بين نيرانِ حُارب

بارت لـ 41

بسم الله الرحمن الرحيم
البارت / الواحد والاربعون
حسابي الانستا:hwaraa_17 تابعوني
بقلمي أنا: حوراء العلي
.
.
قراءه ممتعه

**************

_ ام مهند:- يمه حطي بس شويه لـ ايديها ، هزيت راسي وحطتلها وبصورة عامة كلنا حطينه حتى عمتي حطتلها .... بنات اول مره اشوفهن شكد حبابات بحيث ما عافن الركص ضلن يركصن ، كومني اركص وياهن جان نسمع صوت حمزه وهو يرج البيت رج

_ حمزه :- وحكك علي أنه چتاله ، دحگت ع ريام وكتلها :-
_ عزا شكو شصاير ، رفعت جتفها بمعنى مادري ، نزلت جوه طلعت للحديقه شفت قسور كامش بأيدو سلاح نديت علي

_ رقية :- قسوررر ، دحگ علي واجاني ،

_ قسور :- ها يما ،

_ رقية :- حبيبي قسور شكو شصاير ، كمش أيدي اخذني للكوخ لي صاير وره البيت ، دخلني بي وكلي

_ قسور :- بغلاتي عندج احجيلي الصدك ،

_ رقية :- شكو قسور شصاير ،

_ قسور :- اذا اجه ابوج وكلج أنه تندمت واريد ارجعج لبيت اهلي ترجعين ، رفعت تگ حاجب بأستغراب ،

_ رقية :- ليش هو هنأ

_ قسور :- رقية جاي احجي معاج جاوبيني ،

_ رقية :- لا طبعا ما ارجع معه لأن الي سوا بيه مو قليل شعندي أرجع معه ، أخذ شهيق زفر الهواء براحه

_ قسور :- يعني راح تضلين يمي ويم أبويه حُارب ، حطيت ايديه ع خدوده وكتلو :-

_ رقية :- طبعاً ماما چا غير انت أبني اكو أم تعوف ابنها ، بأس رأسي وكال :-

_ قسور :- امي الروحانيه الرحمن يحفظجن الي جنه الرحمن أنتِ ، أبتسمت ألو وكتلو

_ رقية :- قسور چا شبي حمزه ، اخذ حسره وكال :-

_ قسور :- على أساس ابوج الصاك  مبلغ الحجي يريد يجي ياخذج وحمزه سمع هيج كال اذا اشوفو جاي عتبت البيت اكسر رجلو الحجي كلو :-

_ الحجي :- انت منو خلي يجي ياخذها البت بته ومن حقه يريد يشوفها

_ حمزه :- حجي شني من حقه لو بي حظ چا ما سوه بيتو هيج هذا ابن الكح*** حجي لا تخليني ادوس على ترابي

_ شيخ فاضل :- أعتذر خاف هذا تدخل مني بس لأزم البت ترجع لابوها البت ماعدها سند غير ابوها سندها ،  قاطعوا حمزه وهو يكزكز ع اسنانو من العصبيه

_ حمزه :- أنه سندها انه ابوها وانه اخوها كُل إلي نحرمت منو انه اعوضها بي عمي انت هسه تريد تحرم مني الهوا ،

_ الحجي :- شني الهوا تره هاي مرت اخوك شوكت لحكت تحبها شني جنتو تحبون بعض ، حمزه صار يفور من العصبيه شني هيج يحجي

_ رقية بدموع :- كمل ، مسح دموعي وكال :-

_ قسور :- مسحي دموعج حتى اكمل هاا ، هزيت راسي ومسحت دموعي ، أبتسم الي وكمل :-