قصـة : فحيـح الافعى
بقلمي : نـون النعيمي ✨
لتنسون التصويت والتعليق بين الفقرات حبايبي ❤️!
~~~~~~~~~~~~~~~~~~~~~~
مِازلت في أنتظار وجهك
" والتسِعه واربعين قُبلهَ "..
...................
وجهه احمر دم .. وكف كبالي قريب عليـة
انفاسه حارة تلهث لهث عبالك راجع من حرب .. ريحة الشرب والچكاير تفوح من عنده تكتل كتل
اقترب مني وقرب وجهه ع وجهي
ثواني ولكيته يباوع ع حلكي بعيون نعسانه قرب حلكه ع حلكي وهوه لازم وجهي بأديه
غمضت عيوني ع السريع حسيت كلبي دكاته وكفت بهل لحظه .. حسيت ع شفته طخت بشفتي
ثواني ولكيته خال راسه ع چتفي
ضليت مغمضه عيوني اني وكلبي المشتعل نار
فتحت عيوني ع كيفي لكيته خال راسه ع چتفي
حچيت بصوت ناصي :
ريتال : نمت ؟
مجاوبني .. ماعرف شسوي لو شنو اتصرف
خليت أيدي ع چتفه وطبطبت عليـه احاول اكعده
حچه بصوت خافت بي غصه
أشهب : اريد انام
ريتال : امشي روح البيتكم نام
انتظرت من عنده رد بس ماكو اي رد
ماعندي حل غير انو اطببه للبيت .. قابل اعوفه بره بهل حاله
ريتال : بس اوكف عدل ع الاقل ماكدر امشيك وحدي
وره ما خلصت جملتي حاوط ركبتي بأيده
تچيته عليـة ومشيته بالكوه للباب مال بيت .. دخلته جوه .. بالكوه وصلته للصاله ذبيته ع القنفه
ووكفت احاول التقط انفاسي
اباوع عليـه فاقد فد مره .. اقتربت عليـه ادور السويچ مال سيارة لان الجامه والباب مفتوحات
خليت أيدي بجيبه لكيت التليفون والسويچ بنفس الجيب
طلعتهن خليت تليفونه ع الطبله واخذت السويچ وطلعت ع السريع بره قفلت السيارة ودخلت وسديت الباب
دخلت ع مروه لكيته نايمه
اقتربت من عده وهزيته چان تفز اشرتله تسكت
همست بصوت خافت اخاف الجهال يكعدون
ريتال : أشهب نايم بره بالصاله ع القنفه من تطلعين ديربالج
يعني
مروه : شيسوي اهنا ؟
ريتال : ماعرف باجر من افتهم افهمج
مروه : ماشي دخلي الغرفتج وقفلي الباب ونامي
ريتال : ماشي
مروه : دخلي كولي الشيماء لا تطلع بدون حجاب ومتدري
هزيتله براسي كلتله ترجع اتنام وكمت
رحت الغرفـة شيماء لكيته نايمه .. اقتربت من عده وصحت شيماء .. شيماء وهزيته بس ماكو عبالك داخله غيبوبه كلش غافيه
أنت تقرأ
فحيـح الافعى
Mystery / Thriller#قصه_حقيقيه_عراقيه " لا احلل اخذ القصة ونشرها " حقائق مخيفه لا يمكن تغيرها اقدار توحي الى نفس الحكايه طريق مغلق لا مخرج منه اسرار مدفونه لا يمكن اخراجها وراء كل سر حكايه وفي كل حكايه بطل وراء الاسرار كلها " وحَـش " ...
