصه للكلام