بين نيرانِ حُارب

البارت لـ 5

بسم الله الرحمن الرحيم

حسابي الواتباد:hwaraa_17 تابعوني

بقلمي أنا: حوراء العلي

.
.
.
.
قراءه ممتعه
_____________________________________

رقية :-

أخذت المعجنه طلعت من المطبخ اصعد فوك طلعت زينب من غرفتها شافتني بوعتلي صفح راحت للمطبخ تشرب مي ، فريت ايدي وصعدت فوك ، دخلت للغرفه نزعت شالي حطيت المعجنه بلكاع ، ورحت لجنطه طلعت شالين ، نكعت الشال وضليت امسح بلكاربت ومسحتو كلو ، جبت الشال الثاني ورجعت مسحت الكاربت مره ثانيه حرفيأ انكسر ضهري ، سمعت موبايلي جاي يرن ، رحت شفت بنين جاي تتصل ما فتحت خط لأن ابد مراح انسه سويتها ويايهه دك مرتين وما شلتو ، اخذت المعجنه والشال ونزلت دخلت للمطبخ ذبيت المي وغسلت المعجنه ورجعتها لمكانها والشال غسلتهم اثنينهم وطلعت بره اشرهم ورجعت دخلت للبيت راحت لغرفة خالي حتى مرته تنطني بطانيه ومخده، رحت للغرفه دكيت الباب
سمعت وهي تكول منووووو .
_ انأ خاله

_شتريدين خالج نايم

_ لااا ماريد خالو اريد بس مخده وبطانيه

_ تعاليي فوتييي ، فتت للغرفه شفت خالي نايم وهي نايمه بصفو وتلعب بلتلفون جان تگول :

_منا اخذي من فوك الكنتور اذا وكعن ترجعيين انتِ
مثل الحبابه ترجعيهن لمكانهن

_ خوش ، جبت كرسي وحطتو يم الكنتور صعدت ع كرسي شلت الجرجف الي حاطته فوك الفراشات شفت بطانيه طلعته ع كيف لأن اذا وكعن لازم ارجع ارتبهم وانأ ميته تعب اريد أنام ، طلعته ع كيفي وحطتها بلكاع ، شفت المخده مكانها بعيده هاي شلون راح اجيبها دنيت يم الكنتور كلشش مديت ايدي اريد الوحها ماكو دنيت ايدييي كُلش لحت المخده وجبتها ع كيف ونزلت من كرسي اخذتهن وطلعت من الغرفه اسمها تكلي تعالييي شيلي الكرسي سمعت وغلست ، صعدت فوك دخلت للغرفه حطيت المخده وجبت البطانيه ونمت وبعد ما حسيت بشئ بعد ....

_ حسيت ع كرصه عسبالي حور ،

_ حور راح اكوملج ومحمد عوفييي حالي اريد انطمر ، حسيت ع كرصه ثانيه أقوى كمت من فرش بوعت شفت عمر ،كال :

_ اسف والله بس هاي ماما كلتلي اكرصج

_ بوعتله وكتله ، واذا امك كلتلك ليش تسمع كلامها هاااا ولي منااا يلا اطلع برهه ، بوعلي وبجه ونزل جوه ، كمت من الأرض عدلت البطانيه وخليتها ع جها هي والمخده ، جاي لم بشعري ودخلت عليا زينب وكالت:

_ حقيره نذله الخايسه تضربين أبني ولجج ، اشوفها اجتني جرتني من شعري ردت تضربني راشد بس أنا كمشت ايدها وكتلها

_ والعباس اذا تمدين ايدج عليا الله ما يخلصج مني ومن اهلي .

_ خر .. عليج وع اهلج ، ضلت تجر بشعري اريد أواخر ايديها ماكدار هي اضخم مني واسمن منيي بهواييييي ، بعد ما تحمل شعري تكطع بيدها كمت عضيت أيدها بكل قوتي ، وجان تصيح تكول
_ كح .... بربو .... تعضيني