✨مغامرة جديدة من مغامراتي نخوضها معاً في أحداث مشوقة و مرعبه تحبس الأنفاس و خيالية واذا تشابهت مع الواقع فإنها من سبيل الصدفة...
من قصة (من دون دليل)...
#الكاتبة_نمارق_الاسدي
#الكاتبة_نمارق_ميثم
#الكاتبة_N
هناك جريمة⚔️...
اذا هناك مجرم🥀...
وليس كل مجرم قاتل✨...
______________________________________
بارت الثامن عشر ( إعتراف)...
دا احظر الريوك و هو وكف يمي يلعب بالاكل..
أبابيل.. بعصبية: أبهر كافي خل اكمل السفر شبيك...
أبهر: شبيج يعروسه من هسه تصيحين عليه...
أبابيل: شسويلل اذا انت تلعب بالاكل على الاقل ساعدني حتى نخلص و نكعد ناكل...
أبهر: يله هاي دنساعدج...
يساعدني و يدرديم و كل شويه يبوسني بخدي يخجلني لحد ما خلصنا السفرة كعدنا ناكل شويه وسمعنا صوت سيارات الشرطه رجف جسمي هو حس عليه كام يمي بسرعه مسح على خدي...
أبهر: هدي أبابيل ماكو شي ان شاء الله...
أبابيل: أبهر قلبي وجعني...
أبهر: اسم الله على قلبج هسه نشوف شكو...
أبابيل.. اندكت الباب كمت وياه فتحنا سويه و الصدمه جان مهند كبالي بس حسمي بعده يرجف...
مهند: صباح الخير مادري اجي اهنيكم على زواجكم لو ألقي القبض على العروسه بصباح عرسها...
أبابيل... برجفه: شنو صاير؟...
مهند: انتي متهمه بجريمة قتل اخو ساره و صديقه...
أبابيل... قلبي يدك سريع و جسمي يرجف مادري شنو صار بيه أبهر حس عليه لزمني من ايدي...
أبهر: شنو الي يثبت صحة كلامك...
مهند: الأدلة تقدمت للشرطة...
أبهر.. بعصبيه: منو قدم الادلة منووو!!!...
مهند: هذا الشي ميخصك اني هسه اجيت اخذ أبابيل و هاهي...
أبهر: شنووو تاخذ عروس بعدها ما صار الها يوم هااا شنوو فهمني!...
مهند: مو صلاحيتي هذه...
أبابيل... دموعي تسح و اني اقدم ايدي لمهند حتى يكلبجها حتى انهي هذا النقاش الي احتمال يتنهي بسجن أبهر لان تعدى على نقيب مسحت دموعي و كلبجني مهند و اخذني للسيارة عيوني صارت على أبهر بمعنى خلص لازم ينتهى هذا العذاب و صعدت بسيارة الشرطه...
قررت ما اماطل بالأحداث و خلص اعترف بجريمتي حتى اخلص من عذاب الضمير و من شخصيتي المنفصمة دموعي تنزل و اني بالسياره بصفي مهند...
مهند: ليش هيج أبابيل؟...
أبابيل: لان الدولة مجان اخذت حقي...
مهند: بس انتي مجرمه اضرب منهم...
أبابيل: مهند لتزيد النار حطب لتأذيني بالكلام هاهي لتخاف رح اخذ جزاتي انت مو تريد تحقق العدل هاهي حققه و كافي..
مهند: عبالج سهله من اقدمج للعداله بأيدي متدرين ويه كل دمعه منج شنو ديصير بيه ليش ما اجيتي وحجيتي الي يمكن جان ساعدتج...
أبابيل: مثقيت حتى بنفسي الي هيج خانتني خلص هاهي...
انتبهت اله دار وجه و مسحه حسيت بي بجه يمكن...
وصلنا للمركز و حطوني بالزنزانه مخند بعد ما شفته شويه و اجوي اخذوني لغرفة التحقيق جان ضابط ما اعرفه اول مره اشوفه...
الضابط: نعم دكتورة أبابيل اتحفيني بجريمتج...
أبابيل: خلصت المجتمع من اثنين مدمنين و مغتص... بين....
الضابط: احجيلي كل شيء من البدايه...
أنت تقرأ
(من دون دليل )...
Mystère / Thrillerهناك جثة امرأة كبيرة بالسن هامدة ( متعفنه) في منزل صغير في زقاق من احد ازقة المدينة و لا يوجد دليل واحد على ان هناك جريمة قتل لا دماء ولا ادوات جارحة ولا شبابيك مفتوحة و لا حتى باب مهشمة... . . . . هل هي جريمة قتل ام موت طبيعي!!!... هل سوف تجد الشر...
