بين نيرانِ حُارب

البارت لـ 8

بِسمُ الله الرحمن الرحيمِ

حسابي الواتباد تابعوني hwaraa_17

البارت الثامن
.
.
.

قراءة ممتعة

""""""""""""""""""""""""""""

زهراء

كاعده وبيٕدي دفتر وقلم كاعد أقره بأجر عندي امتحان ضليت أقره لحد ما لعبت نفسي وتعبت كُلش ذبيت الكتب وجبت تلفوني أتصالت ع رقية من أول رنه ردت انصدمت كُلش لأن هي فد خمس مكالمات يلا ترد ، صحت ألو اشو هاي تبجي وتشهك يا شبيج حجتلي ع مرت خالها جاي تسوي من وره خالها كُلش أنصدمت هو أبد أبد ما مقصر وياه زينب شنو تريد يگللها صار بس هي ماعدها ذُرة أدب واحترام لشيبات أبوها ، والحلوى تهدد رقية بأهلها أنو تقتلهم ، هديتها وطمنتها شويه وكتلها تصلي ع اختج شوفي صدك مسافرين ، ونهينه المكالمه ، كمت من مكاني ونزلت جوه دخلت للحمام أتوضيت وصعدت فوك لبس حرام الصلاه وصليت صلاة المغرب والعشاء وصلاة ركعتين لـ أم البنين تريح قلب رقية ودعيت راحة البال وتصير قوية رقية ، وحمدت الله ونزعت حرام الصلاه ، اخذت تلفوني عود اريد أتصل عليها شفت مسج منها أنو طلع صدك أبوها وأخوانها مسافرين ، ضليت أتصل عليها ماكو مترد دزيت مسجات ماكو ، يربي ضل بالي يمها خاف صار بيها شئ لو هاي الحيه سوتلها شئ ، نزلت جوه لغرفة ماما دكيت الباب ودخلت
:- مساء الخير
:- مساء النور زهراء
:- ماما بأجر مرح اروح لجامعتي راح اروح وياج للجامعه
:- ليش خو ما صاير شي
:- لأ ما صاير شي بس صديقتي مريضه وبالي يمها وأريد اشوفها وكُلش مشتاقتلها
:- تماام ماما ان شاء الله هسه روحي ساعدي خالتج سناء بلعشه وأنا أصلي وأجي وياجن
:- تمام كلبي ، رحت للمطبخ سلمت ع خاله سناء وسوينه العشه أنا وياها وأجتي ماما ساعدت أنه وصبينه العشه واجه بابا وتعشينه وشلت والمواعين وخاله سناء غسلتهم وساعدته بيهم عدلت البيت وراحت لبيتها وأنا بست بابا وماما وصعدت فوك فتحت تلفوني وهم اتصلت ع رقية ماكو مترد أتصلت ع مرايم وهم مترد يربيييي شنو من يوم هذا ، بوعت شويه بلتلفون حطيت رأسي ونمت .....، كعدت ع منبه كمت لميت شعري ونزلت جوه غسلت وجهي فرشت أسناني وصعدت فوك بدلت ملابسي ولبست بنطرون أسود بي شگات من الركب وبدي أسود وكسرت الأسود بشأل أحمر وحذاء حمره لبستهم وحطيت مكياج مثل مكياجي كلمره ولبست الحذاء ونزلت جوه انتظر ماما ، طلعت من الغرفه كتلها
:- ماما فدوة خليها نتريك هناك بلجامعه حبابه
:- خوش أصلن عندي شغل كثير بلجامعه ، كلت لخاله سناء لاتجئ بس سويت ماما ريوك لبابا وطلعنه وصلت للجامعه رحت للنادي أخذت كهوه ولفت جبن وكعدت أكل خلصت انتظرت شويه ودخلت رقية شافتني أجتي شبكتني وتبجي والطلاب تتفرج عليا طلعنه من النادي وضلينه نسولف لحد بـ2 رجعت رقية للبيت خالها وأنا رجعت وحدي لبيتي بدلت ملابسي ونمت لأن ميته تعبب ، كعدت ع حلم حلمته ، أنو رقية تصيح بأسمي زهراء فدوة ساعديني راح يكتلوني راح اموتت أنا أصبح بعلو صوتي رقيةةة وينجججج وهي تكول راح اموتتتت وأبجي وأصيح رقيةةة وينججج لتعوفني وحديي رقيةةةة ، ضليت أصيح وابجيي لحد ما سمعت خاله سناء تكول ، اسم الله عليج يمه اكعد هذا حلم زهراء
، فتحت عيوني شفت خاله سناء شبكتها ومتتت بجي وكلتلها
:- خاله سناء رقية راح تعوفني رقية راح يكتلوها والله إذا صار بيها شئ اموت وراها والله
:- اسم الله عليجن ان شاء الله مابيه شي يمه لتخافين هذا مجرد حلم كومي يمه توضي وصلي وان شاء الله ماكو شي باست رأسي وكالت
_ أنا راح أنزل أسوي عشه خلصي صلاه وتعالي يمي ساعديني بلعشه ، أشرتلها برأسي بمعنى أيي ونزلت ، جٕبت تلفوني اتصلت ع رقية حجيت وياها وطمنت عليها بس ما حجتلها ع الحلم اخاف يصير شئ ، شويه اطمن كلبي عليها ونزلت جوه آتوضيت وصليت بحرام الصلاه مال ماما ، دعيت رب العالمين يحفظ رقية من كل مكروه ودعيت حلمي ميصير حقيقة ، حمدت الله ونزعت حرام الصلاه ورحت للمطبخ ساعدت خاله سناء صبينه عشه تمن أحمر ودجاج اتذكرت رقية اكلتها المفضله صورت العشه ودزيته لرقية ، كعدت اتعشه خلصت ردت اغسل المواعين بس خاله ما خلتني صعدت فوك شفت مسج من رقية كاتبه الف عافيه أميرتي ، رجعت كتبتلها خوخة زهراء أنتِ وحطيت يمه قلب أحمر هيه شافته وحطتلي قلب ، طلعت كتبي وضليت أقره المحاضرات إلي راحن عليا لحد 11قفلت كُلش نعست راحت طفيت الكلوب وقفلت الباب وسرسحت لجربايه ع كولت خوخة (رقية) ، نمتتت وياريتني ما كعده من النوم ولا سامعه هذا الخبر
""""""""""""""""""""""""""""""""""
رقية