"Энэ хортой харилцаанд цэг тавьсан нь зөв шийдвэр үү?"
HEESEUNG's POV
"Та хүнтэй танилцах уу?"
Хажууд шар айраг балгалж байсан Жонвон нухацтай царайлан, ийн асууна.
"Сохор болзоо юм уу?"
"Хмм, бараг л... Сүжиний хуурай эгч байгаа юм л даа. Саяхан найз залуугаасаа салчихсан гэсэн"
"Яагаад заавал надтай гэж? Бас... чи яагаад тэр эмэгтэйд хань болох хүн хайгаад байгаа юм?"
"Хэдэн сарын өмнө миний ажлыг бүтээхэд тусалсан юм аа, тэгээд би түүнд найз залуугаасаа салахаараа хэлээрэй! Сайн хүнтэй танилцуулж өгье гээд хэлчихсэн юм"
"Золиг минь, чи наад амнаасаа нэг болно шүү!"
"Та хүнтэй үерхээгүй байгаа биз дээ?"
Би хоолойгоо засан "ү-үгүй ээ, салчихсан"
"Ашгүй дээ, тэгвэл та нэг танилцаад үзээч. Надад бол дажгүй юм шиг санагдсан, та хоёр нэлээн сайн тохирох байх"
"Тэгье ээ, нэг уулзаад үзье"
*****
Жонвоны яриад байсан эмэгтэйтэй уулзахаар болон болзсон газраа жаахан хожимдож ирлээ. Угаас ямар эмэгтэйчүүд цаг барьдаг биш.