بين نيرانِ حُارب

البارت لـ 9

بسم الله الرحمن الرحيم
البارت / التاسع
حسابي الواتباد:hwaraa_17 تابعوني
بقلمي أنا: حوراء العلي
.
.
.

قراءه ممتعه
____________________________________

رقية :-

كعدت فتحت عيوني واشوف نفسي كاعده بغرفه ضلمه وبس ضوه جاي من شباك ، وريحته الغرفة خايسههه وتلعب النفس ضليت أصيح بعلو صوتي ماماااااااا بويههههههههه وينكم زينببببب وينجججج ابجي بعلو صوتي لحد ما انفتح الباب ودخلت مريه عجوز كُلش وجان تجي يمي وتكلي

:- هههههههه أهلا بيج بيت الكحا*** والدعار*** وراح تصيرين وحده منهم حجت هيج أنا بسرعه تفلت بوجها وكلت

:- ماكو غيرج أنتِ الكحب*** والبربو*** تف عليج وع تربيتج ، أنا تفلت عليها لو جبت آخرتي ع أيدي ، جرت شعري من جوه الشال وضلت تسحل بيه الغرفه كلها وتضرب بيه راشديات وتكول

:- ولج أنا الشيخه تفلين بوجهي وتفشرين عليةة اليوم انعل ولديج ، ضلت تضرب بيه وتجر بشعري وأحس شعري تكطع تكطع بيدها صحت بعلو صوتي

:- عوفينيييي الله لا يوفقج عوفنيييييي ، حجيت هيج ذبتني بلكاع وضلت ترفس بيِ برجلها لحد ما خشمي طلع منه دم شفتني فد مره انتهيت عافتني وراحت وقفلت الباب علية ، جبت شالي لميت شعري الي تكطع تكطع بيدها ولبست الشال ودنيت رجليه لصدري وحطيت رأسي بين رجليه وخشمي يطك دم وضليت ابجي بعلو صوتي وأصيح الله لا يوفقج يا زينب عساج بلموت ان شاء الله اشوف بيج يوم ولج وان جبتيني المن بعتيني ليشش هيج سويتي ليشش راح طلعين علية شئ أنا ما مسويته وراح أخواني وأبويه وأمي يتبرون مني ليشششش عساها بحضج وبختج يا زينب ، انفتحت الباب ودخلت ابنيه أجتي يمي تريد ترفع راسي بسرعه دفرتها وكتلها وخرييييييي عنيييي أبد لـ تلمسني ماريد اتنگس بيجن يا كحا*** ما سمعت لكلامي كمشت أيديه ضليت ادفر بيه برجليه بكل قوتييي وهي ماكو تالي صاحت
:- وسم هلصوت أثبتي خلي اشوف شسوت بيج هاي الساقطه
_رقية:- عوفنييي ما سوت بيه شي عوفينييي طلعييي بره الله ياخذكم ان شاء الله ، حطت شالها ع خشمي أنا بسرعه دفرتها وكعت بالأرض وشمرت شالها عليها وكلت
:- ايعععع أخذي شالج الخايس عنييي واطلعععي برههه ، كامت من الأرض وباوعتلي وكالت
:- طبج مرض مو صوجج صوجي أنا الي.خايفه عليج هو أنتِ راح تصيرين وحده من هذني الكحا** لي راح تشوفيهن شويه وبعد
_ رقية:- ع جثتي وعلي وماكو غيرجن اكحا*** وبرابي**** همات ولي طلعي بره وليييييي ، غمتني وطلعت ، بجيت بعلو صوتي ، يربييي أنا منو جابني هنأ يربييي مروتك أسترني بستر سيدتي ومولاتي زينب ياالله ، ضليت أدعي وأسبح بأيدي وأبجي ، حطيت الشال ع خشمي حتى ينكطع الدم وضليت أمشي بلغرفه ابجي وادعي يارب مروتك ع بختك يا الله ، لحد ما حسيت الغرفه جاي تفتر بيهه وكعت بلأرض ،
--------------------------------------
زهراء

زهراء كعدت من النوم وكلبي ما مطمن احس راح يصير شي دموعي نزلو لأن كلبي اول مره يصير بي هيج اكو شي راح يصير كمت نزلت جوه توضيت وصعدت فوك بسرعه هسه تشوفني خاله سناء وتكلي ليش باجيه وحتى اليوم مارحت للجامعه لأن تعبانه كُلش فتحت السجاده وطلعت حرام الصلاه وضليت أصلي ودعيت رقية مابيه شي ودعيت لباب ولماما ودعيت ما يصير شي سجدت لله ومتتت بجيي وكلت:-
يربي ماعندي غيرك أتوجهلك واتوسلك يا الله اذا رقية بيه شي اوكف وياها ورجعليها سالمه غالمه وريح قلبها واحميها من شر الناس ياالله واذا ماما بيه شي ياالله ماعندي غيرها بهاي الدنيه احميها يا الله وبابا كذلك يا الله متت بجي لحد ما حسيت كلبي حيوكف بست السجاده وكمت لأن أنا سنيه ومانحط تربه بس أحب أهل البيت كلهم وخاصتن الإمام علي كُلش احبه واحب شجاعته ، نزعت حرام الصلاه ولميت السجاده ونزلت جوه سويت كهوه وطلعت جبن وعسل ضليت أكل لحد ما أجتي خاله سناء كلت اسويلج ريوك كتلها لا ماريد جان تكول
:- لعد شبيج شنو باجيه
:- لاا خاله ما باجيه أكلج خاله أريد زيارة أم البنين (عليها السلام) منين أخذها ، باوعتلي بأبتسامه وكالت
:- يمه تزلي حقيقة المؤمن وطلع منها زيارة أم البنين (عليها السلام)
:- تمام ، طلعت من المطبخ وصعدت فوك لغرفتي جبت تلفوني نزلت حقيقة المؤمن ، ضليت اور بلكوه لكيت زيارة ام البنين( عليها السلام) لأن اول مره انزل هذا البرنامج لبست حرام الصلاه وضليت اقره الزياره لحد ما خلصت حسيت براحه بال وراحه نفسيه كُلش ارتاحيت ، نزعت حرام الصلاه ونزلت جوه اساعد خاله بلغده سوينه تمن احمر وسمج سوينه أنا وياها سويه الغده انتظرنه ماما وبابا يجون حتى نصب الغده ، رحت لغرفة ماما أخذت من عدها ماسكات ومقشر مال شفه مقشر مال أيد حطيت لوجهي ماسك وقشرت ايدي وشفتي (ماما تموتتت ع هيج سولف تشتري هيج شغلات اكثر مني ههههه)
ضليت حاطه ماسك لحد ما اجو بابا وماما وغسلته لوجهي ، صبينه غده كعدنه ناكل اكلت شويه ورجعت لغرفتي نمت .....