بين نيرانِ حُارب

بارت لـ 35

بسم الله الرحمن الرحيم
البارت / الخامس والثلاثون
حسابي الانستا:hwaraa_17 تابعوني
بقلمي أنا: حوراء العلي
.
.
قراءه ممتعه

**************

بنات رقية صح محاميه بس حُارب ما يريدها بمجال المحاماة ف حُارب قدم الها ع خارجي سادس علمي ورقية بدون ما تحجي شي وافقت لأن جانت تخاف منو وبس والله

*********

قسور :- شبيكم بس بالفيزياء ما ناجحه أما البقيه كلهن زينه بيهن ، كمت ركضت صعدت فوك لغرفة متتتت بچي اكيد ضاج مني اكيد اهمداج يارقية اهمداج ،

_ جان درجاتي كلهن ب80 بس عربي مو ب80 بس الإنكليزي 35 مدري منين اجتني والفيزياء 45 ، كلما اشوف درجتي ابچي اكول چا تعبي وان راح بس باقي المواد انصه درجه 80 اسلاميه 100 وعربي 90 ، .......

_جان حُارب أبد ما يباوع بوجهي حقو تعب ويايه شكد وهيج درجاتي ، ...... يمكن ارتاحيت بس سبوع واحد وبلشت اقره لأن امتحانات الوزاري بقن بس شهرين ، كعدت اقره فيزياء وأبد ما عفتها سبوعين أنه اقره بس فيزياء درختها درخ والله .... وكل هذا اقره وحدي وحُارب ابد ما اشوفو بس يجي يسبح ويبدل ويطلع ، ..... خلصت الفيزياء بلشت اقره بالكيمياء صعدت يمي ريام خطيه ضلت تقريني لأن تحبها الكيمياء خطيه ابد ما عافتني خمس ايام وخلصنها ..... ورها اقره بالانكليزي ابد ما عفتو وباقي المواد انه قريتهم ، .......خلصن شهر ونص وبقن 15 يوم ع امتحانات ، جاي اقره بالانكليزي وعيوني كُلهن دموع لأن حُارب ما قراني انكليزي قريت اسئلة القطع والانشاءات وضل القواعد ، فتحت الملازمه اريد اقره قواعد مآل الإنكليزي والله بذيج الساعه اباوع للملازمه وابچي لأن اموت منو الإنكليزي ،

_انفتحت الباب ودخل حُارب باوعلي واجه كعد يمي

_حُارب :- شكو شبيج تبچين

_رقية بدموع :- وخرر عني وخررر صالك شهر ما اجيت وكلت خطيه هاي متعوده عليِ أنه ارجعلها أنه اقريها شفت درجاتي وبعد ما شفتك شنو ذنبي أنه مرت عمك هي حركت أيدي وما كدرت اكتب ، قاطعني حُارب

_حُارب :- كملتي ، باوعتلو صفح ودرت وجهي للاملازمه

_حُارب :- تعبت وياج تعب بس الله يدري دوام ماروح غير بس بليل اخلي كل شغلي بليل واروح بس أنه وحدي بالمركز بليل حتى بس اخلص شغلي واتفرغلج الصبح كلو جنت اجي من المركز ب3 بليل واجيج كبل مثلج انه النوم ما شايفو بعيني جنت اروح لريام تشرحلي واجي أشرحلج تالي هيج تجازيني وأنه أكول درجاتها ما تنزل كلها من 98

_ رقية :- بس هذا مو الوزاري هذا بس حتى ادخل وزاري وأنه دخلت وزاري وأشد حيلي والله العظيم هذيج المره خاف انام ثلاث ساعات هل مره ما أنام ، هز رأسو ، وضل يقريني إنكليزي اباوعلو وأبجي لأن حقو والله عيونو حيل تعبانه يا شغل الدوام يا أنه يجي يقريني يارب اجيب معدل يرفع رأسو ، خلصنه يونت اوله سوالي امتحان بيونت اوله بكلشي بيها حتى الانشاء كتبته ،