بين نيرانِ حُارب

البارت لـ 23

بسم الله الرحمن الرحيم
البارت الثالث وعشرين
حسابي الانستا :hwaraa_17 تابعوني

بقلمي أنا: حوراء العلي.
.
.
.
قراءه ممتعه

******************

حُارب يكول :-

حلي الضفاير خل ابات الليله بيهن

************

_رقية :- عفيه اخذني للبيت حباب

_انطيني العنوان ، أنطته العنوان ، شويه وصلنه ردت أنزل جان يكول

_وحك علي بن ابي طالب بهذني اليومين أنه چتاله لـ أحمد ، هزيت راسي ونزلت ،

دكيت الباب محد طلع يبووو أكيد لسه بالجامعه ، وان أروح يربي حتى خاله سناء أجتي ( خاله سناء كالت ما اجي مريضه ف زهراء ضاجت وزعلت من خاله ، ف سوتلها مفاجئة واجتها للجامعه ، ) عزا يربيي اضل بشارع ، دكيت الباب ماكو ، شفت سياره ليث لسه واكفه ، رجعت أدك بالباب وأبجي ، شويه ونزل ليث تقرب يمي وكال

_ مدخلين شنو ماهمه ، ضليت ادك بالباب ومارديت عليِ

_ ليث :- دحگي عليا من احجي وياج ، باوعتله وكتله

_ ليث عفيه شتريد مني

_ اهلج وان ، ضحكت وأنا دموعي يوكعن ع خدي ،

_ ههههه أهلي أهل ماعندي أنا عشت عمري وحيده ،

حجيت هيج ومشيت من يمه رحت لبيت خاله سناء دكيت الباب الحمدالله طلع ابنها بست راسه ودخلت سديت الباب كعدت بلأرض متتتت بجي والله تعبت والله اخخ يمه وينج ،

أكيد أحمد مرح يعوفني وراح يسويلي شي ،

سوده عليا اجتني فاطمه كومتني من الأرض ، ودخلت للمطبخ ذبيت غراضي ورحت أسوي أكل خطيه للجهال ، طلعت كبه من المجمده گليت وسويت لفات وانطيتهم لفات وأنا وياهم أخذت لفه أكلها ، أكلتها ودخلت للغرفه ذبيت غراضي ونزعت شالي ورحت تمددت ع جربايه ، غمضت عيوني ،  جنت كل ما انام اقره الفاتحه ع روح حمزه وليث وهسه عايشين ، ضليت افكر والفرحه بكلبي والله من رجعو ،

بحيث كمت سويت حضن برجليه وكلت

_ عزااا فرحتي معقوله هذولي حمزه وليث يمه ، احجي والإبتسامة شاكه حلگي ، لزم أكول لو ليث لو لحمزه ع احمد لزم بلگي ينقذوني من أحمد الكو*** مثل ما نقذوني من هاي البر** الشيخه ، عزااا بعينج رقية هاي شوكت كمتي تفشرين يبوو كله بسبك ليث علمتني افشر هههههههههه ، رجعت راسي ع مخده ودخلت لعالم ثاني ،

_يا خايسه يا نعاله اهمد شكولج كومييييييي ، حسيت ع كرصه من خدي ، فتحت عيوني بتعب ، شفته مريم كمت مخترعه

_ لككككك هلا بالحبببب أشرقت وأنوارت

_ مرايم :- انجبي أتبسززز