بين نيرانِ حُارب

البارت لـ 33

بسم الله الرحمن الرحيم
البارت / الثالث والثلاثون
حسابي الانستا:hwaraa_17 تابعوني
بقلمي أنا: حوراء العلي
.
.
قراءه ممتعه

**************

محد شايف الشفتة
ولا واحد عايش ربع اللي
اني جربتة
بشر مخلوق بالختلة
لخاطر هالسبب
عاذرهم وسهلة اذا ما فهمو البيه
كل قوتي اذا مرة كرهت انسان ،
امسح كل اغانية
وما اوصل ابد حده
حقي من ابتعد مرتاح بالوحدة .

_ ألين:- ادري كُلشي ف نصيحه مني الج انهزمي والله علمود مصلحتج أصلن راح تضلين هنأ خدامه واكيد حُارب راح يتزواجني لأن أنا ماريد أطفال وهو كذلك ، فتحت تلفونها وجان تشوفلي ، صور هيِ وحُارب ومسچات هيِ وياه ، خنزرتلها وكمت من مكاني صعدت فوك ، اتصلت ع زهراء

_ الو زهراء

_ زهراء :- ها عمري

_ رقية :- زهراء اريد اجيكم تعبت كُلش والله العظيم

_ زهراء :- تعالي يروحي تعالي يمي والله نحطج بعيونه ،

_ رقية :- بس خايفه من حُارب

_ زهراء :- شنو تخافين أنا يمج أبويه يمج لتخافين عيوني أنتِ ،

_ رقية :- تمام أشوف اذا ما قبل اجيكم أشرد

_ زهراء :- تمام خاف مذله هواي ذلج عود هذا نكول عليِ الزين ، نهينه المكالمه ، ضليت رايحه رداه بالغرفه خايفه مادري شسوي ،

_ صار الليل اتعشينه ورحت غسلت المواعين وياه البنات خلصت بسرعه صعدت قبل حُارب ،

حُارب بالديوان الحجي يريدو ، انتظرته نص ساعه شويه وفتح الباب باوعلي وكال

_ مساء الخير ، ردت من وره خشمي

_ مساء النور ، أبتسم ودخل للحمام ، طلع اخذ اللابتوب مالتو واخذ باكيت چكاير وكعد بالأرض ضل يلعب بالابتوب ، وأنا افرك بأيديه مادري شسوي ،

_ حُارب اريد اروح لبيت أهلي اريد اشوف امي ، رفع رأسو وكال

_ أنه مو كتلج ممنون ماكو لا بيت عمو حسين ولا ابوج الصاك ابن الصاك

_ أنا ماريد اروح لبيت لعمو حسين اريد اروح لبيت اهلي

_ حُارب :- اعتقد أنه جاي احجي ومعاج عربي مو إنكليزي روحه ماكووو

_ شني يعني تريد تحبسني هنأ شنو انا فصليه يمك

_ حُارب :- الفصلية أهون

_ رقية :- تحجي صدك انت ، هز رأسو بمعنى أي ،

_ رقية :- يعني ألك عيني هم تحجي يعني هم خايني وهم مچذب عليِ وهم نايم وياه وحده غيري وهم ما تخلف جهال ، حجيت هيج لو ذب اللابتوب من أيدو واجه كمش أيدي قوي وكال وهو يكزكز ع اسنانه