يوميات مراهق بدون الألف🖕🏻

الصيف

مساء صباح الخير

اخيرًا بدأ كذا جو الصيف
دوب احس فيه
مع ان فيه امطار بس تشوفها امطار صيفيه بدون هبوب حتى

تخيلوا سامي
طالت مشكلته مع سعود ومتضايق حيل

قام دق على اخته قال تعالي عندي

اخته متزوجه وعايشه بمنطقه ثااانية

استنكرت منه وتركت عيالها وزوجها وراحت لوحدها تبي تتفضى له
وفعلاً قعدت معه اربع ايام تقريبًا

قامت دقت على سعود
اخته تخيلوا !

مع انها ماتدري عن شيء ابدًا

لكن قالت سعود لا احد يدري اني اكلمك ويشهد الله اكلمك مضطره عشان اخوي مقدر اتركه وراي كذا واللي وصله لذي الحاله مصيري أحصله
وانا اشوفك اقرب واحد له من العايله

سامي اهله ميتين ماعنده إلا اخته
وأخته مثل ماقلت متزوجه
فـ عماته وعيالهم وجدانه هم اللي معاه حاليًا
وأقرب واحد سعود يعني معروف

استنكر سعود اتصالها وفوقها انصدم انها توصيه وهو حس انها عارفه
مع ان سامي مستحيل يقول لاخته شيء كذا

راح عند سامي
وصحاه من النوم وقال انت تشكي لأختك علي ؟ رخمه ماتقدر تواجهني ترسلها هي!!!
انفجع سامي وحسب ان اخته قفطته وعارفه
جاه هبوط وقعد متنح

طبعًا أنا اول واحد دريت عن مكالمه اخت سامي

شلون ؟ لان اخته كلمتني برضو

قالت يافهد أنا كلمت سعود وكذا
وبغيت اسال ليش كلمتي سعود؟ تذكرت انه ولد عمها وهي ادرى وفوقها استحيت قعدت مُستمع ماتكلمت
وهي بنفسها جاوبت كانها حاسه اني اتسائل

المهم رحت أنا لسامي اتطمن عليه

لقيت الباب مردود

خشيت حصلت سعود يتكلم فوق راس سامي
وسامي يناظر الجدار

سحبت سعود ابي اطلعه ويهبى عيا يذلف
لكن قدرت ادفه وسكرت الباب

وقام يرجده
مجنون صدق

يرجده يعني يضرب

قال سامي ، يافهد يقول ليش تشكي لأختك أنا أصلا مستحيل اعلمها شلون اشكي
قلت ذا يحسب سرنا مقطوع في مدريد ولا تايلند ؟ مابعد وصلنا ذا التحرر وين عايشين اكيد هو غلطان
قال سامي ، وش ذا الغلط الغبي ! شكل اختي اكتشفت معقوله ؟ كيف اتاكد
قلت اختك حتى أنا كلمتني عادي تبي تتاكد اننا حولك
وشكلها كلمته نفس ما كلمتني بس مخه الغبي فسرها بطريقه اخرى

قمت قفلت السالفه بعد نقاش
ورحت اغير جوه

يوم جاء آخر الليل وحنا بالغرفه متكي أنا وياه ومعنا اياد
لكن ماتكلمنا مع اياد عن شيء مابي انكد على سامي
بس قلت له تعال ولا تسال كيف وليش ترى سامي نفسيته زفت خل نغير جوه