ဒေါက်! ဒေါက်!
ထွက်ပေါ်လာသော တံခါးခေါက်သံကြောင့် ပြောလက်စ စကားများကိုရပ်တန့်လိုက်သည် ။
" အော် ..မမေမာန်ထက် ရောက်နေတာလား "
ရုံးခန်းထဲသို့ဝင်လာသော ကောင်းမြတ်ရဲ့အမေးကိုအသာလေးခေါင်းငြိမ့် ပြလိုက်သည် ။
" ဘာကိစ္စရှိလို့လဲ အကိုကောင်းမြတ် "
" သခင်လေးသုတထက်ရဲ့အကြောင်းကို စုံစမ်းသူတွေရှိနေတယ် အကိုလေး "
ဒီစကားဟာ ထူးဆန်းတာတော့ မဟုတ်ပေမဲ့ အာရုံနောက်စရာကောင်းလှသည် ။
စားပွဲပေါ်က ကော်ဖီခွက်ကို လှမ်းယူလိုက်ပြီး တစ်ငုံသောက်လိုက်ကာ ....
" ရှင်းထုတ်လိုက်လေ "
ပြန်ဖြေသံမကြားရတော့ အကိုကောင်းမြတ်ကို မော့ကြည့်လိုက်ရာ တစ်ခုခုကို စိုးရိမ်နေပုံရသည် ။
" ဘာပြသနာရှိလို့လဲ အကိုကောင်းမြတ် "
" အဲ့လူတွေထဲမှာ မမလေးလဲပါနေတယ် "
ကော်ဖီခွက်ကို စားပွဲပေါ်လှမ်းထားတော့မဲ့ မောင့်လက်လေးဟာ ခဏတာရပ်တန့်သွားသည် ။
မောင့်ရဲ့မျက်နှာထက်တွင်လည်း ဝေခွဲရခက်နေတဲ့ အရိပ်အယောင်များကို တွေ့လိုက်ရသည် ။
ခုနကထိ တည်ငြိမ်နေခဲ့တဲ့ မောင်ဟာ ဟိုမိန်းမအကြောင်းလဲကြားရော တည်ငြိမ်ခြင်းတွေအစား
ကြောက်လန့်ခြင်းတွေ စိုးရိမ်ခြင်းတွေက နေရာဝင်ယူနေတော့သည် ။
မောင်ရဲ့စိတ်ကို ဆူးခက်နွယ်ဆိုတဲ့ မိန်းမဟာ ဒီလောက်ထိကို စိုးမိုးထားပါရောလား ။
" CCTV record တွေအထိရထားဝာာဆိုတော့ တော်တော်များများကို သိထားပြီထင်တယ် ..ဆက်မလိုက်နိုင်တော့အောင်လို့ တားထားတယ် အကိုလေး .... "
" အင်း..သိပြီ "
" ဒါဆို ..သွားခွင့်ပြုပါအုံး "
သက်ပြင်းရှည်ကြီးကိုသာ ချလိုက်ပြီး ရင်ဆိုင်ရမဲ့နေ့ရက်တိုင်းအတွက် ရင်လေးနေမိသည် ။
အမှန်တရားကို ဘယ်သူမှမသိအောင် ဆုပ်ကိုင်ထားရတဲ့ လက်တွေဟာလဲ နာကျင်လှပြီ ။
YOU ARE READING
ကျနော်ချစ်သော ထိုအမျိုးသမီး
Short Storyမြတ်နိုးရပါသော ထိုအမျိုးသမီးဆီမှ အမုန်းတရားတို့သည် ခါးသက်သော ချိုမြိန်ခြင်းပင် ........
