မြင်မြင်ချင်းချစ်ခဲ့မိတာမဟုတ်....
မြင်မြင်ချင်းစွဲလန်းမိခဲ့တာ...
ပထမဆုံးတွေဆုံမှုမှာတင် မျက်လုံး ၊ နှလုံးသားထိစွဲအောင် သူမကို မြင်မြင်ချင်းစွဲလန်းမိခဲ့တာ...
သူမရဲ့နက်မှောင်ရှည်လျားတဲ့ ဆံနွယ်တွေ..
မျက်မှန်အောက်က မျက်ဝန်းတွေဟာ ကျနော်သဘောကျမိဆုံး အရာတွေသာဖြစ်သည် ။
လမ်းလျှောက်တိုင်း ယိမ်းနွဲ့သွားတဲ့ဆံနွယ်လေးတွေ
မျက်မှန်လေးကို ပင့်တင်လိုက်တဲ့ဟန်ပန်တွေဟာ ကျနော့်အတွက် မြတ်နိုးစရာတွေသာဖြစ်သည် ။
ကဗျာတွေဟာနာထောင်ရလွယ်ပေမဲ့...
အဓိပ္ပါယ်နက်နဲတယ်...
သူမရဲ့အလှတရားဟာလဲ အကြည့်တစ်ချက်ပို့ဖို့လွယ်ပေမဲ့ ရုန်းထွက်ဖို့ခက်ခဲတယ် ..
ဘာကြောင့်ဘာကြောင့်ဆိုတဲ့ အကြောင်းပြချက်မရှိဘဲ သူမကိုသဘောကျခဲ့သည် ၊ ချစ်ခဲ့သည် ၊ မြတ်နိုးခဲ့မိသည် .....သို့သော်............…......…….………..............................................................................
##################
ခွမ်း!!!!!!
တိတ်ဆိတ်ငြိမ်သက်နေသော နေရာကို ဆူညံသံအဖြစ်ပြောင်းလဲခဲ့သောအသံ ...
ထိုအသံကြောင့် ခြံထဲမှလူနှစ်ဦးသည် အိမ်ထဲသို့ပြေးဝင်လာခဲ့သည် ။
ကြမ်းပြင်ပေါ်တွင် ပြန့်ကျဲနေသော ပုလင်းကွဲအပိုင်းအစများ
ထိုအပိုင်းအစများနှင့်အတူ ရပ်နေသောလူနှစ်ဦး ၊ သူတို့နှစ်ဦးအနက် တစ်ဦးကတော့ဒေါသများထွက်နေသယောင်
တစ်ဦးကဝော့ အသက်မဲ့နေသောလူတစ်ယောက်ပမာ ကြမ်းပြင်က ဖန်ကွဲစများကိုသာ စိုက်ကြည့်နေခဲ့သည် ။
အိမ်ထဲသို့ပြေးဝင်လာသော လူနှစ်ဦးမှာလဲ ထိုလူနှစ်ယောက်ရဲ့ အနေအထားကိုသိနေသည့်တိုင်အောင် ဘာတစ်ခွန်းမှပြောဆိုခြင်း မရှိဘဲ ဘေးတွင်သာရပ်နေခဲ့ကြသည် ။
" ကျနော်ပြောလိုက်တဲ့ စကားထဲမှာ မ အတွက် ဒေါသထွက်စရာ ပါသွားခဲ့လို့လား "
အသက်မဲ့နေသောလူတစ်ယောက်လို ကြမ်းပြင်ကပုလင်းကွဲစများကိုသာ ငေးကြည့်ရင်းပြောလိုက်သောစကားကို တစ်ဖက်လူကမကြားလိုက်သလို ပြန်ဖြေသံမရှိ ။
သူမရဲ့ခန္ဓာကိုယ်မှ စူးရှရှအရက်နံ့နဲ့အတူ အင်္ကျီခါးတို ရင်ဟိုက်ကိုမှ ပေါင်လယ်ထိတိုတက်နေသော စကပ်တိုဖြင့်တွဲဖက်ဝတ်ဆင်ထားသော သူမဟာ အများအမြင်မှာ အရိုင်းဆန်နေမလား ။
YOU ARE READING
ကျနော်ချစ်သော ထိုအမျိုးသမီး
Short Storyမြတ်နိုးရပါသော ထိုအမျိုးသမီးဆီမှ အမုန်းတရားတို့သည် ခါးသက်သော ချိုမြိန်ခြင်းပင် ........
